Bimao klik kaok ngak brei katal, kan daok, bo nyu daok ngak brei jruh mbuk. Hu sa jalan ngak biak mbuan meda daong ka drei pasiam hu bruk ini, nan lac pandar baoh lahong tasak.

      Kayua habar baoh lahong tasak pasiam hu ruak bimao klik kaok?

       Lahong lac janih baoh mbang siam ka rup pabhap, hu rilo vitamin saong khoáng chất, saong nyu daok siam ka bruk ngak mekre. Dom janih mặt nạ trị mụn, pasiam klik, palahik tàn nhang, nám klik meng lahong hu jeng bhian randap ngan saong rilo adei sa-ai kumei. Urak ini, meyah hu bimao di klik kaok, njauk pandar baoh lahong  piah palahik bimao. Dalam baoh lahong tasak hu rilo janih vitamin yau vitamin A, B, C saong protein. Dom janih ini nyu daong raong klak kaok, samar tamuh mbuk veik. Lingiu di nan, nyu daok daong ka mbuk jangaih, khang kajap saong oh thu lagu.

Bruk njauk biai nan lac, dalam baoh lahong daok hu papain, sa janih ngak brei patrun saong pacang njom mbak biak siam. Tapa nan nyu daong pacang bimao ngak khut klik kaok. Chất béo saong chất chống oxy hóa dalam baoh lahong daok hu daong pacang bruk taha nao di tế bào,  daong ka mbuk saong klik kaok khang siam. Ini jeng lac jalan pasiam ruak  vẩy nến klik kaok.

          Jalan pandar baoh lahong piah pasiam ruak bimao klik kaok

          Biak mbuan ngak. Mek lahong tasak jaik 50g lac ginup piah pasiam ruak bimao klik kaok, saong jalan ngak jeng biak mbuan: dahlau di abih, drei mek baoh lahong tasak, rao hacih, laok klaak kanduh, klaak asar, mek ralo lahong min. Chai klik lahong bloh luk tagok klaik kaok labik hu bimao. Drei me-om mbuk meng lahong nan dalam 15 – 20 minit bloh raco kaok hacih veik meng ia. Njauk caik hatai brei raco kaok ka nyu hacih, jhui caik ka lahong gam veik angaok mbuk jeng labik ka bimao nyu tameh veik.

     Piah hu siam lagaih di abih, njauk ngak gam gam, meda ngak yaok harei piah samar pasiam./.