# Mesup ini (12/11),  Quốc hội yam tame adit ngak bruk ka 4 di mbang nyaom ka 6. Bruk padang ngak adat hukum daok lac asal kadha praong abih rilo tukvak ngak bruk dalam adit ini di QH. QH meda biểu quyết brei tapa 3 sarak saong 1 hukum lac: Sarak phê chuẩn Hiệp định pambuak bruk taong abih gah saong Tiến bộ xuyên Thái Bình Dương (CPTPP) saong dom harak văn kiện pambuak tal; Sarak ramik veik bruk đầu tư công trung hạn tukvak 2016-2020; Sarak ka bruk parabha kadung jien trung ương thun 2019; Hukum khik caga bí mật karja.

        Quốc hội meda ginum biai ka dom dự án: Hukum Khik ramik je (pasiam veik); Hukum pasiam, pabak dom paka di Hukum Đầu tư công; Hukum Thi hành án hình sự (pasiam veik); Hukum pacang caga tác hại di alak, mbia; Hukum Kiến trúc; Hukum pato megru (pasiam veik). Jeng dalam adit ngak bruk ka 4 ini, dom urang Quốc hội meda pang dom pathau khan praong, dalam nan hu pathau khan ka bruk pacang caga tội phạm saong ngak suan adat hukum thun 2018.

# Page ini 12/11, Tòa án nhân dân tỉnh Phú Thọ ba tabiak xét xử 92 urang ngan saong dom tội danh: peih bruk mein bạc, lợi dụng bruk ngak dalam tuk ngak bruk, pablei salih suan hukum hóa đơn, rao jien, pandar mạng internet ngak dom bruk meblah drap ar. Dalam dom urang njauk truy tố dalam vụ án hu ông Phan Văn Vĩnh (dahlau diah ngak akaok Tổng cục Cảnh sát, mintri Công an) saong ông Nguyễn Thanh Hóa (dahlau diah ngak akaok Cục Cảnh sát pacang caga tội phạm công nghệ glaong) jeng gaok truy tố ka tội "lợi dụng quyền hạn dalam tuk ngak bruk", tui khoản 2, paka 356 bộ luật Hình sự 2015, ramik pasiam thun 2017. Phiên tòa tui kuhria rah tabiak di 15 harei.

           # Gilang pariak ngak nong saong patagok palei pala Viet Nam (Agribank) hu tabiak harak pathau khan anak bruk hu panuac ndem tabiak tame lac (Agribank) tayah tayiac pambak tal bruk công ty Brei papah jien padai II (ALCII). Hadei ong Lê Bạch Hồng, dahlau diah ngak Tổng giám đốc BHXH Việt Nam njauk chap mek hu rilo blah web ndem ka bruk Agribank dang tabiak brei ka ALCII mesre phun jien di BHXH Việt Nam, tui nan ba tui “ALCII brei tahu lac tayak  klak, Agribank njauk brei bayar sre salih ka ALCII”. Agribank lac, bruk tayak tayaic di ALCII oh pambaik hagit tal bruk di Agribank jeng yau jien urang payua tame di gilang pariak ini.

# Meng akaok thun tal ini, Đồn Biên phòng Bến Đá, Biên phòng tỉnh Bà Rịa - Vũng Tàu pambuak bruk saong karja puk palei, công an tỉnh peih dom mbang tabung glaong pagui mek tội phạm ma túy. Tapa dom mbang pagui mek,  cap mek hu 13 bruk, 15 urang, mek khik labaih 44 gram heroin, 6,24 gram ma túy tổng hợp janih patau gam rilo tang vật hu yaom karei. Ông Nguyễn Ngọc Hà, khu phố 5, phường Thắng Nhì brei thau: “Dahlau daih bruk pablei salih chất ma túy rah tabiak rilo, meng nan kolnghiện ba gauk mai ini blei rilo, pataom tame di ini hu dom canah jalan, abih di nyu nan lac xóm Lăng. Meng tuk hu gah chức năng gam pambuak bruk taong tayah ma túy urak ini hu trun takik tệ nạn ini,  nan ye mikva biak uan tabuan”.

#Mentri Ilmu - The thao saong Dulich hu taduan brei angan ka dua palei ngak meng kan lac palei ngak ahar racam Mỹ Lồng saong  ahar phồng Sơn Đốc di huyện Giồng Trôm tỉnh Bến Tre lac dua drap ar ilamu phi vật thể pakat negar. Rapei cam Mỹ Lồng saong ahar phồng Sơn Đốc lac dua janih hu angan je, hadah mbaok meta di urang bhum taneh li-u.

Khaw tin dunya

# Tui CNN, tập đoàn pablei salih điện tử Alibaba di Trung Quốc mek tame hu labaih 1 tỉ USD hadei di 85 giây meng tuk peih harei pataom blei pandar Single's Day 11/11. Angaok trang di drei, Alibaba brei thau tagok tanut jien mek tame 100 tỉ Nhân dân tệ ( sumu 14,5  tỉ USD) tok dalam dua tuk akaok meti di Single's Day. Single’s Day njauk lac harei caik ka urang daok sa drei di Trung Quốc, hu peih ngak di harei 11/11 yaok thun kayua ndom lac harei abih tih lac ka "1".

# Nikkei Asian Review birau brei thau, dom urang ngak hukum Nhật Bản hu ginum biai iew rajaei brei ngak bruk pato sap Nhật ka dom urang ngak negar langiu, tapa nan kadung jien daong ka dom puk palei saong dom cong ty. Hukum nan meda  brei khan tagok QH dalam bilan 11 ini.

# Dom urang metai dalam mbang khuah glai trak dalam sajarah bang Ca-li-phoóc-ni-a (California), Mỹ harei 11/11 tagok takik abih 25 urang. Mbang khuah ngak brei khuah ralai yaok pluh rabau héc-ta glai di libik ini saong mbuan si pambak praong kayua angin khang. Karja mbang kuhria mboh lac njauk lihik jaik klau adit piah padam abih dom libik khuah. Urak ini oh ka kuhria hu khat lihik kayua khuah glai. Dahlau nan, Thống đốc đắc cử bang Ca-li-phoóc-ni-a Ga-vin Niu-xăm (Gavin Newsom) hu tabiak bruk khẩn cấp kayua khuah glai piah ba pandap daong tal dom libik gaok bala./.