# Bruk ba tabiak jalan piah patagok logistics hu jeng gah ngak mbang praong oh lac di ban raya, bo daok lac di abih bhum, rik daong patrun yaom jien ngak logistics di Việt Nam daok 16% GDP di thun 2025 lac cuang kandah oh sit ngan saong TP.HCM. Nan lac bruk hu ba tabiak dalam ginum biai mbang akaok "Đề án patagok gah logistics di ban raya HCM tal thun 2025, pamaong tal thun 2030", kayua Sở Công thương TP.HCM peih tabiak di harei 17-9. Piah khik hu labaik dang akaok gah kinh tế di taneh ia, ye bruk ramik pasiam, jeng akok gah dịch vụ logistics, pambuak pagam hu dom bhum dalam taneh ia di tuk rilo janih pandap pablei tabiak negar lingiu di ban raya daok salih tapa dom tỉnh, ban karei, lac bruk njauk ngak. Kayua yau nan ye, taong yaom njauk bruk di gah logistics ban raya urak ini yau habar, daok di tanut halei, meng nan ba tabiak dom jalan padang ngak ban raya jeng dịch vụ logisctics pambuak pagam haong khu vực, lac bruk biak praong bo Viện roh duah saoang patagok logistics Việt Nam  daok ngak piah pabak ka dom jabat khik ramik di TPHCM.

          # VietnamWood 13 lac prang iek jamriak thiet bi duk ka gah ngak pandap meng kayau, meda rah tabiak meng 18 tal 21/9 di Pasak parang iek saong nyaom biai Sài Gòn  quận 7, TPHCM. VietnamWood 13 prang tabiak labaih 1.000 jamriak thiet bi birau di 483 đơn vị ba tame. Ini lac bruk lagaih piah taom gaok saong ndem biai nao mai di dom doanh nghiep grauk labik di dunya dalam bruk padang talei pambuak bruk saong jhul pakhang bruk cak rok patagok gah kayau saong gah ngak kayau Viet Nam. Dom cong nghe birau, rilo janih bo dunya daok pandar yau pandap công nghệ 4.0, pandar mac jamriah dalam bruk khik iek daong ka doanh nghiep Viet Nam palih ruah piah sumu bruk patagok di dunya; daong ka doanh nghiep langyah patagok bruk ngak tabiak di gah ngak kayau.

# Mesup 17/9, TAND tỉnh Đắk Nông peih mbang langyah sơ thẩm Phan Hữu Phượng, lac Phượng "râu" saong 23 urang karei ka bruk ngak suan dom adat khik caga glai saong khik ramik kaya glai, yar saong mbang hối lộ… Dom urang nan jeng daok dalam kapul kaoh mek saong pablei salih kayau suan hukum praong abih bo gah chức năng mboh hu di bilan 4/2018 di labik bein pakat negar Yók Đôn, tỉnh Đắk Lắk.

           # Sang iek ruak  Đa khoa tỉnh Yên Bái birau daong tapa truh kan kandah ka sa urang ruak njom vi khuẩn Whitmore (guýt mo). Ini lac sa dalam dom janih ruak njom mbak kan kndah biak takik mboh, mbuan metai ralo tuk njom ruak. Kuhria meng akok thun 2019 tal ini, dalam tỉnh Yên Bái  hu 6 urang ruak, dalam nan hu 4 urang metai.

# Mesup 17/9, 1 urang dang akaok sang iek ruak Lê Lợi, TP Vũng Tàu, tỉnh Bà Rịa – Vũng Tàu brei thau, maong 11 melam 16.9, Khoa cấp cứu sang iek ruak hu taduan 3 urang angaok rup hu rilo labik njauk rambus, medil lac njauk kanduh siu prah tame, Ini lac dom urang dalam bruk taong gauk di kapul menyum mbia di akaok jalan hẻm 53  Lê Hồng Phong, phường 7, TP Vũng Tàu haong kapul nao radaih ô tô bán tải mai pataok gah daih jalan. Kapul nao ô tô cuh rilo siu phao tame kapul daih bloh nduac nao. Công an TP Vũng Tàu pambuak bruk haong Phòng Cảnh sát hình sự Công an tỉnh Bà Rịa – Vũng Tàu daok duah thau saong duah chap mek dom urang pambuak tal bruk nan.

          Khaw tin dunya:

          # Thủ tướng Nhật Bả  Shinzo Abe sa mbang tra ndom lac cong khin peih bruk ginum biai song urang pal akaok  Triều Tiên Kim Jong-un bo oh ndok điều kiện hagait piah meda langyah bruk urang Nhật njauk  Triều Tiên chap mek . Dalam dom thun jiak di ni, Triều Tiên jeng tah klaak dom kham merat di  Nhật Bản ka bruk ieu langyah bruk urang  Nhật njauk Triều Tiên chap mek, song ndom lac bruk ni hu langyah bloh. Dalam tuk nan,  gah Nhật Bản hu ngak harak padang angan 17 urang  njauk chap mek dalam dom thun 70 song 80 di abhap dahlau, saong medil lac  Triều Tiên pambuak pagam tal dom bruk lahik menuac karei karei.

          # Brei panuac di tuk họp báo mesup 17-9, Akaok mintri ngak nong Hàn Quốc Kim Hyeon-soo brei thau, jaik 4 rabau drei pabui meda ba nao am cuh klaak.  Taneh ia ini bahrau tagok tanut cảnh báo ka jit ruak di athur raong tal tanut glaong di abih hadei di tuk jit tả pabui châu Phi mbang akaok meti tamuh tabiak di 1 trang trại raong pabui di Paju sa ban sit daok jaik bhum taphia negar haong Triều Tiên.

# Biến đổi khí hậu dok ngak kan kandah  tal  hệ sinh thái di Australia, ngak ka negar ni dak harei dak dang anak rilo kan kandah song mbuan hu bala. Hội đồng khí hậu bahrau ba tabiak harak pathau khan lac, biến đổi khí hậu dok ngak ka ia tasik tagok glong di labik gah brak Australia samar jang 2 mbang duh song dom labik karei karei di dunya, kan kandah tal bhum taneh dauh ia, lac thaot binguk di  mblang bein pakat negar Kakadu. Pathau khan hu ndom lac, kayua  nhiệt độ ia tasik tagok glong ngak ka janih kara kaduh hajao menek tabiak rilo anek binai jang anek tamo, ngak oh samu gauk piah khik ramik but pajaih./.