#  Harei 12/12, gah langiu Nyaom roya Kapul urang nong Việt Nam mbang ka VII, dom urang lambaok ndom lac, piah peih bruk tri thức hóa urang nong, Karja brei hu dom cơ chế, sarak, danak dak daong cambaih laih, biak biai piah ka urang nong thau pandar ilamu kỹ thuật tame bruk ngak mbang pala drak, thau hu caong khin di darak pasar piah  salih jalan ngak mbang ka nyu njauk. Taphia di nan, dom pakat Kapul njauk paglaong hatai saneng, ilamu ka urang jakar, pato pathram hôi viên, urang nong.

Akaok kapul urang nong tỉnh Ninh Thuận Kiều Như Bổn ndom ndom, piah peih bruk tri thức hóa urang nong, karja njauk hu dom jalan ngak, sarak, danak dak camaih laih, biak biai piah ka urang nong thau pandar ilamo kỹ thuật tame bruk ngak mbang pala drak, thau ka caong khin di darak parsa piah salih jalan ngak mbang ka nyu lagaih.

# Tui Thông tư 39 di Mentri Y tế, harei 15/12, labaih 1.900 dịch vụ y tế brei tagok yaom meng 3.000 đồng tal 4.000 đồng sa mbang iek ruak. Tui nan, dịch vụ iek ruak di sang iek ruak đặc biệt saong hạng 1 tagok meng 33.100 đồng jeng 37 ribau đồng sa mbang iek ruak, sang iek ruak hạng 2 meng 29.600 tagok jeng  33.000 đồng sa mbang. Sang iek ruak hạng 3 meng 26.000 đồng tagok jeng 29.000 đồng, sang iek ruak hạng 4 saong balai y tế xã 23.000 đồng tagok 26.000 đồng sa mbang iek ruak. Dom yaom angaok nan kayua BHXH bayarka urang hu blei harak BHYT tui yaom jien hu mbang tui.

  # Mblang golf dalam mblang kapal haok Tân Sơn Nhất njauk palahik. Bruk ini hu brei thau dalam harak kayua Sở Quy hoạch Kiến trúc TPHCM payua ka UBND TPHCM ka bruk peih ngak quy hoạch mblang golf dalam bal raya. Tui kuhria mblang golf ini meda pandar piah peih prong mblang kapal haok Tân Sơn Nhất. Langiu di nan, mblang golf di phường An Phú (Quận 2) jeng hu ba tabiak truh quy hoạch.

4# Harei pataom baoh kayau hu cadaih (pasiu) saong Nyaom dara pasar kaya nong thun 2018, daok rah tabiak di huyện Cao Phong, tỉnh Hòa Bình. Harei pataom  pachreih hu 200 đơn vị, kapol nyaom, doanh nghiệp saong urang pala daok dalam saong langiu tỉnh hu mbaok tame. Urak ini, kuhria rah tapa yaok hecta phun mbang baoh hu candaih (pasiu), mikva mek jien tame hu meng 400 tal 500 trieu dong. Di dom bhum pala drak, bhap bini saong dom kapol nyaom, doanh nghiep, HTX, po trang trại, cơ sở pala ngak hu pandar cong nghe glaong tui tanut hacih sa-at. Dalam tỉnh hu labaih 1.000 hecta kruac, quýt, kruac bung hu brei harak chứng nhận VietGap saong tauk tem brei thau pandap nan meng halei mai saong ao papaok plaik njaik pandap ja, pandap nagak mblah tui ngak trun angan je di pandap.

      # Dom harei tapa, cộng đồng mạng  klah rabha biak rilo video sa uranaih kamei 6 thun daoh kadha daoh "Adei ranam Park Hang Seo". Ngan haong panuac daoh biak bingi pang hu daoh meng sap daoh chreih chai, bui sambai di adei ranaih Đinh Thái Linh (umo 6 thun, anek di nhạc sĩ Đinh Trung Hà), kadha daoh ini samar hu ralo urang takre. Hu thau, kadha daoh ini lac sáng tác di nhạc sĩ Đinh Trung Hà saong urang cuak ariya lac Công Nguyện (daok pak TP Phan Thiết, tỉnh Bình Thuận). Dom tác giả brei thau: "Ini hu mong yau pok pandap bo khaol dahlak caong khin payua tal huấn luyện viên urang Hàn Quốc…”

  Khaw tin dunya:

# Harei ni di ban Brúc-xen, Bỉ hu peih Nyaom bia thượng đỉnh Liên minh châu Âu ginum biai  ka bruk Brexit, kadung jien karaj saong darak pasar di dom negar châu Âu. Bruk ginum biai rah tabiak meng harei 13-14/12 dalam tuk bruk ndem biai nao mai ka Brexit oh ka yam tapa hu Nghị viện di Anh, dalam tuk rilo negar châu Âu daok dang anak dom kan kandah ka kadung jien taneh ia mbuan ba tal suan jalan dom quy định di khối.

# Nyaom biai Liên hợp quốc ka biến đổi khí hậu mbang ka 24 (COP 24) daok yam tame dom harei ginum biai puac abih piah brei tapa sa bộ quy tắc pacang caga  biến đổi khí hậu, jeng yau peih ngak Hiệp ước khí hậu Pari hu mboh tangin blaoh di thun 2015. Ini hu mong yau sa jalan siam abih puac abih piah ka dunya pacang cakak nhiệt độ baoh taneh oh tagok tapa 1,5 độ C dut haong tukvak dahlau di công nghiệp, jeng yau pacang khik baoh taneh anak dom tác động di biến đổi khí hậu.

#Thủ tướng Anh Thê-rê-sa Mây (Theresa May) birau yam tapa bruk buh phieu bất tín nhiệm hu ngak dalam đảng Bảo thủ cầm quyền. Piah yam tapa bruk buh phieu, amuk Thê-rê-sa Mây hu ba tabiak bruk ien biak ralo: taduan bruk oh tame bruk palih ruah Q.hoi  anak tal dalam angan lac urang dang akok đảng Bảo thủ.Yayak nan jeng hu makna lac đảng Bảo thủ oh daok duah hu jalan tabaleik amuk dalam sa thun anak./.