# Di ban raya HCM, Phó akaok negar  Đặng Thị Ngọc Thịnh bahrau nao rivang taduan yhut Tổng Liên hội Hội thánh Tin Lành Việt Nam (gah merong), song  Mục sư, Hội trưởng Thái Phước Trường tuk uan Giáng sinh 2018 song  Tết dương lịch 2019. Lambaok dom chức sắc song mik va tín đồ, Mục sư Thái Phước Trường, Hội trưởng Hội thánh Tin Lành Việt Nam (gah merong)  bui sambai uan raok Phó Chủ tịch negar  mai rivang taduan yhut Giáng sinh. Mục sư Thái Phước Trường brei thau, mik va tín đồ jang yau dom giáo phẩm, chức sắc daok ngak siam tui adat hukum negar, duik rai siam, jum pataom haong dom agama, dom bangsa.

# Meda hu 4 sruh kapal haok ba 1.000 urang ngak ngak bruk siam nao sang mbang Tết 2019. Nan lac bruk di danak dak kayua Tổng Công ty Cổ phần Bia-alak-ia giải khát Sài Gòn Sabeco pambuak bruk saong kapul nyaom, mban khik ramik dom Khu chế xuất khu công nghiệp dalam ban raya HCM, Bình Dương saong Đồng Nai peih ngak. Hu thau, bruk pilih ruah urang ngak hu peih ngak cambaih laih tal dom kapul nyaom, mban khik ramik dom khu chế xuất, khu công nghiệp di dom tỉnh, ban nan meng akaok bilan 12 thun 2018. Bruk ini daok hu peih ngak tal bilan 1 thun 2019 piah ngak ka nyu blaoh dom thủ tục dahlau di tuk kapal ahaok par ba 1.000 urang ngak nao palei mbang Tết di harei 1/2/2019, lac harei 27 bilan Mat saka ia bulan.

# Công an tỉnh Bà Rịa-Vũng Tàu pambuak bruk song dom  gah nghiệp vụ mintri Công an bahrau chap hu  dom urang  Trung Quốc hu  dấu hiệu phạm tội pandar  công nghệ glong di ban  Vũng Tàu. Dahlau di nan,  harei 19/12, Công an tỉnh Bà Rịa-Vũng Tàu pambuak bruk song mintri Công an ba labaih 100 urang jakar chiến sĩ nao pasang iek di  4 labik, lac  3 biệt thự song  1 khách sạn dalam  phường 1, phường 2, ban  Vũng Tàu. Gah  chức năng chap hu  22 urang negar langiu  dalam nan hu 20  urang likei, 2 urang kamei  quốc tịch Trung Quốc dok pandar rilo jamriak, pandap điện tử ngak bruk  phạm tội công nghệ glong, song dom urang Việt Nam daok daong bruk phiên dịch. Di dom labik nan, jabat  công an chap mek hu  41 bộ máy tính bàn, 13 laptop, 1 bộ máy đọc thẻ, 33 thẻ ngân hàng kayua gilang pariak  Trung Quốc patabiak  song  200 vỏ thẻ ngân hàng trắng, labaih  650 triệu đồng Việt Nam, 100 USD, 8.500 nhân dân tệ.

#"Thắm mãi màu xanh" lac asal kadha parang iek rup thaot salam uan bruk pahadar 74 thun dak padang bol bala bhapbini Việt Nam (22/12/1944 - 22/12/2018) saong 29 thun harei Quốc phòng toàn dân (22/12/1989 - 22/12/2018) kayua kalup kapul Nhiếp ảnh Chiến sĩ, Hội Nhiếp ảnh ban raya Hồ Chí Minh pambuak bruk saong miunyim Quân khu 7 peih ngak. Labaih 100 thaot binguk di 63 tác giả urak ini daok hu parang iek. Ini jeng lac dom blah rup thaot kheih, brei mboh bruk kheih siam di dom urang lin Quân khu 7, Phòng không - không quân, Hải quân, Quân đoàn 4 saong dom libik di mintri Quốc phòng dalam dom bruk pasram, caga mesruh metak, bruk daoh tamia, patagok pala drak. Parang iek dui atah tal harei 31/12.

# Meng 2 trận hòa song 6 trận thắng di AFF Suzuki Cup 2018, kapul  dit blong Việt Nam daok hu mbaok di  top 100 angaok  bảng xếp hạng FIFA bilan 12 thun 2018. Dalam tuk nan Philippines song Thái Lan jeng dok dalam  top 3 Đông Nam Á. Tuk ni, kapul  Việt Nam klaak atah  2 kapul Philippines song Thái Lan lac  16 song 18 bậc… Di top 5 oh hu bruk salih karei halei . Dang akaok jeng lac kapul negar  Bỉ, hadei di nan lac Pháp, Brazil, Croatia, Anh. Dalam mbang  cập nhật patui di nan, bảng xếp hạng FIFA meda hu rilo salih bahrau jang kayua Asian Cup 2019 hu peih tabiak meng harei 5/1/2019.

Khaw tin dunya

# Di ban ine Vientiane (Lào), jabat Tùy viên Quốc phòng Việt Nam di Lào hu peih ngak praong prang bruk pahadar 74 thun harei padang bol bala bhapbini Việt Nam (22-12-1944 - 22-12-2018). Tapa nan, Đại tá Tào Văn Thái, Tùy viên Quốc phòng Việt Nam di Lào ndom lac, bol bala bhapbini Việt Nam meng bhapbini Việt Nam bo tabiak, kayua bhapbini bo duh. Luac 74 thun tapa, tui bruk pan akaok ba jalan di Đảng CSVN, bol bala bhapbini Việt Nam oh padheih jak jeng saong praong tagok.

# Triều Tiên bahrau hu panuac lac oh tuk halei eng drei klaak vũ khí hạt nhân meyah  Mỹ oh klaak bruk đe dọa hạt nhân dahlau. Tổng thống Mỹ Đô-nan Trăm song urang pal akaok Triều Tiên Kim Châng-un (Kim Jong-un) hu tabiak  tuyên bố chung hadei di mbang ginum biai dak rai di bilan  6 di  Xinh-ga-po lac, Triều Tiên halan hatain phi hạt nhân hóa taong abih,  song  Mỹ njauk khik caga an ninh ka Triều Tiên. Min , hãng Thông tấn Trung ương Triều Tiên harei 20/12  hu ndom veik  lập trường ka  phi hạt nhân hóa song  ndom lac Mỹ nao suan jalan  dom  hagait mek hu  dalam thỏa thuận hadei di mbang taom gaok pakat glong Mỹ - Triều Tiên di  Xinh-ga-po di bilan 6.

# Quốc hội Đan Mạch barau phê chuẩn bruk khik kareik tội phạm taneh ia lingiu angaok sa pulao kaoh sit. Tui nan, rajaei taneh ia ini hu tabiak bruk ba 100 tội phạm taneh ia lingiu, lac dom phạm nhân oh meda ba nao taneh ia di dom urang nan hu, kayua dang anak bruk mbuan gaok tra tấn atau pametai pak negar di urang nan di sa baoh pulao kaoh sit hu angan  Lin-hôm (Lindholm), atah di takai tasik labaih 3 ki-lô-mét. Dom phạm nhân meda tabiak truh pulao tuk harei min brei khan ka gah chức trách libik dom urang nan nao tal saong gilac mai pulao di tuk melam. Dahlau di nan, pulao Lin-hôm hu pandar ngak libik roh duah jit kum pabui, ruak dại saong dom ruak njaom mbak karei. Libik ini jeng hu sa lò hỏa táng./.