# Mintri  Y tế hu peih bruk jao 14 bác sỹ ranaih umo bahrau tamat khóa 3, tal pato pakai bác sỹ chuyên khoa 1 mai ngak bruk di  14 huyện kan kathaot di dom tỉnh bhum ceik gah brak. 14 bác sỹ ni di dom chuyên khoa, yau Ngoại, sản, nhi, truyền nhiễm, hồi sức cấp cứu, chẩn đoán hình ảnh… lac dom gah dok kurang bác sỹ. Dom bác sỹ hu pato pakai  yau  bác sỹ nội trú, tui jalan “ pal tangin tacei bruk” piah tuk bac tamat bloh, urang meda ngak siam bruk iek ruak di cơ sở y tế tuyến huyện. Ni lac bruk hu makna di  dự án “Ngak iek bruk ba bác sỹ ranaih umo halan hatian mai ngak bruk di bhum ceik, bhum atah bayah, bhum tapen negar, palao tasik , bhum kinh tế xã hội biak kan kandah” hu peih tabiak meng thun 2013.

# Harei 18/12, gah Cảnh sát điều tra mintri Công an (C03) tabiak Quyết định khởi tố bị can, Lệnh cap mek bị can piah kareik ông Đỗ Văn Khạnh, dahlau diah ngak Tổng Giám đốc Tổng Công ty Thăm dò Khai thác Dầu khí Việt Nam (PVEP) di Tập đoàn Dầu khí Việt Nam ka tội "mek bruk ngak, quyền hạn meblah mek drap ar" tui paka 355 - Bộ luật hình sự 2015. Tapa duah thau tra vụ án, gah Cảnh sát điều tra mboh lac ông Đỗ Văn Khạnh dalam tukvak meng thun 2012 - 2014 mek angan bruk ngak lac Tổng Giám đốc PVEP piah mek jien di OceanBank bayan jien laba lingiu (daok ieu lac jien pasang iek urang mesraiy, hadei nan meblah mek drap ar .

# “Mong veik bruk xã hội hóa dom bruk văn học, nghệ thuật di  Việt Nam meng tuk patabiak sarak mbiah tal ni” lac angan di nyaom biai pakat negar kayua Hội đồng lý luận, phê bình văn học, nghệ thuật peih ngak mesup harei (19/12) di rayo sap ndom  Việt Nam, labik 58 Quán Sứ, Hà Nội. Ni lac mbang ndom biai ilamu  praong pakat negar camereip abih hadei di  25 thun tong yaom bruk peih ngak xã hội hóa văn học nghệ thuật di Việt Nam.  

4# UB bhapbini ban raya HCM barau hu harak ka 5768 mek veik Quyết định mek veik libik taneh ameh ka 8-12 Lê Duẩn, Quận 1. UB bhapbini ban raya ndom cambaih makna mek veik Quyết định ka 5671 dahlau nan lac ngak tui panuac di gah Cảnh sát điều tra, mintri Công an. Ông Nguyễn Toàn Thắng, Giám đốc Sở Tài nguyên saong Môi trường ban raya HCM brei thau gah Cảnh sát điều tra, mintri Công an hu khởi tố vụ án saong daok peih bruk điều tra praong. Ban raya pambuak bruk saong mintri Công an khik drap ar piah duh ka bruk điều tra: “Urak ini libik taneh ini daok pambuak tal bruk gah điều tra hu khởi tố saong xử lý bruk pambuak tal. Dom trình tự, thủ tục di tukvak ini lac njauk ngak tui hukum tố tụng”

#  Di  hạng mục boh blong meh (QBV) likei  brei ka  cầu thủ like naih gheih di  abih thun 2018, 5 đề cử jeng lac dom  tuyển thủ quốc gia bahrau mek hu chức  vô địch AFF Cup 2018. Nan lac  Nguyễn Anh Đức (Becamex Bình Dương), Phan Văn Đức (SLNA), Nguyễn Quang Hải, Trần Đình Trọng (CLB Hà Nội), Nguyễn Công Phượng (HAGL). Dalam nan  Quang Hải hu mong lac  ứng viên hadah di abih hadei dom jak jeng di  Kalup kapul saong di đội tuyển. Giải QBV kamei  hu  5 ứng viên lac  Nguyễn Thị Tuyết Dung (Phong Phú Hà Nam), Chương Thị Kiều, Huỳnh Như (TP.HCM), Nguyễn Thị Vạn (Than Khoáng Sản Việt Nam) song  Phạm Hải Yến (Hà Nội). Dalam nan hu  2 urang dahlau daih mek hu angan je ni, lac  Tuyết Dung và Huỳnh Như. Dom  ứng viên cầu thủ ranaih umo kumei  naih gheih lac  Nguyễn Thị Tuyết Ngân, Cù Thị Huỳnh Như (TP.HCM) song Ngân Thị Vạn Sự (Hà Nội). 

Khaw tin dunya

# Cảnh sát Hàn Quốc brei thau barau duah mboh 10 anek saih gaok bala di sa sang padheih padhiay di ban Gangneung, tỉnh Gangwon. Dalam nan hu klau anek saih metai, 7 adei var drei sahaneng lac gaok ngộ độc khí CO.

# Jabat Khí tượng Nhật Bản (JMA) bahrau khan lac, ceik pui Sin-đa-kê (Shindake) di palao Cư-chi-nô-ê-ra-bư (Kuchinoerabu), tỉnh Ca-gô-si-ma (Kagoshima), Tây Nam Nhật Bản bahrau hu mbang pruh  bahrau, hu geing bau par glong tal  2000 mét, song hu nham thạch sre atah di cambuai ceik apui 1km. Jabat Khí tượng Nhật Bản hu panuac kakei menuac urang brei nyaik atah ceik pui bahrau medeih ni, brei caik hatai caga, huac njauk patau ceik pui saong nham thạch pandiak sre meng  cambuai ceik pui dalam bán kính 2 km. Karja pak ni  hu panuac ieu menuac urang di palao  Cư-chi-nô-ê-ra-bư anak meta njauk panduan nao labik karei piah khik siam mekre./.

# Liên minh châu Âu (EU) barau njauk hatai haong bruk kakak trun 37,5% lượng khí thải các-bon (carbon) meng ô tô dalam 10 thun. Ini hu maong lac sa binah dalam bruk kham merat kakak trun jaik 40% khí thải sang camin di thun 2030 dalam tuk khối EU hu 28 taneh ia gaok neh rabha dalam rilo bilan kayua bruk trak di khí thải CO2 meng dom janih radaih…