# Meng mbang tuyển sinh Đại học- Cao đẳng thun 2019, Mentri pato megru hu tabiak điểm sàn karei ngan haong khối ngành gah pren yava hu cấp chứng chỉ hành nghề... Mentri ini tui kuhria meda ba tame quy chế 2 quy định:  dom sang bac yaom lac mek điểm pakacah THPT negar min jeng njauk peih ngak tui tukvak xét tuyển chung, plaih dom sang bac peih bruk tuyển sinh dahlau ảnh hưởng tal bruk haong gauk saong bruk salih nguyện vọng di thí sinh. Quy định ka dua nan lac quyền saong nghĩa vụ di thí sinh. Tuk thí sinh hu xác nhận tame bac njauk nộp bản chính harak xác nhận điểm thi, oh brei xét tuyển tame sang bac halei.karei... 

  # Melam 13/12, di Ban raya HCM, UB dunya ka bruk dam dara Viet Nam, Trung ương kapul dam dara CSHCM pambuak gauk peih tabiak Diễn đàn Doanh nhan ranaih AEAN +3 thun 2018 hu mbaok di 160 urang lambaok vakil lac dom doanh nhân, urang ranaih mai meng 10 taneh ia ASEAN saong 3 taneh ia ginum biai di ASEAN lac Hàn Quốc, Nhật Bản, Trung Quốc. Ngan saong kadha “Doanh nhân ranaih ASEAN+3 pamaong tal padang mbang ngui hadah krah dalam ngak cong nghe glaong”, Diễn đàn lac tuk piah ka doanh nhân ranaih dom taneh ia ASEAN +3 klak rabha dom bruk padang mbang ngui meng ngak nong cong nghe glong, ngak dahlau dom bruk ba tabiak dalam cộng đồng kinh tế ASEAN saong rik daong tame bruk dak padang cong dong ASEAN cak rok patagok khang kajap.

 # Công an quận Long Biên (Hà Nội) hu khởi tố Nguyễn Đức Thắng (29 thun, daok di Ứng Hòa, Hà Nội) ka tội "blei salih, meblah mek mô atau bộ phận rup manuac". Tui jabat công an, Thắng hu pablei sa baoh thận di drei yaom 250 triệu đồng. Hadei di nan mboh rilo urang ruak caong khin pagam thận  nan ye Thắng hu ngak môi giới. Hadei di tuk duah hu urang caong khin pablei, Thắng tacei pato ngak harak gar saong ba tame sang iek ruak khám tổng thể. Meyah urang pablei thận ginup điều kiện ka pren yava, Thắng blei thận di urang nan yaom meng 230 - 270 triệu đồng. Hadei di nan, Thắng nao taom gaok urang khin pagam thận, ieu yaom pablei meng 260 - 290 triệu đồng sa baoh thận.

# Biar harei 13/12, rilo urang tavak sre tín dụng đen hu urang dang akaok Bộ Công an,, gilang pariak saong công an dom tỉnh ban kalk rabha thông tin tapa trực tuyến  kayua Harak mbao Công an nhân dân peih tabiak. Ndem ka bruk nan, Thượng tá Lại Quang Huấn, Phó Trưởng phòng 6, Cục Cảnh sát hình sự - Bộ Công an brei thau: Dalam tuk daok cang ramik veik dom quy định, ngan saong dom urang yau ngaok nan, baoh sang urang mesre, dom urang thau bruk nan brei eiw phone 113 chip mai Jabat Cong an nan lac talei phone pandiak tapak 24/24, taduan dom bruk daong ka urang oh abih jien iew phone), atau điện thoại di trực ban Công an xã, phường, ban sit di labik drei daok.

   # Phaok trưởng công an bal sit An Thới (Phú Quốc) brei thau: piah pacang cakak dam dara pataom gauk "nao bão" ngak lahik trật tự hadei di mbang dhit blaong di Việt Nam saong Malaixia harei paguh (15/12), Công an huyện Phú Quốc hu brei menuac di drei ba akaok dom kapul nyaom urang trun jalan hadei di mbang caoh blaoh piah khik siam bruk nao mai, pacang cakak dom dam dara pambak tame bruk nan piah pakacah radaih, ngak brei nguy hiểm ka manuac urang nao jalan. Taphia di nan, jabat ini jeng daok duah urang co klaik gar di dom sang bac dalam huyện hadei di mbang caoh bán kết mbang mai di tuyển Việt Nam saong Philippines saong mbang chung kết lượt nao di Việt Nam saong Malaysia. Abih tih hu 3 sang bac lahik gar.

  Khaw tin dunya:

  #Harei ini, Nyaom biai ka bruk biến đổi khí hậu di Liên hợp quốc tamat salah hadei di 2 adit ngak bruk. Dom urang ginum  biai di jaik 200 negar brei ngak salah dom văn kiện ka jalan peih ngak Thỏa thuận khí hậu Pari. Kapol dom taneh ia kaoh pulao sit saong dom taneh ia kathaot, lambaok vakil ka labaih 920 trieu urang tabiak panuac brei mboh thất vọng ka bruk ngak suai damuai saong kurang bruk khin hu di Nyaom biai mbang ini.  

   # Thủ tướng Tây Ban Nha Pê-đrô San-chê (Pedro Sanchez) harei kabroi (13/12) brei thau dự án bahrau ngan haong bruk hu mbaok di doanh nghiệp saong dom gah dalam xã hội piah pacang veik bruk uranaih diuk rai ala tanut kathaot rambah (pandar ka urang umo ala 18 thun). Di nyaom biai pak Mađrit, Thủ tướng San-chê hu panuac lac, oh brei adat ka Tây Ban Nha lac  1 dalam dom negar di châu Âu mbuan hu rilo di abih bruk uranaih kathaot rambah. Tui panuac khan di Nyaom biai, jaik 30% uranaih di Tây Ban Nha (umo meng 18 thun trun) mbuan si diuk rai ala tanut kathaot rambah, nan lac glaong jang labaih 9,7% dut haong tanut trung bình di Liên minh châu Âu.

#Meng bruk daong di LHQ, Nam Xuđăng daok brei peih ngak dom jalan pacang caga biak tani tanat piah pacang bruk pambak ruak kayua virút Ebola meng negar taphia lac Cộng hòa Dân chủ Công-gô. LHQ saong urang ngak praong di Nam Xuđăng brei ngak dom bruk yau pandar mac pasang piah duah thau urang njom ruak dsi taphia negar, pato dom kapol nyaom y tế, klauk jru vaccin ka urang y te di tuyen akok. jit ruak Ebola tamuh gilac di Công-gô ngak ka jaik 300 urang metai kuhria mneg bilan 8./.