# Harei ini (13/11),  Quốc hội ginum biai di hội trường ka pathau khan bruk ngak thun 2018 di Chánh án Tòa án nhân dân tối cao, dalam nan hu asal kadha ka bruk langyah khiếu nại, tố cáo di bol bhap rahra. Tui dom urang Quốc hội, meng akaok nhiệm kỳ Quốc hội mbang 14 tal ini, bruk taduan raok bhap bini, langyah đơn thư khiếu nại tố cáo di dom jabat hu thẩm quyền hu dom salih bharau mboh di anak meta.

# Phó Thủ tướng Trịnh Đình Dũng barau brei panuac ka bruk ramik pasiam quy hoạch jalan tapen tasik labik Phan Thiết - Thuận Quý, tỉnh Bình Thuận. Phó Thủ tướng pandar mintri Giao thông vận tải saong uy mban bhapbini tỉnh Bình Thuận peih bruk ramik pasiam quy hoạch jalan tapen tasik labik Phan Thiết - Thuận Quý, tỉnh Bình Thuận tui njauk quy định di hukum saong tacei pato di Thủ tướng rajaei di văn bản ka 4166/VPCP-CN harei 8/5/2018. Dalam nan, njauk khik kajap trình tự peih ngak saong njauk haong quy hoạch, njauk haong bruk pandar taneh hu jabat hu thẩm quyền phê duyệt yau panuac di mintri Xây dựng, mintri Tài nguyên saong Môi trường.

#  Ủy ban Nhân dân tỉnh Đồng Nai bahrau brei thau jalan peih ngak danak dak mek veik taneh, tái định cư mblang kapal haoh Long Thành, meng ini tal abih thun 2018 meda peih ngak dom adat hukum gah đo đạc, brei thau bruk mek veik taneh..., thun 2019 peih bruk padang ngak hạ tầng khu dân cư, tái định cư Lộc An - Bình Sơn. Tal thun 2020 meda ngak salah bruk giải phóng mặt bằng taong abih dự án, jao taneh hacih ka pô đầu tư Dự án padang ngak mblang lkapal haoh pakat dunya Long Thành dahlau thun 2021.

 # Ông Lê Thanh Liêm, Phó Chủ tịch thường trực Ủy ban bhapbini ban raya HCM, akaok mban tacei pato Tổng điều tra dân số saong sang daok di ban raya brei thau: ban raya HCM urak ini lac labik hu rilo menuac abih dalam taneh ia, jaik 8,7 triệu urang. Abih di nyu nan lac, dom thun jaik ini, yaok thun menuac sia ban raya tagok jang meng 200.000 tal 400.000 urang, dalam nan hu rilo urang nhập cư mai meng dom tỉnh, ban karei, ngak brei catang tagok hạ tầng đô thị saong tamuh tabiak rilo bruk xã hội yau ye: gar radaih, ia dauk, nerak alam môi trường… 

Kayua yau nan ye, gam saong taneh ia, bruk Tổng điều tra dân số saong sang daok di tukvak 0 tuk harei 1/4/2019 meda pabak dom số liệu piah ba tabiak jalan patagok kinh tế - xã hội ka ban raya, tabhia nan rik daong ka ban raya ba tabiak bruk pasiam raidiuk mbang ngui ka  bhapbini. 

# Harei ini 13-11, dalam dom bruk salam uan 45 thun harei padang talei ngoại giao Việt Nam - Singapore, Bộ Công thương saong Đại sứ quán Việt Nam di Singapore hu peih adit pandap Việt Nam di Singapore,, hu angan ieu lac “Việt Nam khang kadang bak prein diukrai” dui atah tal 26-11 di labaih 140 labik siêu thị di Tập đoàn NTUC FairPrice. Piah caga ka bruk ini, dom doanh nghiệp Việt Nam hu ba tame dom siêu thị Singapore labaih 600 janih pandap.

Khaw tin dunya

6# Triều Tiên saong Hàn Quốc barau yah klak 20 trạm glang khik rah tui jalan tapen 2 negar tui sa bruk ngak piah trun căng thẳng di biên giới. bruk yah klak hu peih ngak hadei di tuk bol bala dua taneh ia ba bol lin saong thiết bị tabiak truh dom trạm glang khik ini. Tui Hãng tin Yonhap, hadei di tuk yah klak, Hàn Quốc urak ini daok jaik 60 trạm glang khik tapen biên giới, dalam tuk Triều Tiên daok 160 trạm glang khik. Ini lac jalan nao akaok mereip piah dua gah meda maong tal yah klak abih trạm glang khik di bhum biên giới.

# Tập đoàn Đường Nhân Thần (Tangrenshen) – lac gah ngak pandap mbang ka athur praong abih di Trung Quốc bahrau brei thau, pandap mbang ka athur kayua 1 dalam dom labik di tập đoàn ini ngak njauk njom kum pabui châu Phi. Tập đoàn Đường Nhân Thần brei thaut, vi-rút kum pabui châu Phi hu mboh dalam dom mẫu pandap mbang ka athur kayua công ty ngak pandap mbang kathur Bin-li Mỹ Anh Vỹ (Bili Meiyingwei) pabak brei – lac labik taduan hu 51% phun jien daong meng kadung jien karja. Ini lac mbang camereip di abih bruk njom kum pabui dalam pandap mbang ka athur hu khan brei thau di Trung Quốc, ngak ka urang nong raong athur daok huac ka bruk jit ruak mbuan pambak praong

# Tui pathau khan di Liên hiệp quốc,  tal thun 2050, jaik  50 triệu urang metai di châu Á yaok thun kayua kháng jru kháng sinh. LHQ ndom lac rilo janih jru kháng sinh oh daok siam dalam bruk pacang nhiễm trùng. Jabat ini kuhria mboh dahlau lac dom urang metai kayua kháng kháng sinh meda glaong jang dom urang metai kayua ung thư yaok thun. Ini hu maong lac bruk khẩn cấp ka pren yava di dunya”.