# Thủ tướng rajaei  Nguyễn Xuân Phúc bahrau taom gaok Tổng thống Ấn Độ Ram Nát Cô-vin (Ram Nath Kovind) tuk Tổng thống mai rivang pakat karja tal Việt Nam. 2 gah njauk gauk brei patui jalan pambuak bruk khang kajap song dong ba gauk di dom diễn đàn khu vực song dunya, abih di nyu nan lac dalam dom bruk di Liên hợp quốc. daok bruk Biển Đông, 2 gah njauk gauk ka yaom glaong di bruk sron mbon tani tanat, siam mekre,  an ninh song  tự do hàng hải hong hàng không, langyah siam mekre dom bruk  meriak gauk, iek prong hukum dunya, dalam nan hu  Công ước di  Liên hợp quốc ka hukum tasik 1982 (UNCLOS), samar ngak salah  Bộ Quy tắc ứng xử di dom gah di  Biển Đông (COC) siam lagaih song pambuak gauk.

# Hadei di 9 harei ngak bruk, page 21/11, Tòa án bhapbini tỉnh Phú Thọ salah bruk tangi sua salih tapa bruk luận tội ngan saong 92 bị cáo ka 6 tội: peih bruk mein bạc, mein bạc, pambak tame quyền hạn dalam tuk ngak bruk, Rao jien, pablei salih suan hukum hóa đơn. Tapa tangi sua di tòa, hu 89/92 bị cáo khai njauk saong dom chứng cứ haong tội danh hu dalam cáo trạng. Daok 3 bị cáo oh ka taduan atau taduan meneing bruk phạm tội di drei, ye bị cáo Lê Thị Lan Thanh oh taduan tội “peih mein bạc”, tok taduan tội “pablei salih hóa đơn suan hukum”; Phan Văn Vĩnh khai lac tok cố ý gián tiếp, nan lac tok kurang trách nhiệm”; Nguyễn Thanh Hóa ndom nao ndom mai piah plaih tội. Ngan saong 3 bị cáo ini, VKS meda ba tabiak luận cứ tame phần nhận xét.

# Pahadar harei dunya urang halan hatain 5/12 song pachreih tui bruk halan hatain bilan  Đông – Xuân 2018 kayua Hội  Liên hiệp dam dara  Việt Nam peih ngak, thun ni danak dak  "Pambuak pagam boh hatai halan hatain  thun 2018" hu rah tabiak di 2 xã An Hải song  Phước Hải, huyện Ninh Phước, tỉnh Ninh Thuận meng harei  30/11 tal  2/12/2018. Danak dak hu rilo bruk hu peih ngak yau :: padang sang  anit ranam, truac hadah jalan palei, peih mblang main uranaih, jao pandap ka sang kan kandah, jao pok jien bac, radeih juak, pandap panda ka dom adei uranaih, hadiah tu tapuk, alin komputer, máy in ka  xã đoàn,…

# Tuvak jaik 20 tuk, harei 20/11, angaok jalan Nguyễn Bình, di khu phố 6, phường Phú Lợi, ban sit Thủ Dầu Một, tỉnh Bình Dương dom trinh sát di Công an ban sit Thủ Dầu Một mek hu Nguyễn Tấn Thành, 28 thun daok di Bình Dương daok padauk ma túy dalam ndon bảo hiểm. Pasang iek drah samal, gah công an duah mboh Thành padauk 155 asar jru lắc, sa kadung ni lông hu caik ma túy đá. Công an ban sit Thủ Dầu Một daok duah thau ngak cambaih bruk.

 # Sở pajeng ba ban raya.HCM bahrau pok panuac tagok  UBND TP brei adat pah 100 camera pasang iek giao thông thun 2019 piah peih prong mạng lưới camera di ban raya, khik ramik  an ninh trật tự, an toàn giao thông. Tui kuhria  yaom jien pah 100 camera thun 2019 lac  2,5 tỉ đồng (dalam nan hu  jien pasiam veik, bảo trì tong abih hệ thống). Pok jien pah meng kadung jien khik ramik  trật tự an toàn giao thông. Tong abih dom bruk meng tuk peih ngak pabak, pasiam veik hệ thống camera pasang iek giao thông kayua pasak khik ramik jalan krong ribong Sài Gòn ngak po. Anak panuac likau ni, UBND TP hu tacei pato Sở Tài chính dang tabiak daong ka  UBND TP parabha pok jien khik ramik  trật tự an toàn giao thông piah peih ngak bruk ni.

Khaw tin dunya

# Brei panuac di tuk pahadar harei dunya palahik bruk taong paoh urang kumei, Tổng Thư ký Liên hợp quốc (LHQ) A.Guterres ndom lac: taong paoh urang kumei saong adei kumei lac bruk kurang iek praong saong oh taduan quyền likei kumei samu gauk di urang kumei”. Harei dunya palahik bruk taong paoh urang kumei hu LHQ pahadar yaok thun di harei 25-11. Thun ini, bruk ini hu angan ieu lac “ njauk cih sambo màu cam ka dunya: njauk pang dahlak” hu peih tabiak meng 16 harei ngan saong rilo bruk ngak siam lagaih kayua LHQ ba tabiak piah ieu menuac urang di dom gah karei ba gauk kham merat ba gauk tame palahik bruk taong paoh urang kumei saong uraniah kumei.

 # Dalam sa pathau khan hu UNESCO ba tabiak di ban ine  Berlin negr  Đức harei 20-11, brei thau lac  dalam  2 hun kuhria meng di harei  brei tapa  Tuyên bố New York ka Urang tị nạn song  Di cư thun  2016, urang tị nạn klaak nao  1,5 tỷ harei tal sang bac . Tổng giám đốc UNESCO Audrey Azoulay hu panuac ieu khol drei njauk ngak pakhang meng di tuk ni piah mesruh pacang ka dom khat lahik dalam bruk pato megru bo urang di cư song urang tị nạn dok njauk taduan../.

#Sa mbang patuh ruak rubella di grauk labik dalam taneh ia Nhật Bản daok ngak ka urang mboh duh hatai. Dom urang jakar hu panuac ieu menuac urang klauk vaccine piah pacang cakak jit. Dom urang ruak rubella dalam taneh ia tagok meng 19 urang di Tokyo, Chiba saong Aichi dalam bilan 7 tagok 1.884 urang urak ini di rilotỉnh, ban. Karja ban saong dom công ty hu klauk jru brei saoh. Bilan dahlau, pasak pasang iek saong pacang caga jit ruak Hoa Kỳ (CDC) hu tagok tanut cảnh báo rubella tagok tanut glaong ka dua dalam cảnh báo klau pakat di CDC. Dom urang Mỹ dahlau si nao tal Nhật Bản njauk hu klauk jru caga saong kakei urang kumei metian oh nao tal Nhật Bản dalam tukvak patuh jit. /.