# Patui veik danak dak mbang nyaom ka 6, page ini (19/11), Quốc hội ginum biai ka dự án Luật Thi hành án hình sự (pasiam veik). PATui DI nan, biar harei, Quốc hội  biểu quyết brei tapa dom Hukum nan lac: Hukum Đặc xá (pasiam veik); Hukum pala drak; hukum raong glang; Hukum Cảnh sát tasik Việt Nam; Hukum pasiam veik, pabak dom paka di Hukum pato megru đại học. Tui danak dak, harei 20-11 Quốc hội nyaom biai mbang tamat, biểu quyết brei tapa Sarak mbang nyaom ka 6 Quốc hội khoá XIV. 

# Di melam kabroi 18/11, hu mbaok saong brei panuac  var Pahadar dom urang plang lahik kayua gaok bala anagok jalan mbak pak ban Hải Dương, tỉnh Hải Dương, Phó thủ tướng Thường trực Trương Hòa Bình, Chủ tịch UB ATGT Negar lac: Dut saong tukvak ini thun dahlau, metai saong njauk rambuac kayua bala anagok jalan mbak di VN trun min daok glaong ralo. Tui harak pathau khan , meng kaok thun tal ini, dalam negar drei rah tabiak jaik 15.000 mbang bala angaok jaln mbak ngak brei labaih 6.600 urang metai saong jaik 12.000 urang jaok jaoh, dalam nan jaik 10% lac uranaih.

# Thủ tướng raja-ei bahrau hu Công điện ka bruk pataom tame pacang caga, pasiam veik khut khat kayua  ribuk ka 8. Dalam công điện kayua Phaok thủ tướng Trịnh Đình Dũng ký thay, Thủ tướng hu payua panuac tangi rivang, klah rabha tal dom baoh sang hu urang metai lahik di Phú Yên, Khánh Hòa; klah rabha dom kan kandah, khat lahik di bhap bani, raja-ei dom puk palei, pandar pataom tame pacang caga, pasiam veik dom khat lahik kayua hajan ribuk.

# Harei karoi 18/11, hajan khang tuh trun ban Nha Trang ngak metai 13 urang, 4 urang lahik kayua hajan ia sua, glut jaleik. Ub bhap bini tỉnh Khánh Hòa brei ka taong abih anek saih di ban Nha Trang padeih bac harei ini 19/11. Urak ini, Sang eik ruak Đa khoa tỉnh Khánh Hòa daok kham iek ruak ka 23 urang njauk rambuac kayua dom bruk glut jaleik.

# Di tỉnh Ninh Thuận, áp thấp nhiệt đới meng hoàn lưu ribuk ka 8 ngak hajan prong saong aia dauk di ralo labik dalam tỉnh Ninh Thuận. Biar harei 18/11, labik dhaong xã Phước Nam, huyện Thuận Nam, tỉnh Ninh Thuận jeng njauk aia duak, njauk cô lập saong pacang cakak. Sang bac, balai y tế, darak pasar gam haong rilo sang danaok di bhap bani njauk aia dauk dalam… Huyện Thuận Nam hu jak ba lực lượng saong ba ca nô mai piah panduan ba jaik 73 baoh sang tal labik siam mekre. 

Khaw tin dunya

    # Harei kabroi (18/11), Nyaom biai pakat glaong APEC mbang ka 26 tamat bloh di Papua New Guinea. Mbang camereip di abih, Nyaom biai pakat glaong APEC oh ba tabiak hu Tuyên bố di dom urang dang akaok APEC yau bhian randap. Min dom thành viên APEC jeng brei thau dom bruk ngak hu praong ka talei pambuak bruk kinh tế khu vực, patagok khang kajap, rilo gah karei bo APEC mek hu dalam thun ini, saong njauk hatai gauk brei peih nyaom biai pakat glaong APEC mbang ka 27 di Chile dalam thun 2019.

# Page harei 18/11, tui Reuters, urang jakar Ấn Độ brei thau, manuac urang metai kayua ribuk Gaja di gah tamur Ấn Độ hu tagok tal 33 urang kayua glut jaleih taneh. Raja-ei Ấn Độ daok samar ba brei aia hacih, pandap mbang saong jru cavao ka jaik 82.000 urang hu panduan ba nao daok di 400 labik daok bhrau saong hu brei dua  sruh gilai hải quân gam haong sa sruh kapal haok nao tal labik daok ảnh hưởng piah peih ngak bruk daong duah urang njauk bala. Tui kuhria mboh di jabat chức năng, mbang ribuk  ngak jaleih 30.000 gang điện, labaih 100.000 phun kayau jaleih, ảnh hưởng trak tal anek athur raong, ngak ka yaok rituh baoh sang glut jaleih.

  # Karja Tokyo brei thau lac taneh ia ini daok kuhria peih dom bruk pakacah pilih ruah urang ngak nong mai meng 7 taneh ia , dalam nan hu Việt Nam, peih tabiak jalan ka urang ngak negar lingiu. Nhật Bản caong pilih ruah hu 7.500 "urang nong" negar lingiu dalam thun akaok meti peih ngak sarak nhập cư bahrau saong tagok tal 36.500 hadei di 5 thun./.