# Melam ini, gam haong bhap bani tui agama Thiên chúa angaok dunya, bhap bani giáo dân negar drei jeng uan raok Thiên Chúa giáng sinh. Dom harei tapa, rilo urang pal akaok Đảng, karja, Mặt trận negar Việt Nam hu nao rivang saong tabhau ayuh dom chức sắc, tu sĩ, payua panuac tadhau ayuh tal mikva giáo dân  dalam negar sa mùa giáng sinh an lành, haniem phol, bak hồng ân di Thiên chúa.

#   Ban raya Hồ Chí Minh urak ini lac giáo phận praong abih saong hu rilo bhapbini công giáo di dân.  Piah daong ka bhapbini drah samal lagaih saong labik daok barau, Tổng Giáo phận hu peih dom libik taduan raok duh ka mikva giáo dân ngan saong 4 bruk ngak nan lac, taduan raok, khik caga, patagok saong ba drei tame. Lingiu di nan, Giáo phận daok hu rilo bruk ngak bác ái xã hội ye: hu 5 nhóm saong 30 cơ sở từ thiện daong ka dom adei uraniah saong dom sang gaok kan kandah; 23 cơ sở caik ka dom adei jaoh jo; 6 libik daong ka urang ruak HIV; 13 libik caik karei ka urang ruak, urang taha; 4 libik taduan raok dom adei sinh viên mai bac megru di ban raya.

 # Dom harei tapa, yaok ribau bhap bani di Đồng Nai, Lâm Đồng, Bình Thuận, TPHCM … hu tuh mai hang patau atah 200 m di xã Phú Thanh, huyện Tân Phú (Đồng Nai) piah maong iek saong thaot binguk. Hang patau hu ngak meng 20.000 bao nylon saong yaok rituh talei menyek hadah nhấp nháy, dui atah angaok jalan  ba tame Giáo họ Biệt lập Tân Lâm. Gah dalam hang patau atah takik mboh ini, hu rilo tiểu cảnh ndung bak Giáng sinh.

# Piah khik caga siam mekre salamat ka urang nao mô tô, radaih patuh, Ủy ban An toàn giao thông (ATGT) negar barau pandar Ban ATGT ban raya HCM khang hatai padheih bruk mô tô, radaih patuh nduac suan tame jalan caik ka ô tô. Gam saong nan, Ủy ban ATGT negar pandar Ban ATGT ban raya HCM tacei pato gah chức năng patagok bruk nao pasang iek angaok dom canah jalan, langyah catang urang ndik radaih mô tô, radaih patuh cố tình ngan suan quy định di hukum ka khik caga ATGT.

# Gilang pariak karja Việt Nam bahrau hu Thông tư 29/2018 tacei pato bruk xác nhận, khik iek jien ký quỹ di doanh nghiệp pablei pandap đa cấp. Tui nan, kuhria meng harei 18-1-2019, doanh nghiệp pablei pandap đa cấp hu trách nhiệm peih tài khoản ký quỹ saong ký quỹ sa yaom jien samu 5% phun jien điều lệ, min oh biar jang labaih 10 tỷ đồng, di sa gilang pariak thương mại atau dhar gilang pariak negar langiu di Việt Nam. Jien ký quỹ jeng hu jien jhung, yaom jien jhung kayua doanh nghiệp saong gilang pariak sanya haong gauk, min njauk haong quy định ka jien jhung jien payua meng đồng Việt Nam di gilang pariak karja Việt Nam dalam yaok tukvak.

  Khaw tin dunya

  # Hadei di tuk salah giải AFF Cup 2018, ông Bae Ji-won, trợ lý thể lực di HLV Park Hang-seo likau tabiak truh đội tuyển Việt Nam. Ông Bae Ji-won hu pagap ye gah tangin ieu daong bruk biak siam di HLV Park Hang-seo. Dalam labaih sa thun ngak bruk saong đội tuyển Việt Nam, ông Bae hu rik daong oh sit dalam bruk paglaong thể lực ka đội tuyển Việt Nam. Urak ini, Liên đoàn caoh blong VN (VFF) daoh drah samal duah sa trợ lý thể lực karei piah salih libik di ông Bae saong meda lac sa chuyên gia taneh ia lingiu.

# Yaom lac sa tác phẩm tabiak rai atah di ini labaih sa abhap, min dom jalan diuk rai hu đại văn hào urang Anh Charles Dickens payua tapa dom tác phẩm Giáng sinh anit ranam jeng daok tamo yaom di nyu tal harei ini. Baoh tapuk hu xuất bản 2.583 mbang, lang tabiak 50 sap ndom akhar vak, chuyển thể ngan haong 23 vở kịch, 51 phim điện ảnh. Yam tapa truh khuôn khổ sa baoh tapuk brei ta-eng ka mùa Noel yaok thun, Giáng sinh anit ranam nan lac panuac pahadar, ba anek menuac gilac veik haong dom giá trị tinh thần siam gheih, diuk rai njauk jalan ngak manuac. Pak Việt Nam, Giáng sinh anit ranam hu First News brei tabiak mbaok tui dua-dua sap. 

      # Tổng thống Nga Vladimir Putin hu tapa mbaok rilo angan je praong di Nhật piah Bộ lịch 2019 hu thoat Tổng thống Putin, hu pablei độc quyền dalam dom cửa hàng Loft di Nhật Bản hu jeng “hiện tượng ảnh lịch” kayua hu yaom jien mek tame biak praong meng bruk pablei lịch ini. Bộ lịch lac pataom dom thoat binguk ndung bak “nam tính”  di urang po điện Kremlin. Dalam nan, urang dang akaok umo 66 thun taoh ao tram rup dalam libik ia la-ar yau ia patau di danao Seliger, mein bui sambai saong anek sau ranam dalam tuyết, mein khúc côn cầu, tập thể hình, nyuk ia tasik, ndom biai saong báo chí./.