Jeng yau bangsa Thai, raklaiy khèn bè tuk halei jeng hu yaom glaong dalam raidiuk di urang bangsa Lào. Sap raklaiy lai laar njom tame dalam hatai gam tui sap daoh bingi pang di dom kadha daoh bhap bini. 

    Raklaiy hu ngak meng dom nding kreim la-a praong jang tangin kanding hasit, kreim ini bhian tamuh jeng mbu, urang palih ruah dom phun hu tuk atah saong lipih. Urang nao palih ruah ba mai pambu thu piah klah maok mbang, hadei di nan urang dut, cakak blaoh ngak. Kadua, baoh kadaoh di raklaiy nan hu ngak meng kayau xốp hanjul, jangaih min biak laman. Janih ka klau oh kurang hu nan lac dalah pagam dalam nding kreim sit. Dalah nan dahlau diah urang bhian pandar pariak thah lapih biak lapih, tuk pagam tame urang dut iek sap yawa glaong biar karei di gauk tui nding laar tuk yuk hala pariak nan nyu megei biak siam saong nyu khik hu biak lavik, abih di nyu nan lac oh haluh, oh caraih. Janih ka dua nan urang meda  pandar bar ngak dalah di nyu. Dalah bar meyah yuk gam gam jeng biak siam, min caik luai livik  nyu bhian caraih nan ye lavik harei oh yuh brei taoh tabiak rao uak ka hacih. Janih ka pak nan lac ralin danko, ralin danko nan oh njauk lac ralin danko ruoi angok glai, bo danko ini nyu sumu rak pong  bhian ngak sruh di lubang patau atau phun kayau, drei cuh mek ralin. Hadei di tuk pagam dom candaih la-ar nan njauk labik di nyu bloh, urang meng mbeik sap glaong biar, takre hu sap yawa glaong biar yau habar urang brei  mbat ralin danko tame  blaoh mbeik sap veik.

Raklaiy khèn bè hu dua janih, bo urang Lào bhian dut saong gauk, hu janih raklaiy khèn bè 4 saong rakle khèn bè 7 atau 9, rakle khèn bè 4 nyu katut jang, yuk yawa glaong jang saong jangaih jang hasit. Daok rakle 7 saong raklaiy 9 nyu atah jang saong sap yawa nyu biar jang. Dom raklaiy atah saong sap yawa bingi pang brei hu dom urang gheih yuk meng yuk hu bingi pang, kayua yuk nyu brei thau mbeik sap, brei hu ilamu, saong urang Lào bhian pagap urang yuh rakle joi yau urang gru jru, iew lac “mo raklaiy” nan lac urang hu angan je.

Raklaiy di urang Lào saong urang Thái jaik dreih yau gauk, gam dom bangsa môn Kh’mer yau ye urang Kh’mú, urang Sinh Mun gah barak, urang Mường saong dom bangsa mon kh’mer di Tay Nguyen urang jeng pandar raklaiy khèn bè min taong abih dom rakle nan jeng mai meng ilamu di urang Lào, saong ndem tal Lào njauk ndem tal rakle khèn bè janih biak gheih di abih./.