# Piah khik kajap siam mekre, salamat bruk nao mai angaok jalan mbak ka bhap bani bui sambai raok Tết Dương lịch, Tết Nguyên đán Kỷ Hợi saong Lễ hội xuân 2019, Thủ tướng Raja-ei pandar Mentri pajeng ba saong Mentri Công an tacei pato Công an dom jabat, puk palei ba tabiak jalan tukvak tabung glaong piah khik caga siam mekre bruk nao mai angaok jalan ka bhap bani uran raok Tết. Thủ tướng jeng pandar Mentri Y tế tacei pato dom Sở Y tế saong labik pasang iek ruaj dalam negar patagok manuac urang, jru cavao, pandap panda thiết bị y tế, jru pasiam ruak saong darah khik caga piah ngak hu siam di abih bruk cứu chữa urang njauk bala angaok jalan mbak saong dom tacei pato cambaih laih karei.

# Sang iek ruak Đa khoa Bình Phước barau daong plaih di metai ka sa urang ruak tame iek ruak dalam tuk lihik darah, vết thương dalam di libik takoi gah hanuk kayua gaok siu cuh. Urang ruak lac saai Hồ Sỹ Hậu, 25 thun daok di khu phố 5, phường Thác Mơ, ban sit Phước Long, tỉnh Bình Phước, hu ba mai meng pasak Y tế ban sit Phước Long. Tapa labaih 6 tuk blac raih, dom y, bác sĩ hu mek tabiak di takoi urang ruak sa asar siu meng kim loại praong jaik 5,6 li. Urak ini urang ruak hu tapa kan kandah.

    # Page 14/12, rah tabiak sa mbang patuh prong di xưởng ngak gilai labik 18 jalan Đào Trí, phường Phú Thuận, Quận 7, Thành phố Hồ Chí Minh ngak brei 2 urang metai saong 1 urang njauk rambuis. Bruk ini rah tabiak tuk jaik 7h45’ page, ralo urang daok jaik taphia nan pang mahit sa sap patuh khang meng gah dalam khu xưởng ngak gilai nan. Hu thau tuk menuac di công ty nduac mai ye hu mboh rilo urang ndih radap pak nan hadei di mbang patuh di khu xưởng hàn xì. Công an quận 7 urak ini daok pambuak haong dom gah nghiệp vụ Công an TPHCM pacang cakak labik patuh, mek panuac khai nhân chứng  piah duh ka bruk pasang iek, duah thau, duk iek hiện trường.

# Urak ini tỉnh Bình Thuận daok ba akaok taneh ia ka taneh pala saong sản lượng baoh thanh long ngan saong jaik 30.000ha, sản lượng labaih 500.000 tấn/sa thun. Dalam nan, taneh pala thanh long VietGAP hu labaih 10.000ha (tagok labaih 200ha duk saong thun 2017, meblah labaih 30% taneh pala thanh long dalam tỉnh).

    # Harei 14/12, pak Cần Thơ hu rah tabiak Vòng chung kết mbang pakacah Padang mbang ngui Bhum taneran kraong Cửu Long (ĐBSCL) 2018. Mbang pakacah khởi nghiệp ĐBSCL 2018 hu Phòng Thương mại saong Công nghiệp Việt Nam (VCCI) dhal Cần Thơ dang tabiak peih ngak saong pambuak bruk haong UBND dom tỉnh bal bhum ĐBSCL saong thành viên Mạng lưới Khởi nghiệp ĐBSCL. Hu 13 hatai saneng/dự án naih gheih abih hu mbaok pakacah dalam mbang chung kết. Dalam vòng ini, dom thí sinh/nhóm thí sinh lambaok ka 13 hatai saneng/dự án hu mbaok tame meyaih khan pandap panda, jeng yau ndom puac brei thau ka jalan pablei salih pandap panda saong phản biện anak Hội đồng Giám khảo. Ban tổ chức meda palih ruah tabiak dom ý tưởng/dự án xuất sắc abih piah pok brei 6 giải thưởng ka nhóm dự án saong 5 giải ka nhóm ý tưởng.

Khaw tin dunya:

  # Harei 18/12 tal, sa tòa án tui kuhria meda ba tabiak phán quyết ka urang dahlau diah ngak cố vấn di Tổng thống Trump lac ông Michael Flynn. Ông ini gaok ba tame tội biai lau haong Cục Điều tra Liên bang pambuak tal sa bruk duah thau lac Nga ba tangin tame bruk pilih ruah Tổng thống Mỹ thun 2016, jeng ye nghi vấn hu bruk pambauk gauk dalam bruk tranh cử di Tổng thống Trump. Angaok Twitter harei 13/12 Tổng thống Mỹ Donald Trump sa mbang tra brei thau, ông oh hu tuk halei tacei pato ông Cohen ngak suan adat hukum. Urang dang akaok ini jeng hu ndom veik, ông Cohen "lac sa luật sư saong ông nan thau cambaih ka hukum saong ndom lac sa luật sư njauk hu trách nhiệm biak praong meyah ngak suan".

# Harei 13/12, meng hu taong abih 115 phiếu pachreih tui, quốc hội Campuchia hu brei tapa Hukum Chính đảng pasiam veik, peih jalan ka dom chính trị gia gah cagar veik njauk pakauk oh brei ngak chính trị, dalam nan hu dom urang pal akaok di đảng Cứu nguy bangsa Campuchia (CNRP), meda hu brei adat mai veik chính trường. Dahlau di nan, Thủ tướng Campuchia Hun Sen brei thau, bruk pasiam veik Hukum Chính đảng mbang ini oh njauk lac pamaong tame sa  đảng chính trị halei, bo lac piah pandar ka taong abih dom đảng chính trị di Campuchia dalam harei hadei. 

# Takik di abih 7 urang metai saong 46 urang njauk rambuaic dalam mbang sa kapal cao tốc nduac ginuh tapak tame sa akaok radaih pui blaoh tableik trun libik tatua vượt caik ka urang nao takai di ban ine Ankara, Thổ Nhĩ Kỳ. Bala rah tabiak di 6 tuk 30 minit  harei 13/12 di sang ga Marsandiz tuk kapal cao tốc daok nduac angaok jalan meng Ankara saong tỉnh gah kreih negar Konya. Ga Marsandiz atah di ga kapal praong di Ankara jaik 8km./.