# Beir harei 20/12, di trụ sở rajaei, taom gaok jiak 100 doanh nghiệp hu pandap panda mek hu angan pakat negar thun  2018, Thủ tướng rajaei  Nguyễn Xuân Phúc ndom lac bruk pilih ruah di drak pasa lac bruk pachreih ba doanh nghiệp song  kakei  doanh nghiệp jhui caik “vàng thau lẫn lộn”, dahlau ye siam bo hadei ye  kanyah. Di mbang taom gaok, dom doanh nghiệp jeng ndom lac khang hatai khik ramik angan je, ba dom pandap panda “Made in Việt Nam” par atah song cong hu bruk sangka, dong ba di rajaei, di Thủ tướng rajaei. Bui sambai taom gaok dom doanh nghiệp, Thủ tướng Nguyễn Xuân Phúc ndom lac, pren yava di  doanh nghiệp jeng lac pren khang  di gah kinh tế. Song angan je jeng lac nhiệt kế, lac thước đo prong dang akaok ka pren yava di doanh nghiệp”.

# Cục Hải quan tỉnh Bà Rịa– Vũng Tàu daok cap khik jaik 500 kg ikan ngựa thu blei tame di taneh ia lingiu bo oh khan brei thau, taphia nan daok duah thau bruk saong xử lý tui quy định. Tui Chi cục Hải quan cửa khẩu cảng Cái Mép, container pandap blei tame angaok nan kayua Công ty TNHH Thương mại Vận tải xuất nhập khẩu Phúc Thịnh (Quận 3, ban raya HCM) dang angan po pandap. Pandap nan doanh nghiệp khai tabiak angaok blah khai hải quan lac kalik pabo. Tapa pasang iek mboh lac, dalam container, lingiu kalik pabo ye doanh nghiệp hu khan brei thau daok hu rilo ikan ngựa thu hu padauk gah dalam, tui kuhriia jaik 500 kg.

    # Hadei di tuk vak nghị án dui atah, harei kabroi  (20/12), Tòa án bhap bini TP HCM batabiak phán quyết cấp sơ thẩm ngan song  Trần Phương Bình – urang dahlau deih ngak Tổng Giám đốc gilang pariak Đông Á (DAB), Phan Văn Anh Vũ (ieu lac Vũ nhôm) – urang dahlau deih ngak akaok Chủ tịch HĐQT Công ty Cổ phần Xây dựng Bắc Nam 79 song  24 bị cáo dalam vụ án ngak lahik labaih 3.600 tỷ đồng rah tabiak di  DAB. HĐXX tuyên phạt bị cáo Trần Phương Bình guk chung thân; Nguyễn Thị Kim Xuyên 30 thun guk, Vũ "nhôm" 25 thun guk. Nguyễn Hồng Ánh – urang dahlau deih ngak urang jakra  công an 10 thun guk. Dom  bị cáo karei taduan mức án meng  2 thun guk treo tal  16 thun guk. Taeng ong  Nguyễn Ngọc Vân hu bayar  tự do di phiên tòa kayua  án tù samu song tuk vak chap kreik. 

 #  Tui kuhria dalam dom harei tal, menuac saong radaih di dom pabak pambang tame tabiak ban raya HCM, dom bến radaih meda tagok glaong saong meda tagok đột biến di tukvak tabung glaong tết Dương lịch saong tết Nguyên Đán, Phòng Cảnh sát Giao thông Đường bộ saong jalan radaih apui, Công an ban raya HCM barau pambuak bruk saong Thanh tra Giao thông saong dom gah chức năng jhul khang bruk thanh tra, pasang iek saong xử lý khang dom bruk ngak suan tui quy định di hukum; kham merat oh caik rah tabiak veik bruk radaih dù, bến cóc ngak lihik trật tự an toàn giao thông dalam ban raya. Trung tá Huỳnh Trung Phong, Trưởng Phòng Cảnh sát giao thông Đường bộ saong jalan radaih apui, Công an ban raya HCM lac: Dalam dom harei tal kol dahlak hu jalan ngak praong ginup jang piah khik caga siam mekre salamat bruk nao mai angaok jalan dalam ban raya, dom libik pandiak, libik phức tạp, libik sự cố njauk xử lý drah samal. Jalan ngak di kol dahlak lac ba mbuan lagaih di abih ka urang bhapbini meda nao mai hu siam mekre salamat angaok jalan  dalam luac tukvak nak tal.

# Di mblang vận động huyện Trảng Bàng, UBND tỉnh Tây Ninh bahrau peih adit  ilamu, du lịch palei ngak har rapei cam cambu ia kakua Trảng Bàng, tỉnh Tây Ninh mbang ka 2. Bruk ni dong pok meyaom dom nghệ nhân dok khik song patagok dom janih ilamu gheih di palei ngak. Tapa nan, dong ka tuai damuai duah thau ilamu mbang huak di  Tây Ninh song har rapei cam pambu ia kakua, song jhul patagok gah chế biến, ngak har rapei cam pambu ia kakua dak harei dak jeng sa angan je pakat negar, yam tabiak drak pasa mbang huak dunya.

Khaw tin duynya

# Brei panuac anak báo giới, Đặc phái viên di Mỹ ka bruk Triều Tiên Xti-vơn Bi-găn (Steven Biegun) ndom lac, Mỹ meda kham merat jhul khang bruk jao brei kadung jien viện trợ tư nhân tal Triều Tiên. Ini lac dom bruk ngak thiện chí di karja Tổng thống Đô-nan Trăm kuhria caga ka nyaom biai Thượng đỉnh jaik tal. Tui ông Xti-vơn Bi-găn, Mỹ meda ngak cadu jang dom lệnh pakauk urang bhapbini Mỹ nao tal Triều Tiên, abih di nyu nan lac dom urang pataom tame bruk daong nhân đạo.       

# Hãng tin Kyodo bahrau brei thau, Nhật Bản meda tabiak truh  Ủy ban tong chap ikan voi dunya (IWC) piah pambuak veik bruk tong chap ikan voi piah pablei salih. Tui nan, Nhật Bản meda tabiak truh kapul ni dalam thun  2019. Min, rajaei  Nhật Bản tok pasang iek brei adat tong chap ikan  voi di dom bhum tasik jiak Nhật Bản song di bhum đặc quyền kinh tế di negar ni. Nhật Bản meng lavik mai ndom lac, dom janih ikan voi oh dok dalam angan động vật nguy cấp song mbang rilaow ikan voi lac ilamu mbang huak di urang negar ni. 

# Di mbang họp báo thường niên dui atah rilo tuk, Tổng thống Nga Vladimir Putin hu javap calei 66 tangi sua ka dom bruk praong dalam taneh ia saong dunya. Ini lac mbang nyaom akaok meti di ông Putin dalam nhiệm kỳ Tong thống barau. Tổng thống Nga Putin brei thau bruk ba taneh ia Nga jeng kinh tế praong ka 5 dunya. Tổng thống Putin ndom lac Nga sangka tal bruk ginum biai bruk ngak di Triều Tiên, bruk ngak di Afghanistan jeng ye talei pambuak bruk dua gah saong  Mỹ. Ông jeng jia tame talei pambuak bruk di Nga-Mỹ meda hu pasiam di tukvak tal. Di mbang họp báo, ông Putin sa mbang tra ndom veik bruk sahaneng di drei nan lac eo tasik Kerch lac bruk khiêu khích hu chủ địch di gah Ukraine piah pok glaong Tổng thống (Ukraine) Petro Poroshenko dahlai di mbang pilih ruah./.