# Mesup 8/11, hu  447 dalam 450 urang QH hu mbaok njauk hatai, meblah 92,16%, Quốc hội hu biểu quyết brei tapa sarak ka bruk patagok kinh tế - xã hội thun 2019. Sarak ba tabiak jalan ngak di tong abih gah, patui jalan tani tanat kinh tế vĩ mô, pacang lạm phát, paglaong năng suất, chất lượng, siam lagaih, tính tự chủ song pren meriak gauk di nền kinh tế; patom tame ngak pasiam bruk đầu tư, pablei salih, jhul patagok kinh tế; ngak brei salih bahrau jang dalam bruk peih ngak dom đột phá chiến lược, rami ramik veik nền kinh tế pambuak song salih bahrau mô hình patagok; jhul khang salih bahrau sáng tạo, ba pandar ilamu khoa học, công nghệ bahrau  song ba pandar hu siam lagaih  bruk  Cách mạng công nghiệp mbang ka 4.

# Piah paglaong chất lượng prein menuac di kapul urang ngak bhum bangsa takik saong bhum veik, anak tal, rajaei daok quy hoạch, peih praong dom sang bac Phổ thông bangsa gam daok gam bac, sang bac Phổ thông bangsa bán trú; daong jien bac, daong brah ka dom adei lac sang bhapbini bangsa takik kathoat piah hu bac da-a, paglaong ilamu. Taong yaom bruk ngak di dom sang bac pato bruk ka anek kamuan urang bangsa takik piah hu jalan ramik veik ka yu lagaih, tui jalan lac bac bruk pambuak pagam haong duah bruk ngak. Drah samal ba tagok rajaei, Thủ tướng rajaei quyết định patabiak  2 Đề án ka pato pakai Tiến sỹ, Thạc sỹ ka urang bangsa takik meng kadung jien karja saong Cơ chế đặc thù pilih ruah urang jakar bangsa takik ngak bruk di bhum bangsa takik saong bhum ceik.

# Tui pathau khan di pasak  Y tế dự phòng ban raya HCM, ruak pandiak tabiak drah jeng dok dalam tuk vak tabung glong. Anak meta mboh lac bruk  taong phạt ngak suan gah pacang caga pandiak tabiak drah jeng oh ka hu peih ngak khang di dom puk, palei. Tal Urak ni jeng dok  5 quận, huyện oh ka peih bruk  taong phạt vi phạm hành chính dom bruk ngak suan caik tamuh tabiak lăng quăng, palagaih ka jamuk nyu caih. Taphia di nan,  jit ruak sởi jeng dok tagok khang, yaok adit hu 60 mbang urang njauk ruak, rilo meng lac uranaih, dalam nan hu labaih 62% uranaih oh hu klauk jru tui danak dak  klauk jru peih prong. Dalam bilan 11 ni, ban raya hu peih  bruk klauk sởi – rubella tui bruk ba tabiak di mintri y tế.

# Yaom bei java Vĩnh Long – hu maong lac labik pala bei java pablei tabiak taneh ia lingiu praong abih di bhum taneran kraong CL urak ini tok daok jaik 200 rabau đồng/sa tạ, bair di abih kuhria meng dahlau mai ini. Pandap ngak tabiak oh hu labik pablei, oh lac urang nong gaok khat lihik bo dom doanh nghiệp blei bei pablei tabiak taneh ia lingiu di Vĩnh Long jeng gaok kan kandah. Rah tui canah jalan meng ban sit Bình Minh nao tal huyện Bình Tân dom cơ sở blei bei tuh pambuk bak  kho min oh pablei tabiak taneh ia lingiu. Rilo sang bhapbini daok kuhria tal bruk salih phun pala karei hu jien mek tame glaong jang.

# Mesup 8/11, Nyaom drak pasa dunya Trang sức Việt Nam mbang ka 27 (Vietnam International Jewelry Fair 2018) hu peih tabiak di  Nhà thi đấu Phú Thọ, TPHCM. Nyaom drak pasa dui atah tal harei  12/11, kayua Công ty Trách nhiệm hữu hạn Một thành viên meh pariak  đá quý Sài Gòn- SJC peih ngak. Thun ni, nyaom drak pasa palih ruah  55 doanh nghiệp song 240 gian hàng hu mbaok tame, 30%  doanh nghiệp song gian hàng lac di negar langiu . Nyaom drak pasa  oh lac parang iek saong pablei pandap  trang sức stui yaom ưu đãi tagok tal 30% bo dok yaih khan rilo công nghệ, jamriak bahrau  duh ka  bruk  ngak meh pariak.

Khaw tin dunya

  # Jabat pambuak bruk saong patagok Kinh tế (OECD) barau ini tabiak panuac brei thau dahlau lac, dom siêu vi khuẩn pacang kháng sinh meda pametai jaik 2,4 triệu urang bhapbini di grauk châu Âu, Bắc Mỹ saong Ô-xtrây-li-a di thun 2050, meyah dom bruk hạn chế oh hu peih ngak drah samal. Tui OECD, urang bhapbini njauk peih ngak dom bruk hạn chế rah tabiak bruk siêu vi khuẩn pacang jru ye rao hacih, cak hatai dalam bruk pandar kháng sinh “quá liều”. Jabat ini daok brei thau lac, piah caga dom mbang pacang kháng sinh di 33 taneh ia njauk hu sa paok jien ngak tagok tal 3,5 tỷ đôla Mỹ yaok thun.

# Sa harei hadei di tuk  đảng Dân chủ mek hu  quyền kiểm soát Hạ viện Mỹ, muk  Nan-xi Pê-lô-xi (Nancy Pelosi) daok kham merat piah jeng  Chủ tịch Hạ viện Mỹ khóa bahrau. Muk Pê-lô-xi hu payua sa blah  thư tal dom  Hạ nghị sỹ dok ngak song bahrau  đắc cử di  đảng Dân chủ,  ieu dom urang nan pachreih tui bruk kham merat di muk  .

     #Gah chức năng Australia njauk ngak pablat baoh sa sruh radaih apui pajeng rilo quặng pasay nduac haong tốc độ glaong 200 km/h angaok canah jlaan 92km tapa bhum Pilbara dalam tuk oh hu urang peih. Blah Guardian (Anh) brei thau radaih apui ini nduac eng hadei di tuk urang peih tabiak truh akaok radaih apui piah pasang iek. Yaom lac oh hu menuac urang halei njauk hagait, min sruh radaih apui pajeng quặng pasay ini khut tayah rilo hadei di bruk nan./.