# Hãng kapal haok Vietnam Airlines (VNA) bahrau brei thau, dalam 4 harei meng 13 tal 16-12, Hãng brei tagok  3.700 kik daok (samu 14 mbang par) angaok jalan par meng bal raya Hồ Chí Minh - Hà Nội duh ka cổ động viên gah meraong tabiak Hà Nội cổ vũ ka đội tuyển caoh mblaong Việt Nam dalam mbang chung kết lượt mai AFF Cup 2018 angaok mblang Mỹ Đình harei ini (15-12). Dom mbang par nan hu Vietnam Airlines pandar kapar haok bahrau Boeing 787-9 saong Airbus A350-900 ngan haong chất lượng dịch vụ dunya 4 patuk. Yau nan, gam haong dom mbang par yaok harei, Vietnam Airlines hu tagok jang jaik 7.000 kik (samu 31 mbang par) meng akaok mùa giải AFF Cup 2018 tal ini. 

# Dahlau mbang chung kết di Viet Nam saong Malaysia di Mỹ Đình rah tabiak harei ini 15/12, angaok blah web di AFF Cup 2018 iew dom urang takre iek dat blong  brei palih ruah “Cầu thủ halei meda brei caoh tame chung kết ?". Hu 3 urang cầu thủ di kapol dat blong VN hu AFF palih ruah lang ứng viên lac tiền vệ gah hanok Nguyễn Quang Hải, tiền vệ phòng ngự Phạm Đức Huy saong trung vệ Quế Ngọc Hải. 

  # Bahrau ini, sa urang kamei sinh viên di sang bac Đại học Công nghệ TP.HCM (HUTECH) naih jioy mek hu giải Nhì dalam giải thưởng roh duah ilamu pakat mentri ngan haong sa kadha roh duah piah khik kajap an toàn pandap mbang menyum. Po di giải thưởng ini, lac Trần Thị Phương Thảo, sinh viên thun puac ngành Kỹ thuật môi trường dalam Viện Khoa học Ứng dụng HUTECH ngan haong kadha "pasang iek bruk di anak meta saong taong yaom dư lượng di Glyphosate dalam dom mblang bein pala nho huyện Tuy Phong, tỉnh Bình Thuận". Hu thau, Glyphosate nan lac hoạt chất hu dalam jru hareik hu pandar rilo min urak ini oh ka hu pasang iek catang, quy chuẩn ka hàm lượng dalam kaya nong saong dalam môi trường tự nhiên. 

# Hadei rilo kham merat ngak brei takik ndih tapui rilo anek kumei atau likei oh sumu gauk, thun 2018, Ban HCM hu tanut 105,3 kumei /100 kuman likei. Bruk nan hu brei thau di mabng mit tinh pahadar harei Dân số Việt Nam (26/12) saong kuhria iek veik 10 thun bruk dan so Ban raya HCM. HCM lac bhum paplei dang akok dalam atneh ia dalam dom danakdak pakat negar ka dan so.Yau nan min, bruk ndik tapui di BAN HCM takik abih, tok 1,5 anek di sa urang kumei.

# 38 Pasak anh ngữ ILA dalam negar hu peih ngak ralo bruk bui sambai, chreih chai piah uan raok harei Giáng Sinh thun ini. Danak dak hu dom asal kadha yau:  pakacah vak payua kadha caong khin tal Ong taha Noel;  mbang darak Giáng Sinh piah pataom jien brei kadung jien bac daong  ka uranaih nao bac di ILA Community Network (ILA Cộng Đồng), rik daong brei pok jien bac yaok thun ka labaih 300 adei hu rai diuk kan kandah dalam Kadung jien bac Quỹ ILA Community Network dalam thun 2019. Danak dak rah tabiak tal abih harei 24-12-2018.

Khaw tin dunya:

# Hadei di mbang  muk  Mạnh Vãn Chu  njauk chap kreik, dom urang roh duah Trung Quốc dok ngak bruk dalam lĩnh vực khoa học công nghệ glong sami samar  hu pathau khan jhui nao tal  Mỹ meyah oh hu bruk hagait biak cấp bách tuk ni. Harak mbao South China Morning Post brei thau dalam tuk rajaei Trung Quốc daok pasang iek hatai sahaneng  hadei di bruk di muk  Mạnh Vãn Chu , giám đốc jien padai Công ty Huawei, Trung Quốc njauk chap di Canada. Oh lac hu panuac khan lac jhui tal Mỹ meyah lac oh ka hu bruk hagait, harak pathau khan nội bộ di sa jabat  roh duah dok kakei dom  nhân viên, meyah lac njauk khin tal Mỹ tuk ni, brei tah klaak dom dữ liệu nhạy cảm dok piah dalam  điện thoại di động song  máy tính  dahlau di tuk ba nao . 

  # Tui pataom iek jalanroh duah thun 2018 angaok Google kayua Google bahrau brei thau, panuac sua tangi "Bitcoin lac hagait?", lac dom panuac hu roh duah ralo abih di hạng mục roh duah dạng panuac sua tangi angaok Google dalam thun tapa. Di Mỹ haong Anh, urang pandar Google hu roh duah thông tin ka đồng jien điện tử hu mboh rilo di abih dut saong dom chủ đề halei karei.

# Ong Zhou umo 49 thun – urang ngak di sang  máy ngak kaik men Trung Quốc hu tapa sa mbang  trực đêm kinh hoàng song jiak si metai, hadei di tuk rah tabiak  sự cố song jamriak, 10 boh  đinh prong hu atah  30 cm song kapan  1,5 cm paoh tame kaeing. Hadei di tuk chuẩn đoán camereip, ong Zhou hu ba tal sang iek ruak  Xiangya di sang bac  Đại học Trung Nam song hu dom bác sĩ cứu sống hadei di sa   ca blai dreih kan kandah ./.