# Harei ini (26/12), lac harei ngak bruk ka dua di Nyaom biai mbang ka 9 Ban chấp hành Trung ương khóa XII. Di nyaom biai ini, Ban Chấp hành Trung ương khóa XII brei panuac ka bruk quy hoạch Ban Chấp hành Trung ương Đảng vaktu  2021 - 2026; peih bruk mek phiếu tín nhiệm di Ban Chấp hành Trung ương ngan haong dom urang dalam Ủy viên Bộ Chính trị, Ban Bí thư; brei panuac ka harak Báo cáo kiểm điểm bruk pal akaok, tacei pato di Bộ Chính trị, Ban Bí thư thun 2018 saong meong iek, peih bruk kỷ luật urang jakar.  Kadha bahrau dalam quy hoạch urang jakar pakat chiến lược mbang ini nan lac tok ngak KA nhiệm kỳ tal (2021-2026), salih ka taong abih dom nhiệm kỳ patui di nan yau bhian ngak di  khóa XI. Pagap yau quy hoạch trung ương, bruk quy hoạch Bộ Chính trị, Ban Bí thư saong dom angan je pal akaok chủ chốt di Đảng, karja jeng njauk ngak tapa 5 yam. Puac thu 2019 blaoh quy hoạch Bộ Chính trị, Ban Bí thư. Kreh thun 2020 ngak blaoh quy hoạch dom angan je chủ chốt (tổng bí thư, akaok negar, thủ tướng Raja-ei, akaok  Quốc hội).

# Tui mintri ngak nong saong patagok palei pala, yaom jien pablei ikan pra tabiak taneh ia lingiu thun 2018 kuhria hu meng 2 - 2,2 tỷ USD, daok brei thau lac sa dalam dom pandap pablei tabiak taneh ia lingiu praong di gah kaya ikan dalam ia. Meda ndom, hadei tukvak atah glaih glan lac urak ini bruk pablei salih ikan tra daok patagok gilac, brei thau pren khang ka jalan pablei tabiak taneh ia lingiu di rilo puk palei bhum taneran kraong Cửu Long. Bruk njauk bui sambai nan lac urak ini rilo doanh nghiep daok khang hatai buh jien tame piah pamaong tal patagok khang kajap ka ikan tra.

  # Tui Cục Quan hệ lao động saong jien bilan dalam Mentri Lao động - thương binh saong xã hội, thun 2018, yaom jien thưởng Tết Nguyên đán kuhria rah tapa  lac 1 bilan jien bilan, samu 5,5 triệu đồng/urang (meyah dut haong thun 2017, yaom jien thưởng ini tagok labaih 10%). Urang hu yaom jien thưởng tết 2018 glaong abih nan lac 1,5 tỉ đồng, ngak bruk di doanh nghiệp hu phun jien đầu tư negar langiu di bal raya HCM. Urang hu yaom jien  thưởng tết 2018 biar di abih 20.000 đồng nan lac sa urang ngak bruk di sa doanh nghiệp dân doanh di tỉnh Vĩnh Phúc.

# Chi cục Kiểm lâm tỉnh Hậu Giang peih palao sa drei càng đước trak tame libik khik thiên nhiên Lung Ngọc Hoàng di xã Phương Bình, huyện Phụng Hiệp. Càng đước daok ieu lac rùa răng, hu angan khoa học lac Hieremys annandalii. Ini lac janih athur glai quý hiếm, dalam nhóm IIB, pakauk oh brei mek, pandar piah pablei salih min hu brei raong tuk hu asal njauk hukum. Meng akaok thun tal ini, Chi cục Kiểm lâm tỉnh Hậu Giang hu peih labaih 10 mbang palao athur glai tame glai ngan saong khối lượng abih tih labaih 120 kg. Ini lac dom drei athur quý hiếm mbuan si lahik njauk hu khik caga ye: trăn gấm, chim cú lợn, tra, ula, moa ikan saong reng đinh.

# Tui panuac khan meng Công an xã Thanh Sơn, huyện Tân Phú, tỉnh Đồng Nai tukvak 13tuk biar harei 25/12, sa kapul thanh thiếu niên 9 urang daok di huyện Tân Phú, nao tame sang sa urang bhap bani daok jaik kavei Đa Tôn ma-in. Hadei di nan nyaom ini mek ghe ndik tabiak pulao di kreh kavei Đa Tôn. Tal jaik 16h20, tuk mai veik tal jaik tapen 5 mét ye aia nduac tame ghe, min dom urang ini oh ba ghe tame ar bo daok halua ma-in, hu urang chat trun kavei menei ngak ka ghe tabaleik. Tapa nan ngak ka 3 urang metai, 1 urang nao cấp cứu.

Khaw tin dunya

# Hãng viễn thông KT (Hàn Quốc) hu pandar mạng viễn thông phone par tangin thế hệ ka 5 (5G) ka quán cà phê robot oh hu menuac duh hu angan B;eat, hu libik ngak bruk di jabat Công ty bảo hiểm nhân thọ Samsung di quận Seocho, ban ine Seoul. Urang phục vụ lac urang  pha chế cà phê meda tadun mek đặt hàng meng urang tuai saong eng drei ngak tabiak pandap. Hãng KT kuhria pabak tính năng pang sap ndom saong trí tuệ nhân tạo (AI) ka robot pha chế cà phê ini.

# Raja-ei Ý brei thau meda pabak brei dom pok jien daong tagok tal 6.000 tỷ euro ka urang BLEI saong pandar dom radaih bahrau hu lượng khí phát thải biar, dalam tuk  kak je tagok dom radaih "mbang" rilo xăng saong menyek diesel hu pablei angaok darak pasar. Dom jalan ngak angaok nan, hu ndom tal dalam kadung jien karja  thun 2019 di Ý saong hu Thượng viện bahrau brei tapa, ba tal dom salih bahrau ngan haong dom adat hukum hu Rome ba tabiak meng akaok bilan ini, njauk gah  công nghiệp ô tô tagok sap chỉ trích. 

# Trung Quốc barau duah mboh sa libik mộ cổ hu meng 2.000 thun dahlau di thảo nguyên Xilin Gol di libik tự trị Nội Mông, gah Brak taneh ia ini. Dalam dom baoh mộ hu 11 mộ di rai patao Hán, daok veik lac baoh mộ meng rai Bắc Ngụy. Rilo baoh mộ gaok dom urang klaik pacoh tanum caoh mek đồ vật. Labaih 80 đồ vật daok veik hu duah mboh dalam mộ lac ameh, bình gốm, camin ban, jien xu saong dom janih phao ndao meng pasei./.