#Mesup harei 16/9, di Cung Văn hóa lao động hữu nghị Việt Xô, Mban Chấp hành Trung ương Đảng, Quốc hội, akaok negar, Rajaei, Ủy ban Trung ương Mặt trận negar Việt Nam saong ban Hà Nội dang tabiak peih bruk pahadar 130 thun Harei menek akaok mban Thường trực Quốc hội Bùi Bằng Đoàn (19/9/1889 - 19/9/2019). Bruk pahadar meda hu mbaok di 1.000 urang lac dom urang pan akaok Đảng, Karja, UBMT negar Việt Nam, dom bộ, ban, ngành, kapul nyom di Trung ương saong ban Hà Nội…Ini lac tuk piah ka urang jakar, urang đảng saong bhap bini dalam taneh ia, abih di nyu nan lac rai dam dara, hadar tal saong pok paglaong 1 urang rai dahlau hadah krah di Đảng saong Karja. Bruk pahadar hu khan brei thau tapak angaok  riyak VOV1 di rayo sap ndem Viet Nam.

# Kuhria mbiah tal harei ini, bhum Đông Nam Bộ hu jaok 70% xã mke hu tanut chaun palei pala birau. Bhum taneran lraong Cửu Long  lac 44%. Njauk caik hatai lac di dua tỉnh Đồng Nai saong Bình Dương, taong abih dom xã jeng mek hu tanut chuan palei pal birau. Di Nyaom biai Kurhia iek veik  10 thun peih ngak danak dak  padang ngak palei pala birau di bhum Nam bộ saong bhum taneran kraong Cửu Long  rah tabiak di Bạc Liêu, Phó Thủ tướng Chính Phủ Vương Đình Huệ lac, Rajaei brei prabha pakat catang jang  ka karaj palei padang ngak dom tieu chí palei pala birau. Bruk padang ngak palei pala birau brei pataom tame ngak tui  jaln tacei ba “Urang ngak, palei pala, nong nghiep nong lac bruk brei ngak suai lavik, padang ngak palei pala birau  lac bruk can ban, salih birau  bruk ngak nong  lac bruk praong saong urang ong lac po di bruk ini.”

#  Tabiak meng bruk caong bac eng saong khik ramik sap bangsa Raglai, 2 anek saih sang bac bangsa gam bac gam daok Pinăng Tắc, huyện bhum ceik Bác Ái (tỉnh Ninh Thuận) lac Mai Vĩ Hào (bac tal 12A1) saong Pinăng Bảo (bac tal 12A2) hu duah thau, ngak tabiak hu phần mềm bac eng sap bangsa Raglai angaok phone tangin biak lagaih. Đề tài di 2 adei mek hu giải 3 bruk pakacah  “Sáng tạo dam dara – uraniah tỉnh Ninh Thuận mbang ka XIII thun 2019”.

 # Sa urang ngak praong di Công an tỉnh Bắc Ninh brei thua lac hu bruk sa uranaih kumei njauk var klaak angaok radaih oto taduan anek saih di harei 13/9. Tui nan, thau lac uranaih kumei umo 3 thun njauk var klaak luac 7 mong di radaih ôtô di sa sang khik ike uranaih kayua diuk asang ong H. di xã Minh Đạo, huyện Tiên Du ngak po. Hadei di dua harei iek ruak, uranaih kumei nan prein yava hu siam veik, hu taom gaok amaik ame.

# Dalam xã Quảng Sơn huyện Đắk G’long, tỉnh Đắk Nông bahrau rah tabiak bruk điện handaoh ngak ka 2 anek saih di sang bac THCS Hoàng Văn Thụ metai di labik. Sa adei karei patuah oh metai, urak ini daok hu cấp cứu di cơ sở y tế. Maong 9 melam 15/9, adei Mùa Thị Vênh (anek saih tal 9), Mùa Thị Chanh saong Mùa A Tuấn (bac tal 6) lac 3 adei sa-ai dalam sa baoh sang daok di bon Đắk S’Nao, ndik radaih patuh meng sang nao tal jaik sang bac piah bac. Tuk nao tal cây xăng 41 ye sa sruh radaih tải tuk peih gaok klaoh taleinjauk di tuk sruh radaih di 3 anek saih ini nduac tapa nan ye gam njauk talei điện klaoh, ngak brei 3 adei njauk điện handaoh labuh trun jalan. Tapa nan, adei Mùa Thị Vênh saong adei Mùa Thị Chanh metai di labik, adei Mùa A Tuấn hu mikva daok pak nan ba nao cấp cứu di bilai iek ruak jiak nan./.

Khaw tin dunya:

# Tuk subuh page 16/9 tui tukvak Viet Nam, di labik tây nam negar Cô-lôm-bi-a rah tabiak bruk kapal haok gaok bala trak, ngak brei takik abih 7 urang metai saong 3 urang njauk rambuac. Tuk kapal haok gaok bala, dalam haok hu pajeng 9 urang, dalam nan 7 urang metai, 2 urang njauk rambuac, dalam tuk nan hu sa uranaih karei daok main labik haok laik trun ngak njauk rambuac. Mbiah tal ini, gah padam apui khuah daok dauh jaln pacang menyek sre tabiak meng kapal haok nan.

# Tuk kuac rok mbat tasik lingiu tasik Mexico, dom urang khoa học mek tagok hu 1  bằng chứng địa chất biak gheih ka harei jhak abih dalam sajarah ka bruk diukrai angaok baoh taneh. Harei nan, 1 candaih patau biak praong ginuh tame baoh taneh, ngak brei metai abih janih khủng long saong 3/4 bruk diukrai karei angaok baoh taneh ini. Mẫu patau lac tal trầm tích daok pak pasak njauk candaih patau nan dalam harei camereip di bala nan. Trầm tích ini jeng pabak bằng chứng hóa học lac biến cố địa chất nan nyu juk par yaok ratuh tỷ tấn lưu huỳnh tapung tame langik, ba tal bilan brak di dunya, ngak ka nhiệt độ di dunya trun tal 1 độ C dalam yaok pluh thun.

  # Yaom lac Akok đặc khu hành chính Hong Kong, lac amuk Lâm Trịnh Nguyệt Nga harei 4/9 hu panuac lac brei mek veik dự luật dẫn độ ngak oh njauk gauk, rilo urang daok trun jalan saong iew karja brei ngak sumu 4 bruk caong khin daok veik. Dom bruk trun jalan dui atah mbuan ngak brei khu kinh tế đặc biệt nan laik tame kan kandah gah kinh te mbang camereip dalm 10 thun tapa./.