# Hadei di labaih 1 harei palih ruah angaok blah AFF Suzuki Cup, mboh lac mbang payeng rup dit volley di Phan Văn Đức dalam jayah 3-0 di tuyển Việt Nam anak Campuchia di  vòng bảng hu dang dhi 1. Bruk dit volley nan di  Phan Văn Đức taduan hu 18.325 phiếu, meblah jiak 76 % tong abih phiếu. Dang patui di  Văn Đức lac  Nguyễn Anh Đức. Nan lac mbang palieng rup  dit volley ba tal bàn thắng dalam mbang chung kết lượt về angaok mblang  Mỹ Đình, taduan hu  4.917 phiếu, meblah labaih  21%. Di  AFF Cup 2018, Phan Văn Đức dok lac  cầu thủ hu pha kiến tạo rilo abih  giải lac 4 mbang, gam song  2 bàn thắng ka tuyển Việt Nam. Phong độ  di tiền đạo umo 22 thun palei Nghệ An hu rik dong  biak rilo ka chức vô địch mbang ka  2 di gah dit blong Việt Nam dalam khu vực.

# Dom gah chức năng di huyện Tuy An, tỉnh Phú Yên barau ngak thủ tục jao brei pandap lạ hu thaot binguk dreih yau ngư lôi hu sarak akhar Trung Quốc ka Hải quân Việt Nam. Vật thể ini kayua urang ngak ikan Trần Minh Thanh, umo 40 thun daok di xã An Hải, huyện Tuy An duah mboh harei 18/12 tuk daok nao giã cào atah di ar tasik jaik 4 hải lý. Ông Thanh hu dui vật thể ini tame libik cù lao Mái Nhà blaoh khan ka gah chức năng thau. Vật thể ini hình trụ, atah jaik 6,8m; đường kính 54cm; gah akaok hluk hasit, sambo cam. Gah iku hu dua seok kandik đường kính 39cm, dreih yau takai ada kapal gilai. 

# Harei  20/12,  harei ngak bruk ka  2 di Nyaom biai Ban chấp hành Trung ương Hội Liên hiệp urang kamei Việt Nam mbang ka 5 -khóa XII,  di Cần Thơ. Di nyaom biai , muk Nguyễn Thị Thu Hà - Akaok Hội Liên hiệp urang kamei Việt Nam brei thau, dom bruk ba tabiak ngan song urang kamei nan lac bạo lực, xâm hại ngan song urang kamei di cư dok hu xã hội caik hatai sangka.. Dalam nyaom biai hu rah tabiak  bruk mbaoh tangin tame harak Thỏa thuận khung pambuak bruk di Hội Lhurang kemei  Việt Nam song jabat di LHQ ka bruk paglong quyền năng ka urang kamei saong  bình đẳng giới tuk vak 2019-2020 piah tapa nan  pataom tame 03 kadha prong lac: lahik abih bruk tong phaoh urang kamei,  paglong quyền năng kinh tế ka urang kamei, patrun patakik khat lahik meng bala di langik tasik song thích ứng biến đổi khí hậu hu  trách nhiệm giới.

# Thun 2018, baoh sang kathaot dalam huyện Bác Ái, tỉnh Ninh Thuận trun hu gac 5%, tok daok labaih 40%. Meng phun jien danakdak 30a saong 135 di rajaei, danakadak bruk ngak negar padang ngak palei pala barau, huyện brei buh jien tame ngak dahlau jalan  nội đồng, kraong ribong, daong pala drak, patagok dom mô hình kinh tế ka urang bhapbini, piah ba jalan ngak ka siam bruk patruh eik patrun kathaot samal saong kajap.

# Dalam tuk meng Côn Đảo mai  Vũng Tàu harei 18/12, thuyền trưởng kapan ikan BV 98869 TS Võ Quốc Trường duah mboh sa  vật thể sambo katam seik di angaok tasik atah di kapan sa  hải lý. Mboh camlaik saai brei kapan talap veik pasang iek ye mboh hu  10 thuyền viên urang negar langiu dok kua phao cứu sinh ieu dong. Mboh yau nan, saai song dom thuyền viên angaok kapan ikan samar dui 10 thuyền viên negar langiu tagok kapan, bloh pathau khan ka jabat chức năng pak ni. Urak ni pren yava di dom thuyền viên negar langiu hu tani tanat

Khaw tin dunya

# Công tố viên trưởng di Braxin Ra-kên Đót (Raquel Dodge) barau buộc tội Tổng thống daok ngak lac Mi-chen Te-mơ (Michel Temer) ngan saong tội danh tham nhũng saong rao jien. Panuac ini ba tabiak meng jabat công tố viên trưởng Ra-kên Đót brei thau, bruk ini hu meng sa mbang pasang iek, duah thau tham nhũng pambuak tal dom dự án cảng tasik Braxin. Tổng thống Te-mơ, urang njauk tabiak truh bruk meng harei 01/01/2019, daok njauk điều tra ngan saong panuac lac taduan mek hối lộ piah ba tabiak sa sắc lệnh di thun 2017 brei adat ka dua dự án cảng tasik hu dui atah tal 70 thun. 

# Thượng viện Mỹ bahrau brei tapa  1 dự luật kadung jien karja katut harei dong ka rajaei daok hu ngak tal harei  08/02/2019 bo oh njauk kreih pambah mbang di harei 21/12 tui kuhria. Tui dự luật ni , hu ba tabiak meng urang pal akaok rilo di Thượng viện Mích Mác Co-nen (Mitch McConnel) rajaei hu pabak jien padai piah ngak bruk. Tổng thống Đô-nan Trăm (Donald Trump) meda hu kadung jien ka  an ninh tapen negar tui tanut urak ni,  dok pok jien 5 tỷ đô la bo ong Đô-nan Trăm caong hu ka bruk padang ngak daneing tapen negar  Mê-hi-cô oh meda hu dalam dự luật kadung jien katut harei ni./.

# Đại hội đồng Liên hợp quốc barau brei tapa Hiệp ước di cư toàn cầu, piah paglaong bruk pambuak gauk di dunya caga bruk khủng hoảng di cư daok patagok. Mỹ, Ixraen, Hungary, Cộng hòa Séc saong Ba Lan hu buh phiếu cagar veik Hiệp ước oh ràng buộc ini. Dalam mbang buh phiếu harei 19/12 di Đại hội đồng Liên hợp quốc, Hiệp ước di cư toàn cầu hu brei tapa ngan saong 152 phiếu pachreih tui, 12 phiếu saoh saong 24 taneh ia oh buh phiếu./.