# Brei panuac tuk peih mbaok mbang nyaom ka  9, khóa  IX di HĐND ban  Đà Nẵng di harei kabroi  (17/12), Chủ tịch Quốc hội Quốc hội Nguyễn Thị Kim Ngân ndom lac, Đà Nẵng njauk patagok tui jalan bahrau song thông minh tui dunya song hu ilamu di drei, mek bhap bini ngak pasak, dalam nan chất lượng rai duik di bhap bini njauk dang di tanut glong. Piah ngak hu bruk nan,  Đà Nẵng njauk pataom tame 3 kadha praong, lac: du lịch, công nghiệp công nghệ cao song kinh tế tasik .

# Di var taom gaok cử tri Quận 1, ban raya HCM di melam 17/12, dom bruk pambuak tal dự án libik đô thị barau Thủ Thiêm, bruk  padang sang daoh 1.500 tỷ di Thủ Thiêm...hu rilo cử tri sangka. Javap calei panuac sua di cử tri, akaok uy mban bhapbini ban raya Nguyễn Thành Phong ndom lac: jalan ngakt di rajaei padang ngak Thủ Thiêm jeng hạt nhân jhul khang patagok lac jalan ngak njauk saong ban raya HCM njauk kham merat padang ngak Thủ Thiêm jeng libik đô thị barau ye quy hoạch. Di libik 160ha tái định cư, ông Phong brei thau,  tổ ngak bruk hu Thanh tra rajaei, lambaok dom mintri ngành, jabat di ban raya hu duah pasang dom dự án di libik ini saong dalam adit meda hu kết luận, khan brei thau bruk ngak hu akaok mereip. Di sang daoh giao hưởng, ông Phong brei thau sang daoh giao hưởng hu ban raya ba tabiak meng tukvak dahlau saong hu bruk njauk hatai di rajaei. Tuk raidiuk di urang bhapbini dak harei dak paglaong lac bruk caong khin maong iek ilimo lac bruk njauk mboh.

# Di mbang xét xử sơ thẩm 12 urang hu pagam tal Bruk buôn lậu xăng menyek di  Công ty Dương Đông Hòa Phú, Viện kiểm sát bhap bini  tỉnh Bình Thuận ba tabiak  mức án ka dom urang  lac: Nguyễn Đức Mạnh (Nguyên Chủ tịch Hội đồng quản trị kiêm Tổng giám đốc Công ty CP Dương Đông Hòa Phú, tỉnh Bình Thuận) meng 11- 13 thun guk; ong  Nguyễn Thanh Sơn (Nguyên Phó Tổng giám đốc Công ty CP Dương Đông Hòa Phú) từ 9 – 11 thun guk ; dom  bị cáo karei  njauk  đề nghị mức án meng  4-7 thun guk. Ngan song  ong  Aleria Romel Pagente (Quốc tịch Philippines, Thuyền trưởng tàu BTS Christina Singapore), Viện kiểm sát hu panuac đề nghị  phạt jien meng  500 – 700 triệu đồng song  trục xuất tabiak truh Việt Nam

# Pasak pambauk bruk duah daong urang njauk bala hàng hải bhum III barau brei thau, urang metai ka 2 di mbang karam kapal dalam tasik Vũng Tàu barau hu duah mboh. Dahlau nan, di harei 13/12, kayua lingik jhak BV 9496 TS gaok riyak taong karam, angaok kapal hu 16 thuyền viên, dalam nan hu 13 thuyền viên hu kapal ikan BV 8532 TS daok ngak bruk hu daong diuk, daok 3 thuyền viên daok lihik. Ngan saong dom bruk kham merat duah daong di kapuh duah daong bala hàng hải, tal ini 2/3 urang lihik hu duah mboh lac saai Lê Đình Quân, ndih tapui thun 1982, daok di Thanh Hóa saong saai Trần Quang Hữu, ndih tapui thun 1986, daok di Vũng Tàu.

# UBND huyện Định Quán, tỉnh Đồng Nai bahrau bayar jien dong ka urang raong ikan palei  bè La Ngà njauk khat lihik kayua ikan metai di puac bilan 5 meng bloh. Yaom jien bayar jiak 12,3 tỷ đồng ka 129 boh sang njau khat lihik . 

Khaw tin dunya

# Campuchia barau ba tame pandar sang mac thủy điện praong abih dalam taneh ia di huyện Se San, tỉnh Stung Treng hadei labaih 11 thun dak padang. Sang mac thủy điện Se San Krom 2, ngan saong paok jien ngak 800 triệu USD,  kayua dom công ty Việt Nam, Trung quốc saong Campuchia buh jien tame ngak ngan saong công suất jaik 2 triệu KWh/sa thun. Ini lac công trình hu dak padang meng phun jien BOT ngan saong tukvak ngak 45 thun dalam nan 5 thun dak padang saong 40 thun peih ngak.

# Takik di abih 6 urang metai song yaok pluh urang karei njauk rambuac dalam mbang pui khuah rah tabiak harei kabroi  (17/12) dalam sang iek ruak ESIC, di  bhum timur  Andheri), ban  Mumbai, gah  Tây Nam di Ấn Độ. Tui karja palei, pui khuah rah tabiak meng tal 4 di sang iek ruak 5 tal tukvak  16tuk  (tuk vak pak ni). Dalam tuk rah tabiak khuah hu labaih 160 urang ruak dok iek ruak di sang iek ruak.Tui panuac khan di cảnh sát, 147 urang hu daong ba tabiak saong hu ba tal dom sang iek rusak jiak di nan piah iek ruak.

# Akaok mintri Kinh tế Pháp, Bruno Le Maire barau brei thau Pháp medang kakje dom tập đoàn công nghệ praong di Mỹ meng harei 1/1/2019 bo oh cang hu adat di Liên minh châu Âu. Anak meta hu 4 gah praong lac công nghệ Mỹ nan lac Google, Apple, Facebook saong Amazon (ieu katut lac GAFA) meda gaok kakje. Quyết định angaok di Pháp hu ba tabiak dalam tuk Liên minh châu Âu jeng oh ka njauk hatai ka sa quy định chung pambuak tal bruk kakje dom tập đoàn công nghệ Mỹ ngak bruk di châu Âu. Rilo taneh ia châu Âu, dalam  nan hu gam  Đức, duh hatai bruk kakje ini meda ba tal dom bruk taong bayan di gah Mỹ./.