# Harei ni (8/11), Quốc hội biểu quyết brei tapa Sarak ka jalan patagok  kinh tế - xã hội thun 2019; ginum biai di  tổ ka dự án hukum Kiến trúc, dự án hukum pato megru (pasiam veik)  song pang harak pathau khan, taong yaom ka dự án hukum khik ramik je (pasiam veik).

 Ngan song dự án hukum pato megru  (pasiam veik), bruk padang ngak dự thảo hukum tui jalan dok lagaih di hukum pato megru urak ni,  dalam nan pasiam veik, pabak 70 paka (tagok  34 paka dut song  dự thảo hukum pok tagok Quốc hội di mbang nyaom ka 5). Rilo bruk njauk caik hatai dalam dự thảo hukum ni  yau sarak oh mek jien bac ka uranaih  mầm non umo 5 thun, anek saih  trung học cơ sở sang bac công lập song dong  jien học phí ka uranaih, anek saih diện  phổ cập di cơ sở pato megru dân lập, tư thục; bruk  chuẩn hóa kapul urang gru pato; asar kadha ka danak dak, tapuk  pato megru  phổ thông; sarak ka gru pato.

# Page 7-11, di mblang par Đà Nẵng, mintri Quốc phòng saong  Đại sứ quán Hoa Kỳ peih bruk brei thau ngak blaoh dự án xử lý nerak dioxin di mblang par Đà Nẵng saong jao brei 13,7ha taneh hu xử lý di dự án dui atah 6 thun tapa. Dự án ini kayua jabat patagok dunya  Hoa Kỳ (USAID) daong ngan saong paok jien lac 110 triệu USD, pambuak bruk saong mintri Quốc phòng ngak meng bilan 8-2012. Abih tih klau mbang hu bayan veik 33ha taneh hacih piah peih praong mblang par Đà Nẵng.

 # Sàn thương mại điện tử  brei ka dom pandpa panda di urang nong jang yau dom  doanh nghiệp buh jien tame ngak mbang gah ngak nong – pandap mbang, kaya ikan  hacih bahrau tabiak mbaok di  Hà Nội harei  7-11. Ngan song  “drak pasa kaya nông 4.0” ni , pandap panda di urang nong, doanh nghiệp ngak tabiak hu nao tapak tal urang pandar bo oh tapa sa trung gian halei, tapa nan hu patrun yaom kaom, tagok bruk duah thau asar kadha pandap panda. Tok  tải App tagok  smartphone, vak angan pandap khin blei, urang blei meda thau  asal di nyu, bruk pajeng ba di pandap bo drei blei. Dom  điều khoản ka bruk bayar jien song hợp đồng hu peih ngak tự động, oh meda  salih karei hu tuk 2 gah  hu mbaoh tangin tame. 

# Dalam dom harei jaik ini, dalam tỉnh Cà Mau hu mboh dom urang blei duah pataom blei ikan long (lìm kìm) tui yaom biak glaong jang. Tapa duah thau tuk akaok mereip di gah chức năng, urang blei ikan lìm kìm ngan saong yaom glaong jaik 750.000 đồng/sa kg. Meyah bambu thu lac ikan lìm kìm hu yaom pablei glaong jang 3 tal 4 mbang duk saong ikan that. Ini lac janih ikan daok hoang dã dalam dom kraong, ribaong saong oh hu yaom gah kinh tế, bruk urang blei janih ikan ini piah ngak hagait saong ba nao pablei di libik halei jeng oh ka thau. Min, bruk urang bhapbini ba gauk trun kraong, ribaong saong duah yaok jalan piah pagui mek ikan lìm kìm daok ngak ka dom janih ikan sit gaok metai rilo.

 # Tui  Thanh tra Sở Jalan mbak pajeng ba tỉnh Đồng Nai, hadei di labaih  1 bilan peih ngak khang , Thanh tra Sở Jalan mbak pajeng ba  tỉnh Đồng Nai hu ngak biên bản xử phạt vi phạm hành chính jiak 100 mbang radeih pajeng ba anek saih ngak suan bruk  kinh doanh vận tải ngan song pok jien jiak 240 triệu đồng, saong  tịch thu 2 sruh radeih abih tuk vak pandar, mek veik harak adat peih radeih di 10 urang.

Khaw tin dunya:

# Dom phương tiện truyền thông Dim-ba-bu-ê barau brei thau, takik abih 47 urang metai di sa mbang bala di jalan mbak trak rah tabiak di gah Đông Bắc taneh ia ini. Bala rah tabiak tuk dua sruh radaih ginuh gauk di jaik sa libik thu phí di ban sit Ru-xếp (Rusape) dalam tỉnh Ma-ni-ca-lần (Manicaland) di melam kabroi (tui tukvak puk palei). Urak ini bruk daong ka urang njauk bala saong duah thau makna ba tal bala daok hu peih ngak.

7 # Rajaei Iran harei kabroi khan lac, tal tuk vak urak ni , negar ni jeng daok pablei hu ginup menyek , yaom lac hu dom bruk trừng phạt bahrau di Mỹ. Min , negar  Iran jeng hu panuac ieu châu Âu peih ngak khang jang piah khik caga ka  Iran dang anak kateih greik di Mỹ. Mbang  trừng phạt ni di  Mỹ oh mong tame jien mek tame di gah kinh tế Iran lac sa taneh ia pablei xăng menyek tabiak negar langiu, bo dok pamong tame  gah jien padai, cakak klaoh 50 gilang pariak di  Iran song dom dhar karei karei tabiak truh dom jabat jien padai negar langiu .

 # In-đô-nê-xi-a meda dui atah bruk duah piah thau dom bộ phận praong di sruh kapal ahaok Boeing 737 MAX gaok laik. Tui nan, bruk duah thau meda dui atah 3 harei tra, meng harei ini 8/11./.