# Di var taom gaok cử tri quận 9, TPHCM rah tabiak tuk mesup harei 21/11, amuk  Nguyễn Thị Quyết Tâm, Chủ tịch HĐND TPHCM hu khan brei cử tri thau ka bruk xử lý vi phạm di ong Tất Thành Cang - Ủy viên Trung ương Đảng, Phó Bí thư thường trực Thành ủy TP.HCM. Amuk Tâm brei thau, jalan ngak di  Ban Thường vụ Thành uỷ lac mboh ngak suan ye langyah catang tui hukum karja, tui hukum di Đảng, oh plaih nyaik, oh pacang panduak khuyết điểm. Muk Tâm berei thau: "Bruk  xử lý kỷ luật ong Tất Thành Cang lac  thẩm quyền di mintri  Chính trị song  Trung ương. Tong abih bruk kỷ luật bo Ban Thường vụ song Ban Chấp hành Đảng bộ ban raya ba tabiak lac cơ sở song dok dalam jalan langyah urang jakar bo  Uỷ ban Kiểm tra Trung ương, mintri  Chính trị song  Trung ương Đảng pasang iek ”.

# Tui pasak Dự báo Khí tượng Thủy văn negar, ribuk ka 9 gam saong lingik laar ngak brei hajan praong tal biak praong di dom tỉnh meng Quảng Trị tame tal Bình Thuận, bhum dom tỉnh Đắk Nông, Đắk Lắk, Lâm Đồng, gah Brak di dom tỉnh bhum Đông Nam Bộ. Mbang hajan praong ini meda dui atah meng harei ini (22/11) tuk lingik laar mai tal Trung Bộ, hadei di nan ribuk ngak brei hajan praong di bhum kreih negar meng harei 23/11. Hajan praong meda dui atah meng harei 23-28/11, di dom tỉnh meng Quảng Trị tame tal Bình Thuận meda hu hajan praong ngan saong ia hajan meda tagok tal 300-500mm.

# 6 urang metai, 16 boh sang khuah dalam bruk  khuah radeih  bồn pajeng xăng angaok jalan raya 13, labik tapa  ấp 3B, xã Minh Hưng, huyện Chơn Thành, Bình Phước (jiak khu công nghiệp Minh Hưng - Hàn Quốc) saboh mesup harei  22/11. Taduan hu panuac khan, Công an tỉnh Bình Phước ba rilo radeih pandam pui song yaok rituh urang lin nao tal labik piah padam khuah. Hadei di labaih sa tuk, pui pandam hu. Bruk nan dok hu pasang iek, duah thau.

  # Dua mintri Công Thương- jien padai barau hu quyết định trun khang yaom pablei dom janih xăng menyek meng 15 tuk bair harei 21/11. Tui nan, xăng E5RON92 trun 973 đồng/sa lít, xăng RON95 trun 1.093 đồng/sa lít; menyek diesel trun 907 đồng/sa lít; menyek gom trun 844 đồng/sa lít; menyek mazut trun 508 đồng/sa kg. Hadei di tuk trun yaom yau nan, yaom pablei dom janih menyek pandar rilo di darak pasal oh glaong jang tanut yaom ye ala ini: Xăng E5RON92 oh glaong jang 18.627 đồng/sa lít; xăng RON95 oh glaong jang 19.972 đồng/sa lít; menyek diesel oh glaong jang 17.637 đồng/sa lít; menyek gom oh glaong jang 16.242 đồng/sa lít; menyek mazut oh glaong jang 15.186 đồng/sa kg.

# piah dong uranaih mam non , anek saih tiểu học bhum bangsa takik  pandar siam sap Việt piah bac hu danak dak pato pakai mầm non song tiểu học, danak dak  “Patagok sap  Việt ka uranaih mầm non song anek saih tiểu học bhum bangsa takik ” tuk vak  2016 - 2020, patui jalan tal thun  2025” dalam  tỉnh Bình Thuận tuk camereip mek hu dom siam lagaih. 3 thun tapa,  pakat  mầm non hu jiak  5 ribau uranaih bangsa takik  hu nao bac (tagok labaih 49,8%). Daok uranaih mẫu giáo 5 thun  hu nao bac tagok labaih  99% song  100% uranaih bangsa takik bac bloh jeng hu patagok sap  Việt. 

Khaw tin dunya

# Meng harei 21 tal 23/11, rah tabiak roya pakacah gilai, palao menyek hoa đăng, paling ia bilan saong Ok Om Bok mengkan di urang bhapbini Campuchia. Roya brei thau bruk abih bilan hajan saong salih tapa bilan thu. Roya lac tuk piah ka urang Khmer brei mboh ilimo mengkan, bruk takre hòa bình saong hatai jum pataom bhapbini.

# Harei ni ( 22/11) lac harei  lễ Tạ ơn di  Mỹ. Yau yaok thun dahlau , mbang padeih  di sang Tổng thống Mỹ Trump di  labik padeih padei biak chit Mar-a-Lago di Floriđa tui kuhria meda pachreih hu rilo doanh nhân khin taom gaok Tổng thống Mỹ. Tổng thống Trăm uan raok  Lễ Tạ ơn song  langyah  “biak rilo bruk” pak nan

# Dom gah truyền thông Pakistan barau brei thau, takik di abih 10 urang njauk rambuac hadei di tuk sa baoh bom patuh gah dalam sa sang megik di libik Chaman, dalam tỉnh Balochistan, gah Tây Nam taneh ia ini melam kabroi 21/11. Kapul cứu hộ saong an ninh Pakistan drah samal hu mbaok pak labik nan saong ba dom urang njauk rambuac nao tame sang iek ruak. Tapa pasang iek, kapaul an ninh hu mboh dom chất patuh karei hu caik dalam sang megik. Rilo menuac mboh huac klak nduac hadei di nan. Urak ini oh ka mboh kapul nyaom atau menuac urang halei dang tabiak lac drei ngak bruk nan saong bruk điều tra daok hu drah samal peih ngak./.