# Page harei 19/11, Quốc hội ginum biai di hội trường ka dự án Hukum Thi hành án hình sự (pasiam veik). Ralo urang QH sangka tal bruk khik kajap quyền saong lợi ích njauk adat hukum di uranaih umo ala 36 bilan lac anek di phạm nhân tuk daok haong ame, amaik dalam GUK. Tui urang QH mboh lac: jalan ngak di dự thảo hukum oh ka laghaih ngan haong lợi ích siam di abih brei ka uranaih; oh ka khik hu dom quyền di dom adei. Uranaih njauk hu bruk sangka biak karei, abih di nyu nan lac khik njauk tui quy định di Hukum uranaih. Njauk mek lợi ích di uranaih nan lac bruk dang akaok. Uranaih ala 36 bilan biak caong hu amaik piah iek glang kayua YAU nan ye tuk  phạm nhân lac urang kamei hu quyền tạm hoãn thi hành án piah raong anek sit…. 

        # Jeng dalam nyaom biai beir harei 19/11, rilo  urang  Quốc hội plaik phiếu njauk hatai, Quốc hội hu brei tapa  Hukum pala drak song hukum rong glang. Hukum pala drak hu Quốc hội brei tapa song  455/461 urang  Quốc hội hu mbaok njauk hatai (meblah  93,81% tong abih urang Quốc hội). Hukum pala drak hu 7 chương song 85 Paka , quy định meng bruk pala drak  quyền song  nghĩa vụ di kapul nyaom, urang ngak bruk pala drak, khik ramik karja meng bruk pala drak . Meng hukum rong glang  hu Quốc hội brei tapa song 93,61% tong abih urang Quốc hội njaku hatai. Hukum hu  8 chương, 83 paka, quy định meng bruk rong glang; quyền song nghĩa vụ di kapul nyaom, urang dalam bruk rong glang, khik ramik karja meng bruk rong glang. 2 Hukum, hukum pala drak song hukum rong glang hu batabiak pandar meng harei  1/1/2020.

# Piah daong bhum urang bangsa takik cakrok patagok bruk ngak mbang pala drak, meng akaok thun tal ini, tỉnh Bình Phước hu parabha ka 10 xã di dom huyện yaom jien 50 tỷ đồng, piah peih prong jalan mbak nao mai, công trình thủy lợi, phương tiện pala drak…

  # Patui mbang nao rivang pakat karja tal Việt Nam meng harei 18-21/11 tui panuac daa di Tổng Bí thư Đảng Cộng sản Việt Nam, akaok negar  Nguyễn Phú Trọng, mesup 19-11, Tổng thống negar Cộng hòa Ấn Độ, Ram Nath Kovind song haduik di ong nao rivang muinyim sarak Chăm Đà Nẵng. Mmuinyim sarak Chăm Đà Nẵng urak ni hu jiak hu  2.000 pandap. Muinyim ni bhian duah pataom, khik piah, parang iek dom pandap sarak di vương quốc Chăm Pa duah mboh di dom bimaong, kalan, thành lũy Chăm di bhum duyên hải Nam Trung bộ song dom tỉnh Tây Nguyên.

# Page harei 19-11, dom gah chức năng di tỉnh Đồng Nai sraong mek hu blaoh 26 tấn axit clohydric angaok gilai karam di bến thủy nội địa Nhất Nam (phường An Bình, TP Biên Hòa, tỉnh Đồng Nai). Tui nan, hadei di bala rah tabiak, sang mac máy hóa chất Biên Hòa hu brei radaih bồn njuk mek axit clohydric (HCl) angaok dom bình nhựa janih 5.000 lít tagok. Urak ini taong abih 26 tấn HCl hu njuk mek tagok abih. Thuyền trưởng Võ Văn Bé (umo 45 thun, daok di Cà Mau), brei thau dom hóa chất karam nan lac axit loảng, hu ngak meng sara, pandar piah xử lý aia dalam dom danao raong hadang.

       Khaw tin dunya

# Tui kuhria mboh di Văn phòng Thống kê Hàn Quốc bahrau brei thau, thun 2018, sản lượng brah di Hàn Quốc trun beir di abih kuhria dalam jiak  40 thun tapa. Pagap yau thun ni, Hàn Quốc pablei tabiak 3,86 triệu tấn brah, trun 2,6% dut song tanut 3,97 triệu tấn di thun 2017. ni lac tanut beir di abih kuhria meng thun 1980 tuk sản lượng brah di negar ni bahrau hu 3,55 triệu tấn. Jeng tui số liệu thun 2018, abih tih taneh ngak padai hu pala ngak di Hàn Quốc lac 737.673ha, trun 2,3% dut song thun dahlau.

# Tui taong yaom di Jabat Năng lượng dunya (IEA), khí cuh tự nhiên meda yam tapa dhang patau hu jeng nguồn năng lượng prong ka 2 dunya hadei di xăng menyek dalam thun 2030 kayua bruk kham merat cakak trun ô nhiễm không khí saong bruk patagok pandarkhí tự nhiên hóa lỏng (LNG). IEA brei thau, bruk caong pandar năng lượng angaok dunya meda tagok labaih 1/4, meng thun 2017 tal thun 2040, meyah pandar năng lượng hu siam lagaih jang, min meda tagok dua mbang meyah oh pandar hu siam lagaih. Bruk pandar khí cuh (toàn cầu) di dunya meda tagok 1,6% sa thun tal thun 2040 saong meda glaong jang tanut urak ini jaik 45%. Dom taong yaom ini di IEA hu kuhria tal dom adat hukum saong sarak di dom negar piah patrun khí thải saong pacang cakak biến đổi khí hậu.

    # Hãng ngak ô tô Volkswagen (VW) khan lac meda buh jien tal 44 tỷ  EUR (labaih  50 tỷ USD) tame janih radeih saat jang, thông minh jang ka  harei anak tal piah mek veik angan je hadei di bruk  bê bối pagam tal gian lận khí thải. Tui  Volkswagen, dalam  5 thun tal, tal puac thun 2023, VW meda buh jien tabiak jiak  44 tỷ EUR ka ô tô điện dalam harei anak tal, meda peih eng, dịch vụ di chuyển bahrau song hu số hóa. Dalam chiến lược bahrau, VW meda ba  2 nhà máy dok ngak bruk di  Đức jeng dây chuyền ngak ô tô điện, meng thun 2022, lingiu di nan, hãng daok kuhria peih sa sang mac karei di sa labik  oh ka thau di  Đông Âu./.