# Pahadr 50 thun khik ramik suai lavik, khik caga siam di abih thi hài di Wa Hồ praong uranam, dom urang dang akaok mBan khik iek Lăng Chủ tịch Hồ Chí Minh, Bộ Tư lệnh khik caga Lăng saong Đại sứ quán tui ủy quyền di Thủ tướng bahrau peih bruk alin hadiah dom huân huy chương Lao Động, Độc lập saong Hữu nghị brei ka 2 kapul saong 23 urang di Liên bang Nga hu dom rik daong praong, siam, lagaih dalam bruk khik ramik suai lavik, khik caga siam di abih thi hài Chủ tịch Hồ Chí Minh.

 # Hu jeng bhian randap, meng dom harei camereip caga ka mbang padeih  hè, dom danak dak daoh tamia brei ka uraniah gam gam hu tabiak mbaok. Duk saong dom thun dahlau, danak dak thun ini oh ka biak bahrau jang min kham merat di dom urang peih ngak dalam tuk uraniah oh ka hu maong lac khách hàng tiềm năng jeng biak njauk pok meyaom. Nhà hát Tuổi Trẻ hu ba tabiak sa danak dak hu angan ieu lac “Bay lên những ước mơ”, hu 80 mbang parang me-in brei ka uranaih di Hà Nội saong TPHCM (yaok sa adit hu 3 mbang). Meng dom dalikan yau như Drei cim hijao (di nhà văn Bỉ Maurice Maeterlinck); Giấc mơ nàng tiên cá (di đại văn hào Andersen), Sơn tinh - Thủy tinh…, dom nghệ sĩ di Nhà hát Tuổi Trẻ hu ba mai ka dom adei sit rilo bui sambai chreih chrai gam saong dom kadha ka bruk anit ranam gauk, jum pataom gauk, kham merat yam tapa kan kandah dalam raidiuk.

 
          # Harei pataom pháo bingu pakat dunya Đà Nẵng 2019-DIFF 2019 ngan saong kadha “Dom baoh kraong dak dalikan”, rah tabiak meng harei 1/6/2019 tal abih harei 6/7/2019. Kadha bahrau di DIFF 2019 lac bruk dom kapul hu mbaok. Duk saong thun 2018, lingiu di bruk mai veik di kapul Ý – dang akaok DIFF 2018 saong kapul po sang Việt Nam, 6 kapul daok veik lac dom mbaok meta bahrau mai meng Nga, Brazil, Bỉ, Phần Lan, Anh saong Trung Quốc. Dom ứng cử viên bahrau di ngôi vô địch pháo bingu thun ini meda ba mai rilo kadha bahrau dalam dom mbang parang me-in pháo bingu saong dom ilamu karei, gheih mekre dalam yaok binah pakacah.

# Harei 1/6, di labik du lịch Suối Tiên (quận 9) Sở Du lịch TP Hồ Chí Minh pambuak bruk haong Công ty cổ phần du lịch văn hóa Suối Tiên, Sở Ngak nong saong Patagok palei pala TP Hồ Chí Minh saong Sở Công Thương hu peih harei pataom baoh kayau Nam bộ mbang ka 15 thun 2019. Mai hu mbaok dalam thun ini, tuai damuia meda ravang iek bein Kỳ Hoa Dị Thảo hu padang ngak yau sa taneh ia baoh kayau lạ, quý, hiếm hu pataom meng yaok labik dalam taneh ia yau paloi Đà Lạt 100kg, baoh daak Bình Định 70kg, dừa bị 15kg, chanh yên Đà Lạt 7kg, meriak Đà Lạt 2kg…Lingiu di nan, hu rah tabiak meng ini tal harei 4/8, Chợ nổi baoh kayau hu taong yaom lac kadha praong di harei pataom baoh kayau, hu brei mboh veik ilamu di bhum kraong ia Nam Bộ - inem krung ilamu phi vật thể pakat negar ngan saong labaih 50 sruh ghe pajeng bak baoh kayau that, bingi, tasak, mekre di akaok bilan.

# Parasite – lac janih phim hài ka dom bruk karei gauk di  giai cấp di đạo diễn Hàn Quốc Bong Joon-ho – mek hu jayah praong abih lac Cành cọ vàng di harei pataom phim Cannes 2019. Phim brei mboh Hàn Quốc saman ini ngan saong asal kadha lac sa baoh sang hu 4 urang hu thar vak oh oh patuah, kham merat duah bruk ngak piah yam takai tame sa baoh sang kaya meda. Dalikan ndung bak rilo makna klao hia ka bruk xã hội. Meng jayah ini, Bong – urang hu vak angan je di drei dii Cannes 2017 ngan saong kadha Okja (kayua Netflix buh jien tabiak ngak) – hu jeng urang Hàn Quốc akaok meti taduan hu bruk pok meyaom praong glaong ini.

# Dalam dom thun tapa, hareik hareim di dunya jeng ba gauk mai takai tasik dom taneh ia Đông Nam Á yau Philippines, Indonesia saong Malaysia. Min bruk ini oh daok dui atah suai lavik kayua dom taneh ia nan khang hatai bayar dom hareik hareim nan ka labik ngak tabiak nyu.Dalam bilan 5, Tổng thống Rodrigo Duterte hu panuac lac cakak klaoh talei ngoại giao haong Canada meyah rajaei taneh ia ini oh mek veik 69 container hu 1.500 tấn hareik xuất khẩu tal Philippines dalam thun 2013 saong 2014. Urang dang akaok Philippines daok hu panuac lac, meyah rajaei Canada oh ngak samar darah ye Manila meda ba dom hareik hareim nan tal taneh ia Canada saong tuh nyu tabiak nan. Dom taneh ia Đông Nam Á jeng hu panuac lac OH saong meda bayar veik rác thải nhựa, điện tử di Anh, Mỹ, Canada…

# sa kapul 20 urang peih kapal haok Nam Phi meda peih bruk par tapa châu Phi meng sruh kapal haok ngak eng di harei 15/6 tal. Ini jeng lac mbang akaok meti dalam sajarah gah kapal haok dunya, sa kapul urang peih kapal haok amu ala 18 thun peih kapal haok ngak eng.  Dom urang peih kapal haok mai meng rilo palei karei di gauk, jeng daok nao bac, hu peih 4 sruh kapal haok tabiak meng ban Cape Town di Nam Phi tal labik puac di abih lac ban Cairo di Ai Cập angaok jalan par atah 7.500 km./.