# Thủ tướng raja-ei bahrau hu Quyết định 1677/QĐ-TTg brei ngak Đề án patagok bruk pato megru mầm non tukvak 2018 - 2025. Jalan ngak di Đề án piah pasiam veik, patagok dom sang bac, tal bac mầm non njauk haong bruk kinh tế - xã hội di puk palei, tui jalan chuẩn hóa, xã hội hóa saong mbeik drei yam tame dunya. Peih ngak hu siam mekre bruk patagok sap Yuan ka uranaih urang bangsa takik;  ngak ka uranaih  randap haong sap negar langiu saong tin học di dom labik hu điều kiện; daong pacang cakak lavang lavaih ngan haong uranaih mầm non tapa bruk iek glang dinh dưỡng ka nyu laghaih, pambuak haong pato pakai patagok vận động; palih ruah, pambak prong dom mô hình pambuak sang bac, baoh sang, bol bhap rah ra dalam bruk iek glang, pato tacei uranaih mầm non.

# Nyaom biai alamu pakat negar “Đại tướng Võ Nguyên Giáp ngan saong ilimo bangsa” kayua pasak khik ramik saong patagok ilimo bangsa peih ngak barau rah tabiak di Hà Nội. Nyaom biai piah pok meyaom saong pataom iek veik dom bài học meng dom rik daong,  ảnh hưởng praong di Đại tướng Võ Nguyên Giáp ngan saong tư cách di sa urang anit taneh ia, urang quân sự kiệt xuất, urang ilimo praong di bangsa tapa bruk pataom tame ngak cambaih dom asal kadha hu: Đại tướng Võ Nguyên Giáp ngan saong hatai anit taneh ia, chủ nghĩa nhân văn, tư tưởng quân sự Việt Nam; Đại tướng Võ Nguyên Giáp ngan saong tư tưởng haong đạo đức Hồ Chí Minh; Đại tướng Võ Nguyên Giáp saong dom urang ngak bruk pato megru, ilimo, trí thức, văn nghệ sĩ. Hu mbaok tame nyaom biai hu labaih 60 tham luận di dom urang jakar dalam saong lingiu bol bala.

# Mikva urang nong huyện Ninh Phước, tỉnh Ninh Thuận daok trun pajaih pala drak bilan đông xuân 2018-2019. Dalam huyện tui kuhria pala drak 8.499 ha phun pala dom janih. Huyện daok peih ngak mô hình “1 njauk, 5 trun” angaok mblang taneh 1.850 ha padai saong pambak prong mblang hamu prong labaih 1.486 ha padai pataom rilo di dom xã Phước Thái, Phước Hậu, Phước Thuận, Phước Hữu... Karja dom xã, bal sit tacei pato urang nong salih 70 ha taneh pala padai oh siam tapa pala nho, jadar, njam patam; pandar ilamu khoa học kỹ thuật tame bruk pala drak paglaong năng suất saong chất lượng kaya nong. Tui kuhria, huyện Ninh Phước trun pajaih bilan đông xuân tal harei 15/1/2019.

4# Urak ini, tỉnh Bà Rịa Vũng Tàu  hu 4 bilai dut iek hacih saaat an toàn pandap mbang samal di dom darak: Rạch Dừa, Bà Rịa, Ngãi Giao saong Long Điền. Giám đốc Sở Công thương brei thau, dom bilai ini rik daong pasang iek asal pandap mbang, trun takik pandap oh camabih asal di nyu, oh khik caga hu chất lượng tuk ba tame darak pablei. Akaok thun 2019, Sở hu pabak 3 bilai dut iek drah samal tame ngak bruk di dom darak piah duh ka bruk khik caga haciih saat an toan pambak mbang ka mikva dalam tuk tết dương lịch.

# Akaok Ủy Ban bhap bani bal raya HCM tacei lac meng ini tal Tết nguyên đán 2019, dom jabat, đơn vị oh nao công tác, rivang ma-in, bac megru… di negar langiu, dom trường hợp biak karei kayua Akaok UBND TP quyết định. Akaok UBND TP jeng pandar dom sở-ngành, UBND quận-huyện patagok bruk pasang iek bruk ba-yar jien bilan, jien thưởng saong dom khoản daong brei karei, daong urang ngak grap tanat saong samar drah. Ban khik iek dom KCX-KCN, Ban khik iek khu công nghệ glaong, Ban khik iek khu ngak nong công nghệ glaong; UBND dom quận-huyện pambuak haong Sở Lao động Thương binh saong Xã hội, Liên đoàn lao động, Bảo hiểm y tế TP patagok, pasang iek saong duah thau ka dom bruk ngak di doanh nghiệp dalam ban, bruk bayar jien bilan, jien thưởng saong dom khoản daong brei karei, daong ka urang ngak.

Khaw tin dunya

# Tập đoàn công nghệ Google di Mỹ daok kuhria buh tabiak labaih 1 tỷ USD piah padang sa khu tổ hợp barau di ban New York, Mỹ, jalan ngak hu maong lac dui pachreih rilo jang menuac urang naih joi saong ba yaoh rabau bruk ngak barau. Di panuac khan barau ini, Giám đốc jien padai di Google, amuk Ruth Porat, brei thau, libik tổ hợp barau hu angan Google Hudson Square, hu padang di labik taneh praong labaih 158.000 m2 di dua khu phố Hudson Street saong Washington Street.

 # Mbang akaok meti karja Anh tabiak panuac lac Raja-ei Trung Quốc daok peih brukh tấn công mạng dunya ngan haong quy mô prong piah mek klaik bí mật pablei salih. Tui báo Independent, Anh saong dom  đồng minh phương Tây di Anh brei thau Raja-ei Trung Quốc daok peih ngak chiến dịch pasang iek duah thau công nghiệp tapa tấn công mạng. Anh jeng ndom lac Trung Quốc oh ngak njauk haong dom kadha sanya di G20 ngan haong điều khoản oh hu negar halei hu adat peih ngak atau ủng hộ bruk ngak mek klaik drap ar trí tuệ (dalam nan hu dom bí mật pablei salih saong dom thong tin doanh nghiệp bí mật) hu peih ngak meng công nghệ thông tin liên lạc.

# An ninh hu khik catang di rilo mblang par di bhum gah Pai taneh ia Đức, dalam nan hu mblang par Xtút-gát (Stuttgart). Tui cảnh sát liên bang Đức, cảnh sát par phao kraong hu lệnh nao khik iek di rilo mblang par di gah Pai saong hu khik mbiah tal tuk hu lệnh barau. Langyah ka quyết định ini, rilo hãng truyền thông Đức hu ndom tal sa bruk đe dọa khủng bố./.