Atah abih tih jiak 62km, jalan roya 40B labik nao tapa tỉnh Kon Tum biak kan  peih radeih. Mbaok jalan sit, khut, bo daok hu yaok pluh labik cua gấp khúc biak kan kandah ka dom radeih nao mai. Tal bilan hajan, bruk glut, jaleih haluk - patau di 2 gah jalan bhian rah tabiak. Saai Trần Đình Trung, sa urang peih radeih pajeng pandap, brei thau

Băng: “Jalan nyu tapa cua biak kan peih, biak nguy hiểm, rilo radeih laik trun vực dui tagok oh hu. Bilan hajan nyu glut jaleih nao oh hu. Gru pato tame pato ka dom adei dalam palei oh nao hu. Ia dauk, glut jaleih oh nao hu biak glaih glar.

Yaom lac atah di ban sit Tam Kỳ, tỉnh Quảng Nam labaih 147 km song daok jiak tasik, min kayua ‘ jalan oh peih hu”, dom janih kaya ikan di tasik oh ka mboh rilo song yaom biak glaong ngan saong bhap bini dua huyện Tu Mơ Rông, Đắc Tô, lac  labik jalan roya 40B nao tapa jang yau tỉnh Kon Tum. Langiu di nan, kayua jalan oh siam nao mai oh mbuan, nan ye dom kaya nong di mikva labik ni jeng pablei yaom biar kayua yaom pah radaih pajeng biak glong. Ong Vương Văn Mười, Phó Chủ tịch ủy ban bhap bini huyện Tu Mơ Rông, tỉnh Kon Tum brei thau:

Băng: “Huyện cong khin lac dalam tuk vak anak tal hu mintri jalan mbak pajeng ba jang yau rajaei sangka buh jien tabiak pasiam jalan roya 40B ni meng pakat VI trun pakat  IV piah pasiam bruk pajeng ba. Tuk bo jalan roya 40 B ni hu ngak pasiam njauk tui pakat IV bhum ceik bloh, bruk nao mai biak mbuan lagaih Kayua huyện nao hu gah Quảng Nam  pajeng ba pandap panda song pablei salihdi bhum ceik saong bhum tapen tasik gah kreh negar hu mbuan lagaih, dong patagok ka bruk ngak mbang pala drak, patagok KT ka huyện.

Tui panuac di rilo chuyên gia song urang pan akaok tỉnh Kon Tum, meyah jalan roya 40B labik nao tapa tỉnh samar hu buh jien tabiak ngak pasiam saong peih prong, ni meda lac sa dalam dom labik pambuak pagam prong di bhum Tây Nguyên song bhum tapen tasik gah kreh negar. Tapa nan nyu jhul ka bhum Bắc Tây Nguyên patagaok, jalan roya ni dok lac jalan pajeng ba pandap panda mbuan lagaih ka abih bhum Nam Lào song  Đông Bắc Campuchia tabiak tasik tapa jalan pabah mbang negar pakat dunya Bờ Y./.