# Festival padai brah Việt Nam mbang ka 3 hu peih tabiak di  Long An meng harei 18/12 tal 24/12 ngan saong kadha  “bruk ngak nong, urang nong, palei pala patagok khang kajap”. Festival Padai brah lac sa bruk ngak prong di Kapul urang nong Việt Nam pakat negar song dom tỉnh ban piah dong ka urang nong meng pajaih padai, ilamu pala drak, công nghệ khik piah, chế biến. Ngan song labaih 1.000 gian hàng yaih khan pandap panda, tacei pato ilamu  kỹ thuật di  Festival, urang nong, hợp tác xã ngak nong song dom doanh nghiệp sit song mbiah hu mboh, hu thau saong pambuak bruk. Dalam dom bruk di festival, mbang akaok mereip dom gah chức năng brei thau logo angan pablei salih brah Việt Nam piah pandar KA brah pablei dalam taneh ia saong pablei tabiak negar lingiu; peih nyaom pakacah “Brah bingi angan je Việt” palih tabiak dom pajaih padai siam di abih.  

# Sa asal kadha njauk caik hatai ka bhapbini dom bangsa takik hu caong khin duah bruk ngak di taneh ia lingiu, lac: Thái Lan daok pilih ruah saong taduan urang ngak Việt Nam nao ngak bruk taong cap ikan saong dak padang. Ini lac dua bruk ngak meng tangin takai tok caong hu pren yava, oh huac glaih glar. Urak ini, Cục Quản lý urang ngak lingiu taneh ia daok tacei pato cambaih bruk ba urang ngak nao ngak bruk di Thái Lan. Dom doanh nghiệp hu harak adat ngak bruk ba urang ngak nao ngak di taneh ia lingiu jeng meda ba urang ngak nao ngak bruk di Thái Lan saong tut angan pambuak bruk di Cục Quản lý urang ngak lingiu taneh ia tui adat hukum.

# Hadei di tuk pandar TAND tỉnh Thái Nguyên payua tong abih  hồ sơ gốc pagam tal  bruk tài xế container ginuh tame radeih ôtô Inova nao kadun likuk di angaok jalan cao tốc bo menuac sia dok caik hatai sangka piah pasang iek, Chánh án TAND tối cao Nguyễn Hòa Bình brei thau lac meda peih mbang ngak bruk song dom jabat tố tụng song dom chuyên gia piah tong yaom veik bruk bo tòa Thái Nguyên bahrau  tuyên án.

# Đồng Nai barau hu gilac sa doanh nghiệp lingiu taneh ia oh bayan jien bilan saong dom janih jien karei ka urang ngak, dalam tuk po doanh nghiệp oh taom gaok hu. Nan lac Công ty TNHH Cho Won hu jabat ngak bruk di libik công nghiệp jhik pet Nhơn Trạch, huyện Nhơn Trạch. Công ty ini hu labaih  40 urang ngak, chuyên ngak halăm katak. Meng harei 22/10, ông Kim Dae Gun (43 thun, quốc tịch Hàn Quốc), po  doanh nghiệp tabiak truh công ty saong khan lac nao ngak bruk di taneh ia lingiu. Hadei di nan, menuac khik iek bruk sản xuất lac urang Hàn Quốc jeng tabiak truh công ty. Tapa pasang iek, gah chức năng mboh lac thau  Công ty Cho Won daok tavak sraiy jien bilan công nhân 2 bilan, bilan 9 saong bilan 10; sraiy bảo hiểm xã hội 120 triệu đồng, sraiy gilang pariak 23 tỷ đồng saong dom paok jien karei karei.

  # Kapul khik ramik drak pasa 12 (di  Cục QLTT TPHCM) pambuak bruk song gah pasang iek, hu mboh di jalan  TL19, khu phố 3, phường Thạnh Lộc, quận 12, TPHCM hu biak rilo  mỹ phẩm  vak  “Made in Thailand”. Min tuk  quét mã QR meng điện thoại di angaok dom klaoh  mỹ phẩm oh  mboh  thông tin pandap panda. DOM Pandap ni meda hu ba tabiak pablei di drak pasa tamuh eng, dom  khu công nghiệp hu rilo urang ngak.  Meng akaok bilan 11  tal ni, , QLTT TP hu pasang iek, duah  mboh  yaok pluh  mbang pablei salih khan aow thời trang, camin meta thời trang ja mek angan dom angan je praong, abih tih lac  jiak  4.000 sản phẩm.

# Đội CSGT Công an quận 2, ban raya HCM barau tabiak bruk taong phạt ngak suan hành chính di ông Đào Minh Thành (35 thun daok ngak bruk di sa công ty karja di quận 2) 14,7 triệu đồng ka rilo bruk ngak suan tuk ndik radaih angaok jalan. Cambaih laih,  ông Thành gaok taong phạt dom bruk ngak suan ye: nyuk kadet hamiet di libik bhapbini daok, radaih oh ưu tiên min lắp đặt pandar tín hiệu ưu tiên, oh hu tut angan radaih, oh hu kiểm định radaih, oh hu bảo hiểm radaih. Dahlau di nan, harei 20-10, mạng xã hội ba tagok sa clip brei mboh ôtô biển số hijao 80B-3758 daok nduac saong hụ còi ưu tiên sron sing angaok jalan Nguyễn Duy Trinh (Q.2).

  Khaw tin dunya:

# Urang nong Mỹ dok duah labik pablei ratak đậu nành kayua  gaok kan kandah ka labik pablei meng bruk mesruh gauk gah pablei salih song Trung Quốc. Dom mblang taneh ngak nong biak siam di gah pai  Dakotas dok yam tame bialn paik ratak đậu nành. Dahlau deih urang nong oh duh hatai ka bruk pablei tabiak, min thun INI, Trung Quốc padeih blei yau nan ye ratak pambuk glong yau ceik. Tui kuhria mboh bahrau abih di dom  liên bang brei thau, tal kreik bilan 10, đậu nành di  Mỹ pablei tapa Trung Quốc trun  94% dut song gtuk vak ni thun dahlau . Rilo urang nong dok duah jalan ba tapa Ấn Độ, min drak pasa ni oh mbuan si tame yau  Trung Quốc.

# Sa gu takhok kim cương yaom jien tagok tal 30 triệu nhân dân tệ (sumu jaik 4,35 triệu đôla Mỹ) jeng bruk njauk caik hatai tuk barau tabiak mbaok di Nyaom darak dunya nhập khẩu Trung Quốc 2018 (CIIE 2018)  daok rah tabiak di Thượng Hải, Trung Quốc. Rup takhok hu ngak meng 4 asar kim cương praong 1 ca-ra (carat) gam saong 10 rabau  asar kim cương hồng praong abih tih jaik 300 ca-ra. Tukvak thiết kế saong ngak gu takhok  ini dui atah dalam dua thun. Takhok hu thiết kế meng Jim-mi Chu (Jimmy Choo Yeang Keat), urang gam padang tabiak angan takhok danei angan dunya Jim-mi Chu.

   # Hadei di  157 harei caluai di tasik, saai Ross Edgley, umo 33 thun  hu jeng urang akaok mereip caluai tom dar negar  Anh song jalan atah  2.865km. Tabiak Nao meng ban sit  Kent  harei  1-6, luac dalam  5 bilan, Ross Edgley oh ka yam takai tagok thu  . Yaok harei , saai hu sa tuk vak padeih padei di angaok kapan  hadei di tuk caluai dalam 6 tuk. Dalam bilan  4-2016, urang  thám hiểm ni ngak hu bruk ndik tapa talei  thừng atah abih di dunya, lac 8.848m, samu haong độ glaong di  ceik  Everest./.