# Tui Bảo hiểm xã hội Việt Nam,  meng thun 2019 hệ thống meda patui veik cập nhật dữ liệu urang blei angaok harak thẻ BHYT, oh cang salih thẻ hadei di sa thun yau dahlau diah. Angaok thẻ BHYT bahrau tok vak giá trị pandar meng harei halei, klak quy định vak giá trị pandar tal harei halei. Kayua yau nan ye, urang blei meda pandar thẻ BHYT suai lavik, oh njauk salih veik yaok thun. Bruk cấp thẻ BHYT tok pandar ngan haong dom bruk yau: lahik, khut, salih thông tin in angaok thẻ (yau angan je, harei bilan thun menek, giới tính, loại đối tượng, mã hưởng, salih labik  iek ruak...).

# Kapol Kiểm soát hải quan di Cục Hải quan Ban raya HCM pambuak bruk saong dom jabat chuyên trách birau pasang iek, duah mboh pandap lậu dalam nan hu 5 mac xét nghiem pandar ka gah y tế, yaom yaok pluh tỷ đồng. Dalam dom pandap nan hu 2 mac xét nghiệm sinh hóa tự động, 1 mac xét nghiệm huyết học tự động, 1 mac  xét nghiệm miễn dịch tự động, 1 mac duk iek ruak me-ik saradang. Njauk caik hatai lac, tui harak gar, angan urang taduan pandap lac Công ty Hoài Nhân min tapa duah thau tuk camereip, jabat chức năng mboh lac Cty ini oh ngak bruk di labik tut angan ngak mbang.

        # UBND tỉnh Thanh Hóa brei buh tabiak labaih 25 tỷ đồng ka bruk roh duah, khai quật khảo cổ inem mek Lăng miếu Triệu Tường. Inem mek Lăng miếu Triệu Tường hu patao Gia Long brei padang ngak di thun 1803, di palei  Gia Miêu, xã Hà Long, huyện Hà Trung – labik phát tích di 9 chúa, 13 patao Nguyễn.  Tui nan, Lăng miếu Triệu Tường meda hu khai quật angaok mblang taneh 2.800m2. Bruk khai quật khảo cổ meda daong brei mặt bằng, quy mô dom kiến trúc gam haong dom pandap pambuak pagam tal, ngak cơ sở khoa học piah padang ngak gilac inem mek, khik kajap tính chân thực di inem mek hu padang ngak saong hu mbaok dalam dak rai sajarah.

# Sở Giao thông vận tải TP Hồ Chí Minh hu tabiak harak brei thau ka bruk brei takik radaih ô tô tame tabiak pasak ban raya, piah khik hu salamat angaok jalan mbak brei ka urang di ban raya hu lagaih nao mai piah pachreih kapol dat blong Viet Nam pakacah tame chung kết AFF Cup 2018. Tui nan, meng 19 tuk meteh tal 24 harei 15/12: Taong abih radaih taxi, radaih ala 9 ghe daok ngak iek tui pambauk bruk hợp đồng điện tử tame pasak ban raya. meng 22 tuk tal 24 tuk harei 15 bilan 12 thun 2018: Pakauk taong abih radaih tải tame tabiak labik quận 1, quận 3 saong quận 5 di dom jalan praong dalam pasak. Sở ini  jeng hu tacei pato jalan nao plaik salih dom jalan nan brei urang thau.

            # Hãng tin CNN bahrau ba tabiak 124 blah thaik binguk du lịch ấn tượng abih ka anek manuac saong dom bruk ngak du lịch di thun 2018. Baoh tatua kanjik katam di Sun World Bà Nà Hills (Đà Nẵng) nan lac labik duy nhất di Việt Nam hu angan dalam dom angan ini. Dahlau di nan, dalam bilan 8, tạp chí Time daneiy angan di Mỹ hu  ba baoh tatua kanjik katam tame dalam angan 100 labik mai rivang siam abih angaok dunya. 

Khaw tin dunya:

       # Ngoại trưởng Mỹ Mai Pôm-pê-ô (Mike Pompeo) brei thau meda taong phạt taong abih gah hlei plaik njaik dom hukum taong phạt di taneh ia ini ngan saong Iran. Panuac nan hu ba tabiak harei di tuk dom taneh ia di Liên minh châu Âu (EU) di Hội đồng Bảo an Liên hợp quốc hu brei thau gilac veik bruk sanya brei ngak tui thỏa thuận hạt nhân Iran. Tui ong Pôm-pê-ô, dom janih pandap hu miễn taong phạt ngan saong Iran nan lac pandap mbang saong jru tavao piah pandar ka dom bruk ngak pahala daong manuac.

     # Harei 12/12 dom nghị sĩ gah cagar veik Hung-ga-ry hu dom phản ứng biak khang, ngak jeng bruk srau dhau takik mboh di nghị trường dalam jaik 30 thun tapa hadei di tuk Quốc hội buh phiếu brei tapa dua hukum daok kamlah gauk. Sa dalam dua hukum hu brei tapa nan lac hukum pasiam veik Bộ luật lao động urak ini, brei adat urang ngak po meda pandar urang ngak ngak rilo jang tal 450 tuk salih ka 250 tuk dalam sa thun yau urak ini. Tuk rah tabiak bruk buh phiếu, dom nghị sĩ gah cagar veik hu ba gauk daoh quốc ca, pok sap priew, yen glaong thẻ nghị sĩ piah phản đối saong hadei di nan klaak tabiak truh nghị trường.

#  Hãng Yonhap ba tin meng Mentri Quốc phòng Hàn Quốc brei thau 2 bhum negar Triều Tiên hu yah klak sang tuan  khik iek di labik phi quân sự. Bruk yak klak 20 sang tuan khik iek tapen negar lac sa dalam dom jalan ngak hu njauk gauk di  Nyaom biai thượng đỉnh dua gah Triều Tiên di bilan 9 pak Bình Nhưỡng./.