# Thủ tướng Nguyễn Xuân Phúc bahrau taduan ông Koichi Miyata, Chủ tịch Tập đoàn Tài chính, gam ngak Chủ tịch gilang pariak  Sumitomo Mitsui di Nhật Bản. Tapa nan, Thủ tướng cong khin  Nhật Bản jhul pakhang jang gac bruk ngak mbang tame Việt Nam, yam tagok lac gah buh jien tame ngak mbang praong abih di  Việt Nam. Bui sambai ka dom danak dak ngak mbang patagok  di  Việt Nam bo gilang pariak  SMBC dong phun jien jeng lac dom danak dak prong,  Thủ tướng Nguyễn Xuân Phúc cong khin gilang pariak  SMBC peih prong jang  bruk brei mesraiy ka dom gah pambuak bruk ngak mbang Nhật Bản song Việt Nam.

   #  Mintri ngak nong saong patagok palei pala barau ba tabiak vắc-xin caga ruak salaoh cambuai papaok kakau (LMLM) type O saong jao brei pajaih vi-rút LMLM type A piah ngak tabiak vắc- xin. Tui mintri ini, hadei di rilo thun roh duah saong tapa tukvak taong yaom, mbang akaok mereip Việt Nam ngak tabiak hu vắc-xin LMLM AVAC-V6 FMD Emulsion type O,  pabak ginup dom tiêu chí, tiêu chuẩn tui  adat hukum urak ini. Tabhia nan, akaok mintri ngak nong saong patagok palei pala jeng mbaoh tangin tame Quyết định brei thau pajaih vi-rút LMLM type A “RAHO6/FMD/A-379” di Chi cục Thú y bhum VI pandar piah ngak tabiak vắc- xin.

 # Tapa jiak sa thun ngak iek, urak ni  ong Đoàn Văn Tỏa- urang nong di palei  Lương Phú C, xã Phú Kiết, huyện Chợ Gạo, tỉnh Tiền Giang pala hu phun tangei asar ngu. Ni lac janih pajaih bahrau kayua công ty TNHH Asar pajaih  Nova  pabak brei piah  ong Tỏa pala ala takai mblang hamu salih ka dom janih tangei meng kan oh daok siam, takik baoh. Ong Đoàn Văn Tỏa brei thau, pajaih tangei asar ngu ni hu asar meng Thái Lan, biak lagaih song langik tasik di pak ni. Yaok thun urang nong meda pala hu 5 mbang, laba hu labaih 500 triệu đồng/ha. Dut song dom pajaih tangei meng kan ye tangei asar ngu siam jang, rilo baoh jang, meda pambak prong tabiak.

       #Pahadar 72 thun harei padang Hội Chữ thập đỏ Việt Nam (23/11/1946 – 23/11/2018), Hội Chữ Thập Đỏ ban raya HCM hu ba tabiak bruk “ Tết ka urang kathaot saong urang gaok jru mek kalik kruac thun 2019”. Tapa nan, Ban Chấp hành Hội Chữ thập đỏ ban raya HCM pok je 72 greih camin hadah trah “ Hoa việc thiện”, alin harak meyam pakat karja ka sa kapul nyaom, 10 urang kham merat ngak siam bruk Chữ thập đỏ thun 2018. 

 # Bruk "Ba gauk padang ngak palei pala bahrau" dok pambak khang di bhum taneh Bù Đốp, tỉnh Bình Phước. Karja brei  xi măng, cuah, urang lin song bhap bini buh pren ngak jalan, meng nan dom jalan palei bahrau hu tabiak rai ngak salih mbaok meta puk palei di  Bù Đốp. Meng akaok thun tal ni, Ban chỉ huy quân sự huyện bo ba akaok lac  Đại đội Bộ binh 10 hu  ba 120 mbang urang jakar, urang lin ramik ngak pasiam labaih 10 km jalan di  3 puk, palei, khu phố; pambuak bruk song bhap bini  tuh bê tông 5.750 m jalan palei pala.

 Khaw tin dunya

# Di Thái  Lan, yaok adit, dom urang halan hatian di jabat ngak bruk kayua alam môi trường Trash Hero saong urang bhapbini puk palei pataom gauk nao tal dom mblang tasik angaok pulao kaoh Koh Chang, bhum timul taneh ia ini piah ba gauk nao duan mek hareik. Bruk ngak ini oh lac daong ngak hacih alam môi trường tasik ba daok daong paglaong akaok sahneng di urang bhapbini ka hareik thải nhựa. Tui Cục khik ramik ô nhiễm di Thái Lan, hareik thải nhựa di taneh ia ini tagok 12% yaok thun, nan lac jaik 2 triệu tấn. 

# Urang jakar Hàn Quốc brei yah klaak sa labik sik ngak saw  Taepyeong-dong daok di ban  Seongnam, gah merong ban ine Seoul. Labik ni hu takik di abih  6 lò sik ngak saw  song nyu khik piah hu yaok rituh drei, lac labik pabak rilaow saw ka dom nhà hàng di grauk Hàn Quốc. Kapul pachreih dong quyền anek athur  Hàn Quốc ndom lac bruk ni lac  “Tukvak dak rai”, peih jalan ka bruk kreik pambah mbang rilo labik sik ngak ralo saw di negar ni. Tui kuhria mboh, hu labaih  1 triệu drei saw hu  sik ngak yaok thun di  Hàn Quốckayua tui hatai sahaneng di urang negar ni rilaow saw lac  pandap mbang siam ka pren yava. Dalam tuk nan, dom urang khik caga athur ndom lac mbang rilaow saw lac bruk biak kanyah jhak, vô nhân đạo. 

# Amazon - blah mạng pablei salih trực tuyến praong di Mỹ barau brei thau thông tin cá nhân di rilo urang angaok blah mạng ini njauk rò rỉ kayua lỗi kỹ thuật. Min, Amazon oh brei thau hadom urang gaok bruk di mbang ini, tabhia nan tah klaak panuac lac hu bruk can thiệp di tin tặc tame hệ thống dữ liệu; dom mã số bảo mật di  khách hàng jeng daok hu khik caga. Khách hàng di Mỹ saong châu Âu jeng brei thau lac taduan mek hu tin nhắn khan brei thau di Amazon. Amazon meblah tal 48% doanh thu pablei pandap trực tuyến di Mỹ dalam thun ini. Bruk nan rah tabiak di bilan tabung glaong pablei salih puac thun ngak ka angan je di Amazon gaok kan kandah oh sit./.