# Mesup harei 24/12,  jabat lambaok Rayo sap ndom VN ieu lac(VOV) daok di ban raya HCM peih bruk pahadar 30 thun padang tabiak saong peih pakak baoh sang praong VOV di labik ka  7, jalan Nguyễn Thị Minh Khai. Mai pataom mbaok, hu phaok akaok negar - amuk Đặng Thị Ngọc Thịnh; Tổng Giám đốc VOV Nguyễn Thế Kỷ saong rilo mban, ngành Trung ương, tỉnh, ban, urang dang akaok Quân khu 7, urang dang akaok Cảnh sát biển saong dom urang pan akaok dom jabat di VOV, urang dahlau daih pan akaok, urag jakar, urang ngak dalam VOV di dom saman. Brei panuac di tuk pahadar, ong Trần Văn Thao – Urang pan akaok jabat lambaok VOV di ban raya HCM brei thau: 30 thun tapa, Jabat lambaok VOV di ban raya HCM taduan hu bruk sangka, daong ba di urang pan akaok Rayo, di dom mban, ngành, kapul nyaom ban raya HCM saong dom tỉnh ban dalam khu vực, kayua yau nan ye, jabat lambaok rayo sap ndom Việt Nam di TPHCM ngak hu siam bruk hu jao brei. 30 thun, jalan pambuak bruk, par atah di jabat lambaok rayo sap ndom VN di ban raya HCM hu caik veik di bhum taneh gah meraong rilo inem mek praong, glaong…Gam saong bruk patagok khang kadang di dom jabat dalam VOV, 30 thun tapa, jabat lambaok VOV di TPHCM saong Đông Nam Bộ dak harei dak praong tagok saong khang kajap.

 #Akaok mintri  Lao động - Thương binh song Xã hội bahrau pok tagok akaok negar  pasang iek, lin pandap ka urang hu buh pren yava ka  cách mạng dalam tuk Tết Nguyên đán Kỷ Hợi 2019.Tui panuac caong di mintri  Lao động - Thương binh song Xã hội, pandap alin brei hu parabha jeng 2 tanut 400.000 đồng song 200.000 đồng. Tui kuhria, tong abih tih jien brei pandap lac labaih 362 tỷ đồng.

# Uan harei Giáng sinh 2018 di urang công giáo di Tòa Giám mục Phan Thiết saong dom chánh xứ dalam tỉnh Bình Thuận,  Đại tá Trần Văn Toản, Giám đốc Công an tỉnh lambaok Công an tỉnh hu mai ravang, alin pandap saong tadhau ayuh bhap bini. Ong Giám đốc Công an tỉnh caong lac, dom giáo xứ, dom chức sắc Công giáo patui jalan jak ba, pathau khan mikva giáo dân ngak siam sarak di Đảng, hkum di Karja, hu mbaok tame khik ramik an ninh trật tự, patagok ilamu anit taneh ia, diukrai siam ka dunya, mekre ka agama, gom saong karja palei rik pren tame dak padang taneh ia dak harei dak siam mekre, kaya meda.

# Sa mbang jaleih labik dok padang ngak  rah tabiak di labik  197, jalan  Điện Biên Phủ, Phường 6, Quận 3, TPHCM di mesup harei  24/12 ngak ka sa urang metai song  2 urang karei njauk rambuac. Tui nan, tukvak 1 tuk harei nan, menuac urang dok jiek labik padang ngak  nan mehit sap khang rah tabiak. Menuac urang nduac tabiak ye mboh 3 urang ngak njauk rambuac di ala  công trình njauk ba nao cấp cứu. Dalam nan hu sa urang metai kayua njauk rambuac biak trak. Urak ni bruk nan dok hu jabat , chức năng pasang iek duah thau, ngak brei cambaih laih.

#Yaok rituh phun kruac bung Diễn hu asal meng Hưng Yên, Hà Nội… hu rilo cửa hàng, nhà vườn TP.HCM blei mai chưng pablei tết hu yaom meng dom triệu tal yaok pluh triệu đồng yaok phun. Tui nan, janih phun sit di abih pablei yaom labaih 8 triệu đồng saong janih praong yaom meng 50-65 triệu đồng yaok phun, glaong meng 2-4m. Thun ini, kruac bung pala njauk nan ye hu biak rilo, lingiu di mbang 1 blei tame labaih 50 chậu, tui kuhria, cửa hàng daok blei tame sa mbang tra dalam dom harei tal piah pabak ka bruk blei chưng tết di bhap bini.

Khaw tin dunya

 Khaw tin dunya 

 #  Takik di abih  280 urang metai, labaih  1.000 urang karei njauk rambuac  song yaok pluh urang lahik lac dom khat lihik bahrau di abih di mbang riyah khang di takai tasik  Xun-đa (Sunda) di Inđônêxia rah tabiak di melam  22/12 meng bloh. Dalam tuk bruk pasiam veik dom khat lihik oh ka salah bloh song gaok rilo kan kandah, ye rilo chuyên gia dunya hu panuac khan lac,  taneh ia palao kaoh Đông Nam Á ni dok dang anak dom mbang riyak karei karei. 

# Oh lac kreik pabah mbang tal abih harei giáng sinh, bruk oh njauk gauk gah kadung jien karja di dom Thượng nghị sĩ đảng Dân chủ saong Nhà Trắng meda ngak ka sa binah Rajaei liên bang padeih ngak bruk tal mbang nyaom bahrau di Quốc hội Mỹ rah tabiak harei 3/1 anak tal. Bruk nan hu quyền Chánh văn phòng Nhà Trắng Mích Mun-va-nây (Mick Mulvaney), sa dalam dom trợ lý thân cận haong Tổng thống Mỹ Đô-nan Trăm (Donal Trump) khan brei báo giới thau di harei 23/12 , tapa nan nyu pambak khang tal darak pasar jien padai. Di mbang giao dịch, chỉ số chứng khoán châu Á - Thái Bình Dương MSCI di Nhật Bản lahik 0,38% dalam tuk rilo chỉ số chứng khoán Ô-xtrây-li-a lahik 0,2%.

# Menuk cuh lac pandap mbang gam song  harei Giáng sinh di Nhật Bản song jeng lac tuk vak dom  cửa hàng menuk cuh  KFC dok ngak mbang hu abih dalam thun  . Bruk meng kan mai ni  hu meng di thun1974 tuk angan je  menuk cuh  KFC peih sa  chiến dịch yaih khan hu angan lac  "Kentucky for Christmas" (Kentucky ka harei  Giáng sinh) di Nhật Bản. Bruk urang  Nhật xếp hàng anak dom cửa hàng KFC jeng sa bruk yaok harei. Rilo boh sang dok đặt hàng dahlau piah  khik caga mbang pandap menuk cuh dalam harei  Giáng sinh. Tui kuhria hu labaih  3,6 triệu boh sang  Nhật Bản blei menuk cuh  meng angan pandap mbang samar  Mỹ piah patui bruk meng kan ni./.