# Tui Văn phòng thường trực Ban tacei jalan  Trung ương ka pacang caga bala meng langik tasik song tui urang vak di TTXVN DI dom tỉnh, ban, kuhira tal  17 tuk harei  11/12, hu  9 urang metai  song lihik kayua ribuk ia sua  di gah kreik negar. Langiu di nan dok hu labaih  23.000 boh sang dauh dalam ia, 1.830 boh sang njauk panduan ba nao chip ; 2.220 m ar pacang glut jaleih ; 64.624 m jalan nao mai khut, jaleih, jalan pasei  Bắc – Nam Labik nao tapa tỉnh Bình Định njauk glut jaleih di  3 labik, urak ni nao mai hu veik.  Yaom lac tal beir harei 11-12, abih hajan min dok jiak  17.000 boh sang di  Quảng Nam  dauh dalam ia; rilo drap ar, njam patam …dauh dalam ia, khat lahik tui kuhria  yaok tỷ đồng. 

# Harei ini 12/12, di Pasak Hội  Nghị negar Mỹ Đình HNoi, Nyaom roya pakat negar Kapol Urang nong Viet Nam mbang ka VII hu peih tabiak ngan saong kadha “ Dan chu- Jum pataom – Salih birau- Yam tame –Pata gok”. Hu mbaok 999 urang lambaok vakil ka labaih 10 ribau urang hội, urang ngak nong dalam negar. Meng ini tal harei 13.12.2018, Nyaom roya brei taong yaom bruk ngak hu tui Sarak Nyaom roya pakat negar Kapol Urang nong Viet Nam mbang ka VI, tukvak 2013 -2018; ba tabiak jalan ngak, bruk ngak di Kapul saong bruk urang nong tukvak 2018 -2023; brei tapa Điều lệ Kapul Urang nong Viet Nam pasiam veik; palih ruah urang tame Ban Chấp hành Kapol Urang nong Viet Nam mbang ka VII, tukvak 2018-2023.

# Harei 1/12, UBND TPHCM tabiak harak Quyết định ka bruk mek veik  “taneh meh” prong labaih 4.896 m2 di  labik 8 - 12 jalan Lê Duẩn, phường Bến Nghé, Quận 1. Pagam tal bruk ngak suan dalam bruk jao, brei pah oh njauk menuac urang mblang taneh ni, Jabat  Cảnh sát điều tra, Mintri Công an hu  khởi tố vụ án, pasang iek song chap kreik rilo urang jakar di ban raya. Urak ni  vụ án dok hu peih prong, duah thau cambaih laih tong abih bruk ngak suan di dom menuac urang hu pagam tal di dom sở - ngành di ban raya HCM, Mintri  Công thương piah langyah tui adat hukum.

#Yaok rituk urang palei Nà Ven, xã Ea Wer, huyện Buôn Đôn , tỉnh Đắk Lắk  biak uan tabuan kayua birau hu điện negar piah pandar truac hadah jeng yau ngak mbang pala drak. Danak dak pabak điện ka palei Nà Ven hu Công ty Điện lực Đắk Lắk padang ngak atah hu jaik 5 km ngan saong yaom jien buh tame kuhria abih tih labaih 2 tỷ 500 trieu dong. Meng bruk ba điện tame palei Nà Ven, huyen Buon Don ngak hu salah bruk lac taong abih palei, buôn hu điện pandar.

# Hadei di tuk tamat mbang dit haong tỉ số 2-2 di SVĐ Bukit Jalil (Malaysia) di  chung kết lượt đi AFF Cup 2018 melam kabroi , urang takre dit blong di rilo tỉnh, ban dalam negar  ba gauk tabiak jalan uan tabuan song cong tame sa jayah puac abih brei ka kapul chaoh blong  Việt Nam dalam mbang dit chung kết lượt về di mblang  Mỹ Đình melam 15/12. Yaom lac biak damen kayua oh mek hu jayah, min kapul  Việt Nam jeng hu kein lagaih jang anak  trận chung kết lượt về di Mỹ Đình.

Khaw tin dunya:

# Harei ini, Nyaom roya dunya ka Thỏa thuận Di cư dunya daok rah tabiak di Ma-rốc. Ini lac mbang camreip dalam sajarah, taong abih dom taneh ia di Liên Hợp Quốc hu ginum biai 1 thỏa thuận ka di cư di rilo gah. Nyaom roya hu peih ngak dalam tuk bruk di cư di dunya daok rah tabiak dak harei dak khang saong hu dom labik pandiak bahrau tamuh tagok yau ye di labik tapen negar Mê-hi-cô saong Mỹ saong bruk  di cư di negar Chau Au oh ka padeih abih.

# Sa urang likei cuh phao tame labik hu menuac rilo jaik drak  Noel di ban Strasbourg, gah tamun negar  Pháp, di melam  11/12, ngak ka  4 urang metai song takik di abih  11 urang njauk rambuac biak trak. Hadei di tuk cuh phao tame menuac urang, urang likei nan nduac thit, nan ye karja  tban Strasbourg hu  tabiak panuac kakei bhap bini  di rilo labik dalam ban  brei dok dalam sang. Rilo labik prong dalam ban Strasbourg dalam nan hu  khu Nghị viện châu Âu, njauk  phong toả.  Strasbourg lac sa ban hu drak pasa  Noel prong abih di  Pháp song lac sa dalam dom drak  Noel hu angan je abih di  châu Âu, pachreih hu yaok triệu  tuai damuai tuh mai rivang main yaok thun dalam tuk  Giáng sinh song thun bahrau.

# Sa tòa án di negra Canada harei kabroi hu brei adat ka amuk Mạnh Vãn Chu, giám đốc jien padai di công ty công nghệ Trung Quốc Hua Uây (Huawei) hu  bảo lãnh tabiak gah langiu ngan saong yaom jien 7.5 triệu đô la. Langiu di nan , amuk Mạnh Vãn Chu njauk brei caik veik hộ chiếu, oh nao tabiak truh Van-cu-vơ, saong brei tuan pandap tui iek GPS. Bà Mạnh Vãn Chu, 46 thun, meda dang anak sa mbang javap jalei dom tangi sua ka bruk hu ba tapa Mỹ ha-ok. Panuac phán quyết di harei 11/12 hu maong lac ngak brei patrun bruk daok catang tagok di Mỹ saong Trung Quốc urak ini tuk dua gah daok duah jalan ka bruk mesruh gauk gah pablei salih di dua gah./.