# Melam bloh (22/11) di  Hà Nội, Phòng Thương mại song Công nghiệp Việt Nam pambuak bruk song  Hội đồng doanh nghiệp kayua bruk patagok khang kajap Việt Nam peih bruk brei thau doanh nghiệp khang kajap di  Việt Nam thun 2018.  Jeng tapa nan, Ban peih bruk hu pok meyaom 100 doanh nghiệp khang kajap – dalam nn hu  Top 10 doanh nghiệp khang kajap  dalam bruk sản xuất, Top 10 doanh nghiệp khang kajap dalam  bruk pablei salih– dịch vụ. Mai pataom mbaok song brei panuac pak nan, Uỷ viên mintri Chính trị, Phó Thủ tướng Vương Đình Huệ ndom lac: Rajaei tuk halei jeng nao gam song duh ka dom doanh nghiệp.

# Pambuak tal bruk jaleih labik padang ngak sang bhapbini ngak ka sa urang metai, sa urang njauk rambuac trak di melam  22/11, hadei di tuk dom gah chức năng duah mboh sa công nhân metai lam haluk ba tabiak lingiu, urang dang akaok Ủy ban bhapbini Quận 1, ban raya HCM pandar công an tame pasang iek duah thau ngak brei cambaih bruk ini. Ông Nguyễn Văn Dũng, akaok  Ủy ban bhapbini Quận 1 hu mbaok di labik rah tabiak hu tacei pato dom gah chức năng di puk palei ba dom pandap nao tal labik jaleih rami ramik dom chướng ngại vật bê tông ngak kan kandah ka sang bhapbini dalam libik nan.

 # Ribuk ka  9 dok caga tuh tame  bhum  Nam Trung Bộ. Tukvak  4tuk mesup  harei ni (23/11), ribuk ka  9 atah mbaok haluk meng Ninh Thuận tal Bà Rịa - Vũng Tàu labaih  450km mai gah timun, khang pakat  8, handok pakat 10. Dalam  24 tuk tal, ribuk nao tui gah  Tây Tây Nam, meda khang jang. Tui kuhria  4tuk  mesup paguh  (24/11), ribuk atah di takai tasik Ninh Thuận tal Bà Rịa - Vũng Tàu labaih  230km mai gah pai, khang pakat  9 - 10, handok pakat 12.

# Bruk pacang caga ribuk ka 9, tal urak ini mban tacei pato pacang caga bala saong duah daong urang gaok bala tỉnh Bình Thuận hu pambuak bruk saong karja puk palei, sang po kapal, thuyền trưởng khan brei thau saong tacei pato ka labaih 1.000 kapal, gilai saong 500 urang bhapbini daok taong cap angaok tasik thau ka ribuk piah nao plaih ribuk hu siam lagaih. Dalam tỉnh Bình Thuận hu jaik 7.200 kapal, gilai ngan saong labaih 38.800 urang ngak. 

 # UBND huyện Xuyên Mộc, tỉnh Bà Rịa – Vũng Tàu brei thau, 3 xã tapen tasik lac Bình Châu, Phước Thuận song  Bưng Riềng lac dom labik gaok kan kandah tapak, meyah ribuk tuh tame, kayuayau ann ye bruk pacang caga ribuk hu karja pak ni peih ngak samar, tacei dom puk palei peih bruk panduan ba bhap bini nao tal labik siam mekre. Tui  UBND huyện Xuyên Mộc, tỉnh Bà Rịa – Vũng Tàu, bruk pacang ribuk ka 9 hu caga bloh. Angaok thu huyện hu panuac kakei bhap bini , dom  đơn vị samar peih bruk  kak, pandok khang kajap sang danaok, công sở; pambuak bruk song  Ban khik ramik  5 danak dak danao khik iek luac harei melam piah caga bruk pacah ar pacang, ngak kan kandah tal bruk pala drak  rai duik di bhap bini.

# Báo Đồng Nai barau peih bruk alin brei jien bac yam tapa kan kandah kayua harei hadei mbang yaka 16 ka anek saih sang kan kandah dalam tỉnh. Tapa nan, 100 anek saih kathaot yam tapa kan kandah hu alin brei tal tangin jien bac yaom dua triệu đồng/sa paok. Dalam nan, rilo adei daok bac pakat sang bac 1 sang kan kandah, njauk nao pablei vé số, dun  ve chai piah daong ka sang duah mbang, min dom adei njauk lac greih camin ka nghị lực saong hatai yam tagok kan kandah piah nao bac, raong ba hatai caong khin ka harei hadei.

Khaw tin dunya

#  Takik di abih 16 urang metai  song  27 urang karei njauk rambuac dalam sa bala angaok jalan di huyện Dadeldhura, gah pai Nepal. Ong Mohanraj Joshi, Chánh văn phòng huyện Dadeldhura brei thau, bala rah tabiak tuk radeih bus blait tabiak truh  jalan angaok ceik song song laik meng labik glaong labaih  300m trun sa krong di khu đô thị tự trị Amargadhi. Karja pak ni brei thau, dom urang gaok bala dok angaok jalan mai veik sang hadei di tuk hu mbaok dalam  sa harei rija patom ilamu dalam  huyện. Urang metai dalam bala ni meda hu rilo jang.

# Ngoại trưởng Hàn Quốc Kang Ki-ung Hoa (Kang Kyung-wha) barau brei thau, Hàn Quốc daok sahaneng kuhria rilo ka bruk pilih ruah piah ba tabiak paok jien daok labaih dalam “Kadung jien daong ka urang kumei mua vui” hu padang tabiak di thun 2016 tui thỏa thuận ngak hu di dua taneh ia Nhật Bản saong Hàn Quốc. Tui kuhria di rajaei Hàn Quốc, urak ini dalam quỹ daok 5 tỷ 800 ratuh rabau uôn hadei tuk 4 tỷ 4 ratuh rabau uôn hu pandar piah daong 34 dalam 47 urang gaok bala daok dalam thỏa thuận hu mbaoh tangin di dua taneh ia saong 58 dalam 199 sang di urang gaok metai. Tui taong yaom di gah phân tích, ngan saong bruk kham merat yah klak Quỹ daong ka dom urang gaok bala lac urang kumei mua vui” mbang ini, talei pambauk bruk di Nhật Bản saong Hàn Quốc hu kuhria meda daok rah tabiak jhak di tukvak tal.

# Harei krboi  (22/11), yaok ribau  bác sỹ Cuba akaok meti  meng  Bra-xin mai veik taneh ia, ngak ka yaok  triệu urang negar  Nam Mỹ ni oh hu iek glang  y tế. Bruk nan rah tabiak hadei di tuk ông Gia-ơ Bôn-xô-na-rô (Jair Bolsonaro), tổng thống Bra-xin tui jalan cực tả ba tabiak  dom chỉ trích song rajaei Cuba khang hatai cakak klaak thỏa thuận pambuak bruk  y tế song  Bra-xin. Dom bác sỹ Cuba rilo meng ngak bruk di dom labik kan kathaot bhum atah bayah di  Bra-xin, labik dom  bác sỹ Bra-xin oh khin ngak bruk . Rajaei  Bra-xin dok kham merat piah salih labaih 8.330 labik ngak bruk njauk klak saoh hadei di tuk dom bác sỹ Cuba  mai veik palei negar di drei ./.