# Meng akaok thun 2018 mbiah tal ini, hu labaih 1.000 menuac tut angan alin mô, tạng saong hiến xác di baha Giác Ngộ (TP.HCM) saong baha Pháp Vân (Hà Nội). Dalam nan, hu rilo sang abih menuac dalam sang jeng halan hatian tut angan. Tapa 5 thun, bruk ngak nan jak ba hu labaih 2.600 urang tut angan tame. Pasak Điều phối ghép tạng Quốc gia, Quỹ Đạo Phật Ngày Nay hu peih bruk tut angan alin mô tạng daong menuac saong hiến xác ka y học di baha Giác Ngộ, TP.HCM. Ini lac bruk ngak piah ieu urang halan hatian tut angan alin brei mô tạng piah daong dui atah bruk diukrai di dunya ka yaok rabau urang ruak dalam taneh ia.

# Di 7 tuk page harei 25/12, dalam tuk daok ngak bruk, sa trung tá trưởng công an xã Tiến Lợi, ban Phan Thiết gaok klauk metai. Urak ini, dom urang kluak menuac nan oh ka thau hu angan, umo thun saong gaok cap mek, pak tuk nan, urang ini klauk rup drei eng. Hadei di tuk hu ba tame sang iek ruak Đa khoa tỉnh Bình Thuận piah cấp cứu, urang ini metai kayua inem klauk biak dalam. Gah chức năng tỉnh Bình Thuận daok duah thau bruk ini.

# Urang dang akaok Pasak y tế dự phòng tỉnh Đồng Nai brei thau: harei 5/1/2019 anak tal, dalam tỉnh meda peih bruk klauk vaccine 5 dalam 1 Combe Five ka uraniah. Ini lac janih vaccine salih ka vaccine 5 dalam 1 Quin Vaxem. Mbang klauk jru camereip meng harei 5/1 tal harei 10/1/2019 di 171 bilai y tế xã, phường, ban sit di 11 huyện, ban sit Long Khánh, TP.Biên Hòa saong sang iek ruak uraniah Đồng Nai. Bhap bini njauk tui iek, tui pang panuac khan di dom các xã, phường, thị trấn piah ba anek di drei nao klauk jru njauk tukvak ba tabiak.

# Piah daong ka urang ngak duah hu jien mek bair di ban raya HCM hu nao palei mbang tết Nguyên đán, page harei 25/12, Công ty cổ phần Harak radaih lap brei thau, hu peih pablei 500.000 harak radaih yaom lap ka tuk Tết 2019 di website VeXeRe.com.  Thun ini dom harak radaih hu pablei avar saong rilo jang duk saong thun dahlau, bruk daong ka urang duah hu jien bair thun ini hu mbaok di labaih 500 hãng radaih, di grauk 1.200 canah jalan gam saong hệ thống đặt vé trực tuyến mbuan lagaih.

# Pasak kuhria mboh dahlau bruk caong hu menuac ngak saong darak pasar urang ngak ban raya Hồ Chí Minh (Falmi) brei thau, tui kuhria, thun 2019, TP HCM caong hu 320.000 bruk ngak, dalam nan hu 130.000 labik ngak bahrau. Bruk caong hu urang ngak dom bruk marketing, pablei pandap, tiếp thị - parang iek pandap, dịch vụ du lịch - nhà hàng - khách sạn, tiếp thị sản phẩm, yaih khan, đóng gói pandap mbang saong pandap pandar, roh duah darak pasar, padang ngak, pasiam điện, cơ khí, daong bruk sang, iek glang phun cảnh, jao pandap samar, urang khik iek… meda tagok glaong dalam bilan 1-2019 saong bilan 2-2019.

Khaw tin dunya

# Mintri Phòng vệ Nhật Bản brei thau, mintri ini hu ba tagok rajaei Nhật Bản bruk paglaong thun padheih hưu ka urang jakar kapul Phòng vệ (SDF) piah caga bruk kurang urang ngak urak ini. Urak ini, thun padheih hưu di urang jakar kapul Phòng vệ lac meng 53 tal 56 thun tui cấp bậc. Mintri kuhria paglaong thun padheih hưu tagok dua thun dalam 10 thun tal. Bruk nan hu ba tabiak dalam tuk dom urang dalam umo thun meng 18 tal 26 di Nhật Bản dak harei dak trun. Ini lac umo thun ginup tiêu chuẩn tut angan tame kapul Phòng vệ.

# 5 thợ mỏ metai hadei di tuk gar dalam sa bala mỏ than di gah Tây Bắc tỉnh Thiểm Tây di Trung Quốc harei 24/12.Tui karja pak nan, bala rah tabiak di sa mỏ than daok di ban Diên An kayua Công ty khai thác mỏ Hoa Long ngak po. Hadei di tuk bala rah tabiak, gah cứu hộ kham merat daong urang njauk bala. Tapa duah thau mboh lac, bala nan kayua patuh khí ga.

# Ban ine Bangkok, Thái Lan barau rah tapa dom harei nerak không khí trak, karja ban ini njauk pandar dom jalan ngak katut tukvak piah pasiam bruk nan. Tui nan, karja Bangkok hu brei pandar phao pruh hơi ia di dom libik njom nerak trak. Dom mbaik phao pruh ia ini meda pruh ia glaong tal 30m. Ini lac mbang akaok mereip dom pandap ini hu pandar./.