# Bruk taduan mek angan mblang bein địa chất dunya UNESCO non nước Cao Bằng meda rah tabiak di harei 24/11 di ban sit  Cao Bằng. Taphia bruk praong ini, tỉnh Cao Bằng daok hu peih ngak adit ilimo, padhih du lịch Non nước Cao Bằng ngan saong dom bruk chreih chrai yau: parang iek thaot binguk bhum taneh saong anek menuac Việt Bắc ngan saong kadha “Trải nghiệm Việt Bắc – duah thau non nước Cao Bằng” meng harei 23 tal harei 26/11; danakdak daoh tamia ragu daoh bhap bini saong parang iek khan ao bangsa 6 tỉnh Việt Bắc rah tabiak di harei 25/11; yaih khan du lịch mbang menyum bhum Việt Bắc meng harei 23 tal harei 26/11.

# Tui panuac khan meng Hội hữu nghị Việt Nam - Séc, 10 bộ phim Séc saong Slovakia meda hu yaih khan di harei pataom phim Séc-Slovakia mbang akaok meti di Việt Nam dalam tuk pahadar 100 thun padang taneh ia Tiệp Khắc, saong jeng lac pahadar 25 thun độc lập di taneh ia Cộng hòa Slovakia saong Cộng hòa Séc, hu: “jalan biên”, “neh rabha lac metai”, “klau caong khin brei ka anai Lọ Lem”, “Tổ ấm bé nhỏ”… Harei pataom rah tabiak meng harei 6 tal 14/11 di pasak Chiếu phim pakat negar (87 Láng Hạ, Hà Nội) saong CineStar Hai Bà Trưng (135 Hai Bà Trưng, Q.1, ban raya HCM).

# Parang iek “Dấu ấn kiến trúc Pháp di Bài Gòn-ban raya Hồ Chí Minh” yaih khan tal bhapbini jaik 300 tài liệu, thaot binguk, bản đồ, tư liệu quý hu khik piah di Việt Nam saong Pháp ka tukvak dak padang ban Bài Gòn – ban raya HCM meng puac abap XIX akaok abap XX. Dalam nan hu rilo tài liệu mbang akaok meti hu khan tal bhapbini ka sajarah dak padang bhum taneh Bai Gon - Chợ Lớn - Gia Định – ban raya HCM meng tuk Nguyễn Hữu Cảnh tame Nam kinh lý, padang chủ quyền Đại Việt di bhum taneh gah meraong thun 1868 mbiah tal thun 1945. Taphia di nan, parang iek daok yaih khan dom công trình dak padang ndung bak kiến trúc Pháp dalam meteh puac abap XIX, meteh akaok abap XX… Parang iek dui atah tal abih harei 24/11 di jalan nao takai Nguyễn Huệ. 

# Dalam adit parang iek nghệ thuật châu Á daok rah tabiak chreih chrai di London, dom blah rup cih di dua họa sỹ angan je dalam rai ameh di mỹ thuật Việt Nam hiện đại lac Nguyễn Tư Nghiêm saong Bùi Xuân Phái hu urang duah pataom lac urang Thụy Sĩ angan Hugentobler parang iek dalam dua bilik parang iek di pasak London meng harei 5-9/11. Mbeik drei tame dunya di Việt Nam daok peih praong tame dalam gah ilimo. Dom blah rup cih di dua họa sỹ gạo cội Việt Nam Nghiêm-Phái parang iek di London, pasak ilimo, nghệ thuật dunya, taduan hu rilo bruk sangka, pok meyaom di dom urang mai varang iek.

# Taduan panuac daa di UNESCO Nhật Bản, urang thiết kế Minh Hạnh hu var ndom biai ka ao tase di harei 8.11 di Fukuoka, Nhật Bản. Saai hu rilo mbang parang iek ao tase di dom taneh ia di dunya, min ini lac mbang akaok meti hu mbaok tame sa var diễn thuyết ka ao tase hu peih ngak di Nhật ngan saong kadha ai tase tapa dom saman, meng akaok abap 19 tal ini. Hadei di mbang ndom biai ka ao tase di Nhật, urang thiết kế Minh Hạnh jeng hu daa yaih khan ka ao tase di sa sang bac đại học di Moscow (Nga) di kreih bilan 11 tal.

# Dalam tuk pahadar 100 thun taneh ia Cộng hòa Áo, Đại sứ quán Áo di Hà Nội pambuak bruk saong pasak peih bruk parang me-in nghệ thuật (Cục Nghệ thuật Biểu diễn –mintri ilimo, padhih saong Du lịch), Học viện Âm nhạc negar Việt Nam saong Nhạc viện ban raya Hồ Chí Minh peih dua vmbang hòa nhạc cổ điển hu angan "Music from Vienna and about Vienna". Nghệ sĩ dương cầm angan je urang Áo Robert Lehrbaumer meda parang mein dom kadha di Wolfgang Amadeus Mozart, Franz Schubert, Gottfried von Einem saong Robert Schumann di tukvak 20 tuk harei  13-11, di Học viện Âm nhạc negar Việt Nam (Hà Nội) saong 20 tuk harei 15-11, di Nhạc viện ban raya Hồ Chí Minh.

# Rah tabiak meng harei 6 tal 15/11 di Hà Nội, harei pataom nghệ thuật chuyên nghiệp bol bala thun 2018 hu mbaok di 14 đơn vị nghệ thuật, ngan saong labaih sa rabau urang jakar nghệ sĩ, diễn viên. Thun ini, harei pataom hu peih tabiak parang me-in di rilo libik dalam saong lingiu bol bala piah duh ka urang jakar, bol lin saong bhapbini. Harei pataom piah rik daong ngak jeng tabung glaong bruk parang me-in nghệ thuật chuyên nghiệp, pamaong tal salam uan pahadar dom harei lễ praong, pachreih dom urang văn nghệ sĩ quân đội patagok ilamu, bruk naih gheih saong paneh kadha... 

# Công ty Sen Vàng barau brei thau lac meda peih bruk pakacah Hoa hậu dunya Việt Nam - Miss World Việt Nam mbang akaok meti di thun 2019. Thí sinh mek hu vương miện Hoa hậu dunya Việt Nam meda lambaok ka Việt Nam hu mbaok di Miss World. Bruk pakacah taduan mek hồ sơ meng harei 10-12-2018, tui kuhria vòng chung khảo gah meraong di bilan 3-2019, chung khảo gah Brak di bilan 4-2019 saong vòng chung kết di bilan 5-2019 di Cocobay Đà Nẵng. Tui harei, tui bilan yau nan, hadei di tuk đăng quang, hoa hậu saong dom á hậu hu ginup tukvak kuhria caga ka dom bruk pakacah dunya, rilo meng rah tabiak di bilan 10 saong bilan 11 yaok thun./.