# Mesup  23/11, di  huyện Hóc Môn, Thành uỷ, Hội đồng bhap bini , Ủy ban Nhân dân, Uỷ ban Mặt trận negar  Việt Nam ban raya HCM peih bruk CUH gilau, pok bingu song taom gaok pahadar 78 thun  harei  Nam Kỳ khởi nghĩa (23/11/1940 – 23/11/2018).  Dom urang nan hu mai cuh gilau, pok bingu hadar dom liệt sĩ di  khu Di tích dak rai ilamu Ngã Ba Giồng (xã Xuân Thới Thượng, huyện Hóc Môn). Ni lac labik  bo mik va  Hóc Môn - 18 palei  bein hala gam  song  Chợ Lớn, Gia Ðịnh, Sài Gòn brok tagok di melam  22 saboh mesup  23-11-1940 dalam bruk  khởi nghĩa Nam kỳ lịch sử. Ngã Ba Giồng jeng lac labik  thực dân Pháp xử bắn bí mật dom urang lac:  Nguyễn Văn Cừ, Phan Đăng Lưu, Nguyễn Thị Minh Khai song rilo rahra, chiến sĩ cách mạng kiên trung hu mbaok  tame bruk khởi nghĩa Nam kỳ. Bruk khởi nghĩa Nam Kỳ hu caik veik rilo ilamu ka bruk Tổng Khởi nghĩa bilan 8/1945 song rilo yaom glong dak rai ka bruk  cách mạng suai lavik di Đảng song bhpa bini drei./. 

         # Di Hà Nội, Pasak parang iek ilimo nghệ thuật Việt Nam barau peih parang iek “Không gian inem krung ilimo Việt Nam thun 2018”. Ini lac sa dalam dom kadha praong di rilo bruk salam uan harei inem krung ilimo Việt Nam (23/11) hu peih ngak dalam klau harei meng harei 23 tal 25-11. Bruk ini piah yaih khan, pok je dom yaom inem krung ilimo kheih mekre di Việt Nam, abih di nyu nan lac dom inem krung ilimo Việt Nam hu UNESCO công nhận; paglaong akaok sahneng, trách nhiệm di bhapbini dalam bruk khik ramik saong patagok yaom inem krung ilimo bangsa. Tabhia nan, yaih khan tiềm năng ilimo, pablei salih saong du lịch, pambuak pagam patagok du lịch inem krung khang kajap di dom bhum palei...

# Ban raya  HCM tabiak bruk oh brei tabiak tasik meng  13 tuk harei  23/11, oh brei kapan gaiy  peih nduac di angaok tasikn, tapen tasik anak bruk rah tabiak ribuk  ka 9. Huyện Cần Giờ samar ieu kapan gaiy pataok labik siam mekre song hu jalan pacang cakak sang danaok ka bhap bini . mBan tacei jalan pacang caga ribuk ban raya pathau khan ka po kapan thau ka ribuk ka 9  piah hu jalan plaih nyaih, samar ramik caga dom kapan gaiy dok pataok di  bến hu siam mekre anak ribuk, oh brei menuac daok angaok kapal gilai , lồng bè, chòi canh, labik rong pala kaya ikan angaok tasik, tapen tasik.

# Anak bruk ribuk ka 9 meda tuh tame tỉnh, Sở ngak nong saong patagok palei pala, Công ty Khai thác Công trình thủy lợi Bình Thuận saong dom puk palei hu danao padang ia peih bruk pasang iek, ba tabiak jalan pandar danao padang ia siam, dalam nan sangka tal bruk chủ động parabha ia, pandar danao padang, patrun patakik jhak tal tính mạng, drap ar di bhapbini bhum gah ala công trình.

# Dok di Ninh Thuận, piah pacang caga ribuk  9, UBND tỉnh hu tacei pato catang oh brei kapan gaiy tabiak tasik tong chap di angaok tasik meng di 10tuk  harei  23-11. Khang hatai oh caik ka urang halei dok veik angaok gaiy, pandap panda tong chap ikan, lồng bè rong pala kaya ikan song khan  brei dom kapan gaiy dok taong chap kaya ikan  angaok tasik thau piah pataok di labik siam mekre dok dalam song langiu  tỉnh. UBND tỉnh jeng hu tacei kapul  xung kích samar jak ba ,dong ka boh sang dok tapen tasik  chằng chống sang danaok piah patrun khat lihik tuk ribuk tuh tame.

  Khaw tin dunya

# Libik beir bách thảo Hoàng gia Kew dane angan di ban ine  London - Anh daok chreih chrai kuhria caga uan raok bilan Giáng sinh saong thun barau. Hu trang hoàng meng labaih 1 triệu bóng đèn rilo sambo màu, beir bách thảo Kew jenghadah tanyak dalam melam sup. Lac sa dalam dom libik beir thực vật danei angan abih di dunya, beir Hoàng gia Kew di Anh hu brei thau lac inem krung dunya di UNESCO. Tapa yaok ratuh thun patagok, libik beir hoàng gia Kew meng labik lac pataom mek saong parang iek thực vật piah giải trí, hu patagok jeng libik roh duah ứng dụng ka gah thực vật học saong kinh tế.

  #Urang karja Ý ndom lac dhar  Mạng xã hội Facebook di negar ni meda bayar labaih  100 triệu euro (samu 114 triệu USD). Thỏa thuận ni piah tamat bruk kamlah gauk pagam tal bruk pasang iek, duah thau ka jien je kayua  dom  cảnh sát jien ndua  peih ngak tui panuac di  công tố viên Milan ka bruk ngak mbang di Facebook tuk vak  2010-2016.

# Jit kum pabui châu Phi daok pambak tal Bắc Kinh (Trung Quốc). Mintri ngak nong saong palei pala Trung Quốc brei thau, 49 drei pabui dalam abih tih labaih 1.350 drei di sa trang trại di ban sit Thanh Long Hồ, Bắc Kinh metai kayua kum pabui châu Phi. Lingiu di nan, 37 drei pabui dalam abih tih labaih 400 drei di ban sit Lưu Li Hà di  Bắc Kinh jeng metai kayua gaok ruak ini. Karja palei hu peih bruk pruh jru pametai anek ruak saong pacang labik piah caga bruk pambak tame di jit ruak. Urak ini jeng oh ka hu jru iek ruak atau vắc-xin pacang caga jit ruak saong jalan ngak duy nhất lac pacang cakak jit ruak pambak praong, plaih gaok tal tapol athur raong./.