# Taduan panuac daa di  Tổng Bí thư, akaok negar  Nguyễn Phú Trọng, Patao Campuchia Prẹ Bạt Xăm-đéc Prẹ Ba-rôm-niết Nô-rô-đôm Xi-ha-mô-ni (Preah Bat Samdech Preah Boromneath Norodom Sihamoni) hu mai rivang Việt Nam meng harei 19 tal harei  21/12/2018. Beir harei kabroi  (19/12), Tổng Bí thư, akaok negar  Nguyễn Phú Trọng hu  taom gaok song Quốc vương Norodom Sihamoni di Phủ Chủ tịch. Tổng Bí thư, akaok  Nguyễn Phú Trọng ndom lac Việt Nam tuk halei jeng iek prong bruk pakhang, pakajap talei pambuak bruk siam mekre song Campuchia, kayua kein laba di 2 negar, kayua hòa bình, tani tanat, pambuak bruk song patagok dalam khu vực song di dunya .

# Dalam tuk uan raok Giáng sinh, harei kabroi (19/12), akaok Quốc hội Nguyễn Thị Kim Ngân hu nao ravang saong tadhau yuh dom halao janeng, tu sỹ, mikva giáo dân di Tổng giáo phận ban raya Hồ Chí Minh; Hồng y Phạm Minh Mẫn, Tổng giám mục chính tòa Tổng Giáo phận ban raya Hồ Chí Minh meng thun 1998 tal thun 2014. Urak ini, ban raya Hồ Chí Minh lac giáo phận praong abih saong hu rilo bhapbini công giáo di dân, gam saong urang dang akaok ban raya, Tổng giáo phận jeng peih dom libik taduan raok duh ka mikva giáo dân ngan saong 4 bruk lac taduan raok, khik caga, patagok saong mbeik drei tame. Tapa nan, akaok Quốc hội Nguyễn Thị Kim Ngân, jeng hu nao ravang saong tadhau yuh dom halao janeng, tu sỹ, mikva giáo dân tỉnh Đồng Nai.  

#  19 tuk melam ni  20/12/2018, di Nhà hát lớn Hà Nội hu rah tabiak  Bruk brei thau  97 doanh nghiệp hu pandap panda mek hu angan pakat negar mbang ka  6. Ni lac danak dak kayua mintri Công Thương song  Hội đồng Thương hiệu pakat negar pambuak gauk peih ngak. Danak dak  Thương hiệu pakat negar hu rilo makna song kein lagaih cambaih laih, dong ka doanh nghiệp paglaong pren meriak gauk di drak pasa dalam negar jang yau paglong  chất lượng, angan je pandap panda piah pablei tabiak negar langiu.

# Ông Nguyễn Đức Hòa, Phó akaok UB bhapbini tỉnh Bình Thuận tuk daok hu mbaok dalam sa nyaom biai di tỉnh tuk bair harei 18/12 ye  đột quỵ kayua tagok darah glo akaok. Meng hu cấp cứu drah samal, ông Hòa hu tapa nguy kịch, urak ini daok iek ruak di sang iek ruak Chợ Rẫy ban raya HCM. Kayua ông Hòa njauk iek ruak rilo harei, nan ye harei kabroi (19/12), ông Nguyễn Ngọc Hai – akoak uy mban bhapbini tỉnh Bình Thuận hu mbaoh tangin tame công văn rabha bruk ka dua Phó karei ngak bruk di ông Nguyễn Đức Hòa. UB bhapbini tỉnh Bình Thuận hu khan brei thau bruk rabha bruk ngak ini tal dom jabat, dom gah saong puk palei dalam tỉnh.

# Di ban raya HCM bahrau rah tabiak danak dak nghệ thuật piah pahadar 72 thun harei  Toàn quốc kháng chiến (19/12/1946 - 19/12/2018); 74 thun harei  padang Bol bala bhap bini Việt Nam (22/12/1944 - 22/12/2018) song 29 thun harei  Quốc phòng toàn dân (22/12/1989 - 22/12/2018); 58 thun harei  padang  Mặt trận bangsa Peih paha gah merong negar Việt Nam (20/12/1960 - 20/12/2018). Tui jalan sân khấu hóa hu padang ngak prong, danak dak hu brei mboh veik bruk hào hùng di dom rai rah nao dahlau,   dalam luac tuk vak dak padang song khik caga palei negar di  Bol bala bhap bini  Việt Nam. Dalam nan, harei Toàn quốc kháng chiến 19/12/1946 lac bruk hadah krah brei mbohbruk anit ranam gauk di bol bala saong bhap bini, saong bruk jum pataom bhap bini dalam mesruh metak meblah   độc lập bangsa .

Khaw tin dunya

# Ban ine Băng Cốc (Bangkok), Thái Lan mbang akaok meti tame angan 100 ban chit abih di dunya ngan saong urang taneh ia lingiu, tui sa pasang iek barau hu ba tabiak di hãng taong yaom ECA In-tơ-nây-xừn-nờ (International). Tui pasang iek di ECA, ban ine Băng Cốc urak ini dang ka 90 dalam dom ban chit di dunya ngan saong urang taneh ia lingiu, tagok 32 tanut duk saong thun dahlau. Ban chit abih dunya ngan saong urang taneh ia lingiu lac Át-ga-bát (Ashgabat), ban ine di Tuốc-mê-nít-xtan (Turkmenistan) di Trung Á. Ban hu tagok libik dang akaok meng ka 146 thun 2017 dalam tuk khủng hoảng kinh tế dak harei dak glaong. Di châu Á, ban chit ka dua lac Hồng Kông, ban chit ka nam di dunya.

# Ê-bô-la, sa dalam dom jit ruak mbuan metai di abih ngan song anek menuac dok jeng jhak jang di  Cộng hòa dân chủ Công-gô tuk hu tal   319 urang metai kayua jit ruak ni dalam thun ni. Kapul  Y tế Thế giới (WHO) dok kham pacang caka vi-rút njom mbak  min bruk  cô lập di rilo  cộng đồng gam song bruk meriak gauk meng  vũ trang ngak ka bruk kham merat di ni  njauk pacang veik . Urang jarka lac tui kuhria hu labaih 1 triệu urang  tị nạn song  di cư tame tabiak dalam khu vực ni, hu panuac kakei bruk njom mbak  vi-rút kan kandah tabiak khu vực. Ni lac mbang ka 10 Cộng hòa dân chủ Công-gô njauk jit ruak ni rah tabiak  meng di thun 1976.

# Meng bilan 1 tal bilan 10 thun ini, jaik 30 rabau menuac hu dom jabat chức năng di Phi-líp-pin daong ba tabiak truh tangin kol pablei salih menuac. Cục Di trú Phi-líp-pin (BI) brei thau, urang pacang cakak hu abih tih jaik 28.500 urang Phi-líp-pin, dalam nan hu 151 adei kumei bahrau praong njauk kol pablei salih menuac caga ba tabiak truh Phi-líp-pin piah nao tal Ả-rập Xê-út. Phi-líp-pin lac sa dalam dom taneh ia ba menuac nao ngak bruk di taneh ia lingiu praong abih dunya. Kinh te taneh ia ini pambak tame rilo dom jien padai bo urang ngak Phi-líp-pin di taneh ia lingiu (OFWs) payua mai taneh ia./.