# Hadei di 2 harei hajan praong di dom tỉnh bhum kreh negar, hu 6 urang metai saong lahik, dalam nan Quảng Nam 2 urang; Quảng Trị 2 urang, Quảng Ngãi 1 urang saong Thừa Thiên Huế 1 urang. Biar harei kabroi (10/12) dalam tỉnh Quảng Nam saong ban Đà Nẵng lingik daok hu hajan, rilo jalan oh nao mai hu, yaok ribau baoh sang dauk dalam ia. Dom puk palei daok kham merat pasiam dom khut khat, daong ka bhap bini tani tanat raidiuk.

# Ngan saong kadha “ Cak rok patagok caphe VN tui jalan khang kajap”, Harei caphe VN mbang ka 2 hu peih pakak tuk melam kabroi 10/12, di ban sit Gia Nghĩa, tinh Dak Nong. Urak iini, negar drei dang dhi 2 ka bruk pablei caohe tabiak negar langiu di dunya, jien mek tame meng brukpablei caphe yaok thun hu jaik 3 tỷ 500 triệu USD. Harei caphe VN mbang ka 2 hu rilo bruk ngak yau: parang iek, yaih khan caphe bingi pahe, hu angan je mai meng dom bhum taneh danei angan dalam taneh ia saong menyem iek caphe bingi di dom bhum palei pala nyu; Nyaom ginum biai “ Cak rok patagok caphe VN tui chuỗi gái trị”; rivang iek bruk pala caphe brei rilo baoh rilo asar siam.

# Dalam 2 bilan tapa, yaok rituh sang urang pala panat di dom xã dalam huyện Châu Đức saong ban sit Phú Mỹ, tỉnh Bà Rịa – Vũng Tàu gam gam njauk co klaik panat. Rilo sang bein njauk co tame klaik tal 5 mbang, lihik dom pluh triệu đồng. Bhap bini pak ini daok suh sah lô saong duh hatai lo.Công an huyện Châu Đức brei thau, hu menuac khan brei thau ka bruk bhap bini njauk co klaik panat, urak ini daok pasang iek, duah thau.

# Tỷ giá jien đồng Viet Nam saong jien dola Mỹ page harei ini 11/12 hu Gilang pariak Karja brei thau  lac 22.775 đồng VN, tagok 9 đồng duk saong harei kabroi. Ini lac tanut glaong abih meng akok thun tal ini.

# Sa mbang hajan praong tuh trun rilo labik di ban raya TP.HCM, Đồng Nai, Bình Dương, Vũng Tàu... meng di tuk page mesup harei ini. Kayua hajan njauk di tuk menuac sia nao ngak bruk, nan ye ba tal gar jalan di labik xa lộ Hà Nội labik jaik tatua Sài Gòn, jalan Trường Sa labik meng tatua Bùi Hữu Nghĩa tal tatua Điện Biên Phủ; jalan Võ Thị Sáu Quận 1… hajan di tukvak ini, lac hajan suan bilan kayua Nam Bộ abih bilan hajan meng puac bilan 11.

# Khaw tin dunya:

# Harei ini 11/12, Jabat Hàng không vũ trụ Mỹ daok iew lac NASA khan brei thau, mbang ka dua dalam sajarah dak rai, sa pandap kayua anek mauac ngak tabiak hu par tagok tal dom baoh patuh. Dữ liệu pataom hu  meng  Voi-ơ-giờ 2 (Voyager 2) brei mboh kapal haok vũ trụ ini di NASA urak ini tabiak truh gavang xoắn ốc – bong bóng khik caga dom asar  saong từ trường hu ngak tabiak meng ia harei labik kapla haok Voi-ơ-giờ 1, bhian hu tapa di thun 2012. Voi-ơ-giờ 2 uraak nin daok atah baoh taneh 18 tỷ km. Ngan saong labik atah yau nan, bo Voi-ơ-giờ 2 payua thông tin mai lahik abih 16,5 tuk meng hu tal baoh taneh.

# Nyaom biai dunya ka Thỏa thuận Di cư dunya daok rah tabiak di Marrakech (Maroc). Ini lac mbang camereip di abih dalam sajarah, taong abih dom taneh ia di Liên Hợp Quốc ba gauk tame ginum biai sa thỏa thuận ka di cư tui jalan ginup abih. Nyaom biai hu peih tabiak dalam tuk bruk di cư dunya daok rah tabiak dak harei dak khang ngan saong dom labik pandiak bahrau tamuh tagok yau ye di biên giới Mexico-Mỹ saong bruk srau kadau di cư châu Âu oh ka tamat abih.

# Dalam harak ndom puac daok hu cang maong di melam 10/12 hadei di rilo harei kandang dhit, Tổng thống Pháp, Emmanuel Macron hu taduan dom bruk hagit rah tabiak dalm dom harei tapa di negar Prang, gam tui nan ba tabiak dom jalan ngak brei sahanang hatai dom urang Ao katam jak gauk trun jalan. Ong Macron lac dom bruk rah tabiak dalam dom harei tapa ngak sraw kadau negar Prang,jeng yau dom bruk taong paoh gauk dalam dom mbang trun jalan di dom urang Ao kanjik katam oh ba mai hagait siam lagaih ka urang halei saong tok ngak kein ka dom đảng phái chính trị oh hu trách nhiệm nyu daok lợi dụng./.