# Di mbang ngak bruk harei 16/6 meng bloh di Kapul ngak bruk di Quốc hội kayua Ủy viên Bộ Chính trị, Phó Chủ tịch Thường trực Quốc hội Tòng Thị Phóng ba akaok, tỉnh Ninh Thuận hu panuac caong pabak quy hoạch Trung tâm điện lực Cà Ná tame quy hoạch điện lực quốc gia; ka bruk mbang tui yaom điện ia harei ; bruk buh jien tame ngak dự án điện ia harei pambuak haong hạ tầng truyền tải Trạm biến áp 500 kV Thuận Nam saong jalan talei pambuak pagam tame; daong phun jien đối ứng kadung jien karja Trung ương brei ka dom dự án ODA; daong padang ngak kết cấu hạ tầng dom khu, cụm công nghiệp yau daong ka dom tỉnh Tây Nguyên; bruk buh jien tame ngak saong patagok phân hiệu Trường đại học nông lâm Thành phố Hồ Chí Minh di Ninh Thuận….Phó Chủ tịch Thường trực Quốc hội Tòng Thị Phóng taduan mek panuac caong nan saong brei thau lac pathau khan Ủy ban Thường vụ Quốc hội pasang iek dom panuac caong nan di tỉnh; tapa nan hu panuac ka dom  Bộ, ngành pambuak tal, samar tham mưu haong Rajaei, Thủ tướng Chính phủ hu sarak, jalan ngak cambaih laih, saong samar daong ka tỉnh peih ngak njauk tui sarak đặc thù jeng yau jalan ngak bo Rajaei hu tabiak bloh, hu ginum biai njauk gauk haong tỉnh bloh.

Tui nan, Phó Chủ tịch Thường trực Quốc hội Tòng Thị Phóng hu alin hadiah 20 pok pandap ka dom sang urang bangsa Cam saong Raglai hadah krah daok dalam xã Phước Hữu, huyện Ninh Phước; nao ravang sang aruah Bí thư Tỉnh ủy Ninh Thuận Chamalea Điêu.

# Pambak tal bruk kapol thanh tra Mentri Padang ngak ndok mbang jien padai di huyện Vĩnh Tường, tỉnh Vĩnh Phúc tuk pasang iek dom danak dak, dự án, Công an tỉnh Vĩnh Phúc brei thau, urak ini oh ka hu ginup thong tin ka bruk mbang jien hối lộ saong bruk nan daok hu duah thau. Hadei di tuk bruk nan patuh tabiak, harei 4/6, Thủ tướng Rajaei Nguyễn Xuân Phúc hu panuac tacei Mentri Cong an tacei patao tỉnh Vĩnh Phúc saong dom gah chức năng samar duah thau ngak brei cambiac laic piah ba tabiak langayah catang tui adat hukum, pathau khan tagok Thủ tướng Rajaei dahlau di harei 1 bilan 8 thun 2019.

 # Dom urang khoa học Viện Sinh thái saongTài nguyên sinh vật di Viện Hàn lâm Khoa học saong Công nghệ Việt Nam bahrau duah mboh di Hà Giang 1 janih phun glai pacang hu 4 janih ung thư. Nan lac phun thìa là jeng kayau hu hoạt tính sinh học gây độc tagok dom tế bào ung thư phổi, tasau, gan, tiền liệt tuyến. Ini lac bruk duah mboh tapa roh duah  di đề tài kayua TS Nguyễn Phương Hạnh ngak chủ nhiệm, peih ngak dalam 2 thun: 2017 - 2018.  Phun thìa là jeng kayau bhian tamuh di labik glaong 1000 - 1350 m saong di dom labik min daok njauk urang kaoh mek biak khang piah pablei salih. Kayua yau nan ye, nguồn gene di nyu daok mbuan lahik nao. Nan ye tapa roh duah di đề tài lac jalan ka bruk khik ramik nguồn gene quý hiếm saong roh duah dalam jang ka dom đặc tính saong hoạt tính bahrau di thìa là jeng kayau di Việt Nam.

 #UB bhap bini Quận 1, Ban raya HCM birau tabiak quyết định brei padeih bruk pablei salih di darak tapen jalan Cô Giang, phường Cô Giang saong phường Cầu Ông Lãnh meng harei 1 bilan 10. Hu abih tih 349 baoh sang brei padeih bruk pablei salih. UB bhap bini Ban raya hu daong  meng 29 tal 44 trieu dong yaok baoh sang, dalam nan hu 9 trieu dong lac jien daong pandon ba nao saong jien thưởng. Darak tapen jalan Cô Giang hu tamuh tabiak dahlau di thun 1994, pablei meng mong 5 tal maong 13 yaok harei, bhian pablei dom janih njam patam, baoh kraoh, pandap mbang menyum, khan ao…Labik ini oh hu tabung pacang, oh hu labik pablei tani tanat, dom urang pablei eng drei dak kapan kik, ghe, payong, bạt pacang piah pablei, oh hu labik pataom hareik, ia nerak, oh khik hu bruk pacang apui khuah, alam moi truong, jalan mbak nao mai oh lagaih… 

# Pasak langyah ba brei siam bruk pablei salih dunya Việt Nam (VICMC) bahrau peih bruk tabiak mbaok. Ini lac pasak langyah ba brei siam bruk pablei salih akaok meti di Việt Nam, hu  Bộ Tư pháp bei adat padang tagok. VICMC lac thành viên di Hội Luật quốc tế Việt Nam, hu padang tagok saong ngak bruk oh kayua kein laba. Jalan ngak di VICMC lac ba mai ka urang blei pandap, ka doanh nghiệp, urang đầu tư  hu pabak jalan langyah bruk meriak gauk gah pablei salih lingiu tòa án. 

  Khaw tin dunya:

  #Harei  17 bilan 6,Nyaom biai Ngoại trưởng dom negar châu Âu ( EU) peih tabiak di Luxembourg piah ginum biai dom kadha njauk langyah chip urak ini dalam danak dak nghị sự dunya. Dalam tuk bruk dunya oh sron mbon kayua meriak gauk dang akaok saong daok njauk kateik kreik di dom taneh ia khang yau Mỹ, Trung Quốc saong Nga, EU daok tui jalan langyah dom bruk di dunya di dom mbang ginum biai rilo gah, dalam dom bruk chính trị dunya mek Liên hiệp quốc dang kreh, dalam bruk pablei salih mek Gah pablei salih dunya ngak pasak.

# Indonesia lac taneh ia hadei di Malaysia, Philipines, Thái Lan saong Việt Nam tame bruk mesruh pacang rác thải meng phương Tây. Tui dom urang jakar ngak praong di Indonesia, 5 container nerak bo urang bayar veik ka Mỹ gah dalam hu bak klaok katak saong tã uraniah, oh lac baar tái chế tui harak khai hải quan. Bộ trưởng Môi trường saong Lâm nghiệp Indonesia, ong Sayid Muhadhar brei thau, taneh ia ini hu niêm phong taong abih dom container rác thải ba tame meng Bắc Mỹ saong châu Âu piah dut iek dom mẫu rác thải saong hu panuac lac Indonesia “oh lac, mblang nerak”.

# Hi Lạp saong Cộng hòa Síp meda pachreih dom gah pambak bruk saong Liên minh châu Âu taong phạt Thổ Nhĩ Kỳ, meyah mboh lac Thổ Nhĩ Kỳ daok peih bruk duah khí đốt di langiu tasik gah pai Cộng hòa Síp. Bruk duah mboh rilo năng lượng di gah timur Địa Trung Hải nyu ngak catang tagok bruk kandah gauk meng lavik mai di Thổ Nhĩ Kỳ saong Cộng hòa Síp. Kaoh pulao Sip njauk  cakak hadei di bruk đảo chính di dom urang Síp asal Hi Lạp di thun 1974, ba tal bruk Thổ Nhĩ Kỳ ba lin tame meblah mek meteh taneh gah Barah kaoh pulao ini saong padang "Cộng hòa gah barak pulao Síp". Yau nan min, mbiah tal urak ini dom taneh ia di dunya tok thau tal Cộng hòa Síp kayua urang asal  Hy Lạp khik ramik di gah Meraong./.