# Patui veik mbang nyaom ka 6, page ini 9/11, dom urang Quốc hội ngak bruk di hội trường, pang akaok mentri Y tế Nguyễn Thị Kim Tiến, thừa ủy quyền di Thủ tướng raja-ei puac harak brei thau ka dự án Hukum Pacang, cakak tác hại di alak, bia; patui di nan, Quốc hội pang Ủy viên Ủy ban Thường vụ Quốc hội, Chủ nhiệm Ủy ban Khoa học, Công nghệ saong Môi trường di Quốc hội Phan Xuân Dũng puac harak langyah, pataom mek panuac, pasiam veik dự án Hukum pala drak saong ginum biai pak hội trường ka dom asal kadha daok hu panuac karei di gauk di dự án Luật.

# Pahadar harei Hukum Viet Nam 9/11, blah web điện tử pathau khan langyah hukum Ban raya HCM hu tabiak rai, ba tame pandar di labik http://tuyentruyenphapluat.tphcm.gov.vn. Blah web nan, lac labik pataom mek thông tin, panuac pato padar, yaok pataom ,taong yaom piah thau bruk caog khin duah thau hukum di dom urang, tui nan hu jalan pathau khan, langyah hukum ka nyu lagiah. Blah web điện tử pathau khan langyah hukum Ban raya HCM jeng lac labik pataom veik dom panuac tangi sua, padang ngak hukum meng bhap bini piah daong ngak pasiam dom hukum saong raidiuk. Abih di nyu nan lac, urang tame blah web ini meda  brei thau hatai sahaneng di drei tagok angaok web, klak rabha, atau mek tai lieu angok nan…

  # UBND tỉnh Khánh Hòa bahrau jao brei tu tapuk hukum yaom labaih 74 triệu đồng ka urang jakar, urang lin saong bhap bani huyện Trường Sa. Tu tapuk hukum hu 101 baoh tapuk ngan haong 736 cuốn văn bản brei thau ka adat hukum, tài liệu hệ thống hoá adat hukum, tapuk sua tangi, bình luận, langyah adat hukum, gam haong bàn kik, pandap panda nao gam tui, hu hu ba brei di dom gilang tapuk di UBND huyện Trường Sa saong UBND dom xã, bal sit: Song Tử Tây, Sinh Tồn, Trường Sa.

# Urak ini, tỉnh Lâm Đồng hu padang ngak saong patagok hu jaik 57 ribau ha caphe hu brei chứng chỉ khang kajap tui dom tanut chuẩn dunya UTZ, 4C, labaih 33% dalam taong abih taneh praong hu pala ngak, gam padang hu 5 bhum taneh caphe hu ngak tui cong nghe glaong, ngan saong taneh praong labaih 1.500 ha di dom huyen Lâm Hà, Bảo Lâm,  Lạc Dương saong Di Linh. Piah patui bruk pa glaong asar pandap hu ngak meng caphe tui chuỗi pandap ngak nong di dunya.

   # Sa sruh jit ruak sán dây lợn ngan haong labaih 100 urang njauk ruak bahrau hu duah mboh di tỉnh Bình Phước daok ngak brei ka manuac sia huac kanda ka sa janih ruak sahneng lac pacang cakak hu meng ralo thun ini mai. Piah  pacang ruak sán dây saong ấu trùng sán dây pabui,  Cục Y tế dự phòng, Bộ Y tế hu panuac kakei  bhap bani: njauk mbang tasak menyum tasak saong puh ramik hacih sa-at sang danaok, labik daok. Juai mbang dom pandap mbang metah yau nem metham, ralo pabui tái, njam metah oh hacih, puh pataom khak athur raong, abih di nyu lac di dom labik hu manuac urang njaom mbak sán dây lợn dalam tung pruac; pandar  saman ka nyu hacih sa-at, juai raong palao pabui. Dom jabat khik iek catang tiêu chuẩn vệ sinh dom labik sik ngak pabui.

Patui di ini dom khaw tin dunya:

# Akok metri Thống nhất Hàn Quốc Chô Miêng Guôn (Cho Myoung-gyon) harei kabroi 8/11 brei thau hasit ka bruk pambuak jalan pasei saong jaln tabak tal Triều Tiên. Jalan pasei Giêng-gui (Gyeongui) brei pasiam veik di gah Trieu Tien meda atah 430 km meng Kê-xâng (Gaeseong) tal Xi-nui-giu (Sinuiju). Bruk pasaim veik jalan mbak nan tui kuhria dahlau meda ngak hu jeng jalan pasei atah 800km pambuak meng Ceik Kim Cương tal Ra-sơn (Rason) jiak taphia negar Triều Tiên saong Nga.

 # Harei kabroi (8/11), takik abih 3 urang metai saong labaih pluh urang karei njauk rambuis hadei di mbang patuh bom radaih jaik sa nhà hàng di bal Mô-xun (Mosul) di I-rắc. Ini lac sa dalam dom mbang tấn công khủng bố biak takik mboh kuhria meng tuk I-rắc tabiak panuac lac peih paha bal Mô-xun tabiak truh IS. Urak ini oh ka thau gah halei dang lakuk bruk tấn công ini.

#Di mbang tamat ginum biai harei kabroi, dom urang ba tabiak sarak di Cục Dự trữ Liên bang Mỹ birau brei khik tamo jien jung chủ chốt, brei mboh bruk njauk tui iek bruk yaom kaom trun tagok jeng yau dom bruk oh lagiah ba tal bruk mesruh gauk gah pablei salih di Mỹ saong Trung Quốc. Biên độ jien jung urak ini meng 2 tal 2,25%./.