#Anak bruk hajan ngin khang di ribuk ka  9, mesup harei  (26/11), rilo tỉnh ban bhum Đông Nam bộ brei anek saih, sinh viên pedeih bac piah khik caga siam mekre. Mesup harei ni, labaih 1,7 triệu anek saih di dom sang bac  meng pakat mầm non tal  trung học phổ thông di ban raya HCM hu padeih bac  piah nyaih  ribuk  ka 9 piah khik caga siam mekre. Oh lac di sang bac ng phổ thông bo rilo sang bac  đại học, cao đẳng di ban raya HCM jeng brei  sinh viên padeih bac harei ni. Tal bac halei hu  lịch thi njauk di harei padeih hu sang bac brei pakacah  di harei karei. Tui kuhria harei page  (27/11), dom  tỉnh, ban di  bhum Đông Nam bộ brei anek saih , sinh viên nao  bac  veik.

#  Tui kuhria mboh di gah chức năng, tal puac harei 25/11, hadei di tuk ribuk ka  9 tuh tame, tỉnh Bà Rịa – Vũng Tàu hu labaih 30 baoh sang, sang bac di dom huyện Châu Đức, Xuyên Mộc, Long Điền, thị xã Phú Mỹ saong ban sit Vũng Tàu par tabung, 1 baoh sang khuah kayua chập điện di ban sit Bà Rịa. Di huyện Đất Đỏ kayua hajan praong gam saong ngin khang ngak dauk ia, jaleih 40 ha lúa Mùa. Di TP Vũng Tàu labaih 1000 phun hijao yau Sao, dầu, điệp njauk ngin juk jaleih, dom phun jaleih nan praong meng 8 – 10 thun, hu  3 – 5 phun praong meng 50 – 100 thun.

 # hajan khang dui atah ngak glut jaleih rilo labik di  khu gian Kà Rôm - Phước Nhơn angaok jalan pasei  Bắc Nam, labki nao tapa huyện Thuận Bắc, tỉnh Ninh Thuận ngak ka jalan pasei tapa labik ni njauk gar jalan dalam abih harei  25/11. Hadei di tuk ia tathuak , Công ty cổ phần jalan pasei Thuận Hải jak ba tong abih menuac urang song pandap panda thiết bị, vật tư, peih bruk pacang  rọ patau piah pasiam veik. Tal mesup harei  (26/11), jalan ni brei radeih peih nduac nao mai  veik

#  Melam kabroi (25/11), di sân vận động quốc gia Mỹ Đình, Hà Nội rah tabiak bruk peih mbaok nyaom roya Thể thao pakat negar thun 2018.  Hu mbaok dalam tuk peih nyaom roya ini lac labaih 15.000 urang. Brei panuac pak nan, Phó Thủ tướng Chính phủ Vũ Đức Đam pok meyaom bruk ngak hu di nyaom roya thể thao dom pakat saong pok meyaom dom kham merat di ban Hà Nội, Bộ Văn hóa, Thể thao saong Du lịch, dom ngành, dom tỉnh, ban, dom kapul nyaom, menuac urang hu kuhria caga siam ka nyaom roya rah tabiak njauk tui bruk ba tabiak.

# Di Nhà hát lớn Hà Nội, Ủy Ban bangsa  bahrau dang tabiak peih  bruk pok meyaom labaih  160 anek saih , sinh viên bangsa takik naih gheih thun 2018. Pok panuac di Lễ pok meyaom, Ủy viên mnitri Chính trị, Phó Thủ tướng Thường trực Chính phủ Trương Hòa Bình ndom lac Đảng, karja drei tuk halei hu iek glang patagok bruk pato pakai bhum bangsa bhum ceik. Dom anek saih  sinh, sinh bangsa takik  hu pok meyaom mbang ni  lac dom anek saih, sinh viên mek hu dom jak jeng naih gheih, dalam bruk bac megru , pasram megru thun  2017 – 2018. Hadah hadai hu angan dalam harei pok meyaom sinh viên Phạm Chí Cao (bangsa  Mường), dok lac  sinh viên  sang bac Đại học Y Hà Nội, klah rabha hatai khin di drei  :“Adei lac  sinh viên mbang ka sa di sang bac  Đại học Y Hà Nội, hadei ni adei khin jeng bác sỹ siam , hu  chuyên môn khang  piah ba mai bruk hagait bo drei bac hu pabak ka taneh ia palei negar  ”

Khaw tin dunya

# Gah kreih negar saong gah Đông Nam Trung Quốc dalam dom harei tapa hu dom mbang ia kakua kapal. Ban Trùng Khánh njauk tabiak tanut cảnh báo kanyik. Ini lac tanut glaong ka 2 dalam bruk cảnh báo thời tiết 3 pakat. Meta maong taok daok di tanut 50m. Dom gom giao thông oh hu tác dụng, ba tal srau kadau angaok jalan. Cảnh sát njauk dang tabiak điều khiển giao thông di rilo labik. Urak ini ia kakua kayua lingik la-an bhian mboh di Trung Quốc. Min ia kaua kapal mbang ini dui atah livik harei saong ngak kan kandah tal bruk hit yaok harei pak ini.

#Khau tin Ấn Độ harei kabroi  (25/11) brei thau , takik di abih  9 urang metai song labaih  46 urang karei njauk rambuac  dalam 2 mbang radaih paoh gauk trak gam tal radeih  buýt pajeng tuai di  bang Hi-ma-chan Pra-đét (Himachal Pradesh) gah brak negar ni.

# Pachreih tui harei dunya pacang bruk taong paoh urang kumei, yaok pluh ribau menuac di châu Âu trun jalan nao takai piah phản đối bruk bạo lực tình dục ngan saong urang kumei. Yaok pluh ribau menuac cuk khan ao sambo ngu hu mbaok tame bruk nao takai angaok jalan di ban ine Ma-đrít (Madrid, Tây Ban Nha), ba tui biểu ngữ pacang veik bruk bạo lực gia đình gam saong dom kadha ngak jhak tal urang kumei.  Bruk trun jalan nao takai di Ma-đrít hu bau tal angan 44 urang kumei metai kayua dom bruk bạo lực gia đình di Tây Ban Nha di thun bloh. Dom bruk trun jalan nao takai yau nan jeng hu peih tabiak di yaok pluh ban karei di grauk labik dalam taneh ia Tây Ban Nha./.