# Dalam dom thun anak tal, Việt Nam dang anak rilo bala meng lingik tasik, tui kuhria khat lihik tal 2,7% GDP song  39 triệu urang  Việt Nam gaok kan kandah. Ni lac panuac hu ba tabiak khan brei thau di Diễn đàn  “Khoa học công nghệ  piah pacang cakak bala di Việt Nam” kayua Viện Hàn lâm Khoa học song công nghệ peih ngak bahrau rah tabiak di Hà Nội. Tui kuhria dalam  20 thun tapa, yaok thun bala ngak ka labaih 400 urang metai song lahik, khut khat pandap panda meng 1- 1,5% GDP song kan kandah tal  môi trường, rai duik, jang yau dom bruk  kinh tế- xã hội, pambak khang tal bruk patagok khang kajap di taneh ia.

# Meng hadei di mbang áp thấp nhiệt đới barau blaoh, libik takai tasik tapeng vịnh Mũi Né, tỉnh Bình Thuận ruốc tabiak bak tapal. Tui urang ngak iakn pak ini, anek ruốc di vịnh Mũi Né hu luac thun. Min, ini lac tukvak ruốc tame ar rilo abih kayua gaok bilan angin Brak. Bilan ini, ruốc praong hu urang blei nao pambu thu piah pablei tabiak taneh ia lingiu. Gam taong mek hu rilo ruốc gam pablei hu yaom, urang ngak ikan mek jien tame yaok triệu đồng yaok harei sa urang.

# Piah pabak bruk nao mai di tuai damuai dalam tuk Tết Dương lịch 2019, langiu di dom radeih pasei urak ni dok peih di angaok jalan pasei  Bắc Nam, Công ty Cổ phần pajeng ba jalan pasei Sài Gòn daok peih pabak  32 radeih  nao mai: Sài Gòn - Phan Thiết, Nha Trang, Quy Nhơn, Quảng Ngãi dalam dom harei  meng harei 27/12/2018 tal 01/01/2019, abih tih hu jiak  14.500 labik dok. Langiu di nan, meyah bruk nao mai di tuai damuai tagok glong, công ty meda peih pabak  radeih piah duh ka tuai damuai.Tuai damuai blei harak meda truy cập tame blah  website:  www.dsvn.vn; www.vetau.com.vn piah đặt vé atau pambuak bruk song dom  nhà ga, dom labik pablei vé, dom labik pablei vé radeih pasei, tapa  ứng dụng ví điện từ Momo, ứng dụng ViettelPay, tổng đài pablei vé (di Sài Gòn): 19001520. 

      # Dalam dom thun tapa, Cà Mau hu daong pato bruk ka 2.300 urang ngak lac bhapbini bangsa takik ngan saong jien buh tame ngak jaik 7 tỷ đồng haong ba brei bruk ngak ka labaih 2.700 urang ngak. Tui UB bhapbini tỉnh Cà Mau, urak ini, di dom libik dalam bhum bhapbini bangsa takik tỷ lệ sang kathaot, jaik si kathaot glaong. Rilo meng lac dom sang dalam bhum bhapbini bangsa takik oh hu bruk ngak tani tanat, trình độ dân trí bair. Kayua kurang jien, kurang pandap sản xuất yau nan ye bruk patruh kathaot daok kurang kajap saong mbuan si kathaot veik biak glaong. Yau nan ye, daong pato bruk ka urang dam dara bangsa bhum ceik lac bruk ngak dahlau di tỉnh di tukvak tal.

# “Gheih mekre lan ar meng kan”  lac angan di mbang parang iek lan ar bahrau hu peih tabiak di Muinyim Mỹ thuật Đà Nẵng, tỉnh Quảng Nam. Parang iek hu yaih khan tal bhap bini 100 pandap lan am gheih mekre yau: klaok cur, nậm lak, hũ gốm tráng men, panyim lan tráng men, đĩa gốm Chu Đậu... hu sambo men biak gheih, biak bahrau di dom  urang sưu tập lac: Nguyễn Đình Bằng, Trương Hoài Tuyên, Phạm Phú Khánh, Ngô Hữu Toàn song  Nguyễn Ngọc Ẩn. Jaik abih dom pandap lan am di mbang parang iek hu duah pataom di bhum taneh gah kreih negar song gah merong,  Việt Nam tuk vak  Chăm-pa mbiah tal puac abhap  XIX.

     Khaw tin dunya

     # Rajaei Pháp ba tabiak bruk lac tagok jang labaih 16 mbang jien học phí ka sinh viên dunya di taneh ia ini piah pasiam gah "xuất khẩu giáo dục". Meyah njauk bayan 170 Euro yaok thun ye sinh viên EU, urak ini sinh viên dunya njauk bayan jaik 2.800 Euro. Sinh viên bac thạc sĩ saong  tiến sĩ njauk bayan 3.800 Euro. Paok jien mek tame hu caik piah pabak tame 14.000 paok jien bac. Pháp caong lac tal thun 2027 meda pachreih 150.000 anek saih lingiu EU mai Pháp. 

 # Cảnh sát Thái Lan bahrau chap mek hu 500 kilôgram cần sa di angaok sa sruh radeih  tải gaok bala di angaok jalan  di tỉnh Khỏn Kên (Khon Kaen) negar ni. Urang peih radeih tải nduac klaak . Cảnh sát dok hu khik sa điện thoại di động, 1 kadung jien  song  4 bằng lái xe ja angaok sruh radeih gaok bala. Dom urang jakar dok medhi lac urang peih radeih  tải ni dok kham merat pajeng  cần sa suan hukum tal labik sản xuất, pablei salih ma túy di  Khỏn Kên (Khon Kaen)- tỉnh dok jiak tapen negar Lào.

# Google ba tabiak dom sarak barau ka quảng cáo chính trị dahlau di pilih ruah Nghị viện châu Âu 2019. Dom urang jak ba pilih ruah saong urang halei caong quảng cáo pambuak tal chính trị njauk nộp hồ sơ tagok Google. Tuk taduan mek hu xác nhận di Google, urang pandar barau meda bayan jien piah đăng quảng cáo. Dom hãng công nghệ praong ye: Facebook, Google saong Ủy ban châu Âu hu njauk hatai gauk ka sa bộ quy tắc ứng xử, dalam nan sanya xử lý tin tức ja, pacang cakak bruk jhak tal dom mbang pilih ruah./.