# Tui panuac khan meng Bộ Y tế, dalam tukvak meng bilan  11-2018 tal bilan 1-2019, Bộ Y tế padang 3 kapul pasang iek liên ngành piah taong yaom bruk brei adat ngak, pajeng ba, meyaih khan, dut iek, chứng nhận chất lượng, chứng nhận hợp quy, hợp chuẩn ngan haong janih pandap dược phẩm, mỹ phẩm, thực phẩm chức năng, jru cavao, vị thuốc y học cổ truyền di dom jabat. Tui bruk ba tabiak, dom kapul nyaom liên ngành hu nao pasang iek di 18 tỉnh, bal, dalam nan hu:  Hà Nội, TPHCM,  Cần Thơ, Đồng Tháp, Tây Ninh, Kiên Giang, Bà Rịa - Vũng Tàu.

# Meng akaok thun tal ini, dalam huyện Ninh Phước, tỉnh Ninh Thuận rah tabiak 23 sruh jit ngak brei 255 uranaih meng 1 tal 5 thun gaok ruak tangin takei cambuai (TCM), tagok 143 adei duk saong dom bilan ini thun 2017. Ini lac dom xã hu rilo bhapbini Chăm. Gah Y tế huyện Ninh Phước pambuak bruk saong UB bhapbini dom xã, ban sit samar langyah dom sruh jit plaih pambak tame libik bhapbini daok; pambuak bruk khang kajap saong dom libik, dom puk palei patagok bruk pathau khan, pacang caga saong langyah drah samal, siam lagaih dom uranaih gaok ruak.

 # Sở pato megru (GD-ĐT) TPHCM bahrau pambuak bruk haong Công ty TNHH MTV Thảo Cầm Viên Sài Gòn peih ngak danak dak tuk bac megru langiu sang bac pakat tiểu học thun 2018. Meng ilamu hu ngak blaoh di pakat trung học, Sở GD-ĐT TP daok meyaih khan saong pambak prong bruk ngak ini tal anek saih tiểu học ngan haong hatai caong khin palaghaih ka anek saih pambuak pagam lý thuyết bac megru dalam tapuk ngan haong dom hagait hu mboh dalam rai diuk. Cambaih laih, dom adei hu mong mboh di meta, rapeik meng tangin dom mẫu vật oh njauk lac tok bac bloh mboh  tapa thaot binguk, tapuk siphau, daong brei kanar hadar livik jang. 

# Di tỉnh Đồng Nai, Tổng cục Dân số - kế hoạch hóa gia đình (mintri Y tế) barau peih ginum biai saong pasram ngak  mô hình xã hội hóa pandap plaih metian, pren yava urang menek thun 2018. Meng akaok thun tal ini, menuac pandar pandap plaih metain dalam taneh ia hu labaih 76% (janih plaih metian barau hu labaih 65%). Ini lac kadha praong piah patrun bruk phá thai. Dalam ginum biai, dom urang jakar, urang pambauk bruk dân số dalam tỉnh Đồng Nai hu dom chuyên gia khan brei thau dom asal kadha, kỹ năng, pandap panda, piah pathau khan tal bhapbini dalam tỉnh ngak siam sarak dân số, kế hoạch hóa gia đình.

 # Pak sang bac Đại học Thủ Dầu Một (tỉnh Bình Dương), lambaok Bộ Nội vụ bahrau pambuak haong Ban jak ba padang Hiệp hội jaman Việt Nam brei thau Quyết định  padang Hiệp hội saman Việt Nam. Sa dalam dom bruk ngak prong di Hiệp hội nan lac pathau khan paglaong hatai sahneng padang ngak saman chuẩn; khan brei thau saong pandar dom jak jeng bahrau dalam gah khoa học kỹ thuật saong khik iek piah paglaong siam lagaih bruk pathau khan, khik ramik, bảo dưỡng saman...

Khaw tin dunya:

# Sa kapul urang alamu Anh saong Trung Quốc barau duah mboh lubang praong di khu tự trị bangsa Choang (Quảng Tây, Trung Quốc) saong caik angan lac Haiting. Tui kapul urang thám hiểm mai meng Hiệp hội Hang động Anh quốc saong Viện Địa chất đá vôi di Học viện Khoa học địa chất Trung Quốc, lubang ini praong 3,53 triệu m³ saong hu mbat praong jaik 77.600m², sumu 10 mblang caoh blong. Hadei di tuk bah 3D hang động, dom chuyên gia kuhria mboh, ini meda lac lubang praong ka 10 di dunya. 

 # Cảng hàng không dunya Moi di bal ine Mombasa di Kenya meda hu jeng mblang kapal haok akaok meti di Đông Phi hu vận hành taong abih meng hệ thống điện Aia harei. Taong abih hệ thống truac hadah, điều hòa, pabah mbang tự động, cầu thang máy, thang cuốn jeng hu nduac meng điện di mblang kapal haok hu pandar điện meng dom blah pin Aia harei. Piah pabak điện gam gam dalam tukvak  Aia harei trun atau  di tuk melam, sa hệ thống ắc quy công suất prong tự động kích hoạt piah peih tal tuk nguồn năng lượng meng dom blah pin Aia harei ngak bruk veik. 

# Dom urang khảo cổ Israel barau duah mboh rilo thaot binguk sarak kapal gilai saong anek athur di sa libik kuac duah di ban Be’er-Sheva gah meraong taneh ia ini. Dom thaot ini sarak angaok dom daning di sa danao padang ia praong saman La Mã, dalam  12m. Yaom lac dom jalan sarak nyu sabil tui thun bilan, min jeng daok mboh takik di abih dom thaot sarak di 13 sruh kapal, 1 thủy thủ saong dom thaot athur. Đặc điểm danao padang ia saong tal vữa trát brei mboh công trình ini meda hu ngak tabiak dalam thiên niên kỷ ka 1 atau ka 2 hadei Công nguyên saong meda duh ka bhapbini daok jaik di nan./.