# Meng harei 05 tal harei 07-01-2019, Harei pataom ilimo jih dahlah Việt Nam mbang yaka sa meda rah tabiak di ban sit Gia Nghĩa, tỉnh Đắk Nông kayua mintri ilimo, padhih saong Du lịch pambuak bruk saong uy mban bhapbini tỉnh Đắk Nông peih ngak praong tui pakat negar. Harei pataom ini, lac bruk ngak piah khik ramik, pok je saong patagok bingu la, ao khan angui cuk di bhapbini dom bangsa takik dalam taneh ia jeng ye dalam tỉnh Đắk Nông; taphia nan yaih khan saong ayut dalam taneh ia haong lingiu dunya ka dom yaom ilimo gheih mekre di dom bangsa,  tiềm năng, pren khang patagok kinh tế di tỉnh ini di bruk salih barau, mbeik drei tame saong patagok.

# Taduan hu 100 triệu đồng thưởng pandiak di mban peih bruk pakacah Hoa hậu Hoàn vũ Việt Nam saong 500 triệu đồng meng dom urang tài trợ kayua tame hu Top 5 Hoa hậu Hoàn vũ dunya, Hoa hậu H'Hen Niê khan lac brei abih paok jien nan ka dom bruk ngak xã hội. Hoa hậu H'Hen Niê brei thau, nai caong khin ngak ka blaoh panuac sanya saong buôn palei, daong jien bac ka dom anek saih kathaot yam tapa kan kandah saong ngak salah dự án Room To Read padang rilo jang gilang tapuk, daong jien ka dom anek saih kumei di dunya.

# Tác phẩm “Urang gru di dahlak” cih chân dung Huấn luyện viên trưởng đội tuyển Việt Nam Park Hang Seo meda hu ba tabiak pablei to yaom di sang đấu giá nghệ thuật Chọn harei 30/12 di Hà Nội ngan saong yaom akaok mereip lac 117 triệu đồng. Ini lac tác phẩm sơn dầu, kayua họa sĩ Trần Thế Vĩnh cih thun 2018. Taong abih paok jien mek hu meda pandar ka dom bruk ngak pahla.

# "Ban raya HCM – caong khin yam atah" lac angan jalan bingu Nguyễn Huệ Tết Kỷ Hợi 2019, ban raya HCM. Jalan bingu atah abih tih labaih 720m hu neh rabha jeng klau canah praong: ban raya bak hatai anit, rilo ilimo, ban raya thông minh (ban raya di harei hadei) saong Đô thị sáng tạo…Tui kuhria, jalan bingu Nguyễn Huệ hu peih tabiak duh ka bhapbini meng harei 02 tal harei 08 bilan 02 thun 2019.

# Jaik 500 kaya pandap meng abap XV-XVIII hu ba tame parang iek chuyên đề “Bí mật meng tasik praong- Lan am dalam dom sruh kapal mengkan” di miunyim sajarah negar di harei 18/1/2019. Dom kaya pandap lan am meng kan ini, lac pandap panda angaok dom sruh gilai pablei salih mengkan hu duah mboh di Biển Đông Việt Nam, brei mboh libik dang praong di Việt Nam dalam pablei salih dunya di tukvak hoàng kim di “jalan tơ lụa” angaok tasik.

Khaw tin dunya:

# Meng thun 2019, Thái Lan meda pandar quy định tame paok đơn giản ka dom janih pakao hala. Paok pakao đơn giản lac takik atau pakauk pandar logo, sambo màu, thaot binguk angan atau asal kadha  quảng cáo angaok paok pakao lingiu di angan thương hiệu saong angan pakao. Meng bruk ngak khang ini, Thái Lan jeng taneh ia akaok meti di châu Á saong lac taneh ia mek hu jien tame biar saonng trung bình akaok meti  ngak khang tangin piah pasang iek pakao hala.

# Bruk takik mbang ralaow oh lac daong khik caga pren yava, pacang ung thư di anek menuac bo daok rik daong khik caga alam môi trường saong baoh taneh. Ini lac roh duah barau hu Tạp chí Science ba tabiak, dalam nan ndom tal bruk pambual gauk khang kajap di bruk mbang ralaow saong alam môi trường. Tui roh duah, urak ini hu tal 83% taneh ngak nong di dunya hu pandar piah raong glang, nao gam saong nan, lac dom khí thải CO₂ ngak nerak alam môi trường. Piah raong diuk 7 tỷ menuac di dunya urak ini, yaok thun njauk ngak ralaow 50 tỷ drei athur.

# Mỹ hu miễn visa ka sa urang amaik Yemen piah nao tal taneh ia ini ravang anek likei lac Abdullah, 2 thun, daok hấp hối kayua ruak não bẩm sinh. Ini lac sa bruk ngoại lệ, kayua bhapbini Yemen daok dalam angan pakauk nhập cảnh di Mỹ. Dahlau di nan, ame di adei hu vak tagok sa panuac likau tagok mạng xã hội, caong khin mintri Ngoại giao Mỹ brei lệnh miễn trừ piah dua anek amaik gaok gauk mbang pauac. Panuac likau ini taduan hu rilo bruk pachreih daong di menuac sia Mỹ./.