# Mesup harei  18/12/2018 (tui tuk vak Hà Nội), dalam bruk pilih ruah di mbang nyaom 73 di Đại hội đồng Liên hợp quốc rah tabiak di  New York, meng hu 157 dalam abih tih 193 phiếu, Việt Nam hu pok ngak thành viên Ủy ban Hukum pablei salih dunya di Liên hợp quốc (UNCITRAL) tuk vak  2019-2025. Ni lac mbang akaok meti hadei di rilo thun, bruk palih ruah thành viên Ủy ban Hukum pablei salih mại dunya di  Liên hợp quốc hu peih ngak tapa  plaik phiếu di  Đại hội đồng kayua hu rilo ứng cử viên jang dom khagaiy di nyaom  Châu Á- Thái Bình Dương song nyaom dom negar Tây Âu. 

# Melam 18/12, Festival padai brah Việt Nam mbang ka klau hu peih tabiak di tỉnh Long An. Tapa nan, mintri ngak nong saong patagok palei pala ba tabiak Logo angan negar brah Việt Nam. Logo angan brah Việt Nam lac jalan praong piah yam tal dak padang thaot binguk piah thau saong angan negar ka asar brah Việt Nam. Lingiu di bruk ba tabiak Logo angan brah Việt Nam, Festival padai brah  Việt Nam daok hu rilo danakdak, rilo bruk ngak karei, dalam nan  hu bruk pakacah "brah bingi angan Việt" atau dom nyaom biai ka brah hacih, biến đổi khí hậu saong cuang kandah patagok asar brah Việt Nam. Festival padai brah Việt Nam mbang ka klau meda dui atah tal harei 24/12.

# Akaok mintri pato megru  Phùng Xuân Nhạ bahrau hu panuac ka bruk  hiệu trưởng dâm ô anek saih likei di sang bac bangsa gam bac gam dok  Thanh Sơn, tỉnh Phú Thọ: "Meyah njauk yau harak pathau, bruk ni oh lac  ngak suan  quy định di urang gru pato saoh bo daok lac ngak suan hukum negar. Ngak suan hukum lac  njauk  xử lý  catang. Ngan song gru pato  njauk  xử lý khang, brei tabiak  truh gah pato pakai”. Urak ni, ong Đinh Bằng My, Akaok sang bac  bangsa gam bac gam dok Thanh Sơn njauk jabat công an chap kreih  piah duah thau bruk xâm hại tình dục yaok pluh anek saih likei. Tapa duah thau tuk camereip, dom anek saih likei  njauk ong ng My xâm hại tagok tal yaok pluh adei. Dalam nan hu dom adei njauk  ong My bhian ieu tame balik di drei piah xâm hại.

# Giải thưởng Sáng tạo ban raya HCM hu khan brei thau saong peih tabiak di harei 18/12. Giải thưởng mbang akaok meti hu ban raya HCM peih ngak hu alin labaih 7 nhóm gah. Giải thưởng Sáng tạo ban raya HCM piah pok meyaom dom jabat, kapul nyaom, doanh nghiệp saong menuac urang hu dom công trình roh duah, jalan ngak, pandap panda, dịch vụ sáng tạo saong hu dom jak jeng praong rik daong ka bruk patagok di ban raya. 

# Tui  Sở Lao động, Thương binh song  Xã hội tỉnh Ninh Thuận, meng akaok thun tal ni, tỉnh hu peih dom  mbang  giao dịch bruk ngak song  langyah brei thau bruk  xuất khẩu lao động ka jiak  5.400 urang ngak. Tui kuhria tal puac thun ni Dự kiến hu ba labaih  175  urang nao ngak bruk di negar langiu. Gam song nan,  tỉnh jeng hu BA bruk ngak BAHRAU ka jiak 14.000 urang ngak. Bruk ba menuac nao ngak bruk di negar langiu urak ni dok lac jalan nao bahrau ka urang ngak di tỉnh Ninh Thuận. Urang ngak nao ngak bruk di negar langiu gam duah hu bruk ngak, gam dong ka dom boh sang kan hu jalan patruh eik patrun kanthaot  

Khaw tin dunya

# Urang jakar Bra-xin (Brazil) brei thau, di ban Ri-ô Đơ Gia-nê-rô (Rio de Janeiro) barau rah tabiak sa mbang khuah khang di sa sang mac hakang menyek. Gah chức năng hu drah samal ba menuac nao padam khuah saong doang urang njauk bala. Lambaok Công ty Ri-phít (Refit), gah peih ngak sang mac halang menyek nan brei thau, yaom lac mbang khuah oh ngak metai menuac min ngak khut trak cơ sở vật chất jeng yau sản lượng ngak tabiak di sang mac di tukvak tal.

#Thủ tướng Anh  Thê-rê-sa Mây bahrau hu kadha ndom puac camereip abih  anak  Nghị viện meng di tuk nao ngak bruk  “oh hu jak jeng hadom ” di Brúcxen di puac adit bloh. Sa mbang tra muk njauk duah jalan “patrun pandiak ka dom akaok pandiak” di jabat  lập pháp ni . Tui urang pal akaok negar Anh, rilo ghị sĩ cong khin  muk ba tabiak qjalan ngak biak samar. Kayua Yau nan ye, muk song dom  cộng sự hu hatai khin pambuak veik dom bruk ginum biai di  Nghị viện ka dự thảo thỏa thuận Brexit dalam adit meng di harei 7/1/2019 song peih bruk plaik  phiếu dalam adit hadei di nan. 

# Tui Thời báo New York,  anek likei di Thủ tướng Israel, akaok mintri Ngoại giao, akoak mintri Quốc phòng, akaok mintri Di trú saong akaok mintri Y tế Benjamin Netanyahu, njauk pakauk sa tukvak katut angaok Facebook hadei di tuk saai ini - Yair Netanyahu ba tagok rilo kadha vak ba tal tranh cãi angaok facebook di adit dahlau. Sa dalam dom kadha vak di drei, saai ini ndom lac hòa bình oh daok di Israel ka tal tuk dom urang Hồi giáo daok hu mbaok di ini. Facebook phản ứng veik meng bruk pakauk Yair dalam 24 tuk. Hadei di nan, Yair hu panuac cagar veik angaok Twitter meng bruk ieu Facebook lac "chế độ độc tài di tâm trí". Dom kadha vak angaok Facebook di Yair oh daok mbaoh kuhria meng harei 17/12./.