Ngan haong urang Dao bhong daok di xã Sì Lở Lầu, huyện Phong Thổ (Lai Châu), adat mek aia likau patuah akaok thun ndung ilamu bangsa saong nan lac sa ilamo biak karei oh kurang hu dalam rai diuk. Kayua yau nan ye, tame melam aia bulan bak baoh di bilan tha yaok thun, bhap bani labik ini  peih ngak adat mek aia piah likau sa thun hu angin siam hajan laghaih, mek hu ralo padai brah.

       Tuk dom bingu đào glai nerak hadah, aia kakuan bak ceik glai, menuac urang ba gauk ndik cagar ceik, nao tagok craoh aia akaok halau.

      Adat mek aia akaok thun di urang Dao Bhong hu makna biak siam, pato pakai anek kamuan thau khik ramik halau aia, khik caga glai, khik iek môi trường piah ka rai diuk hu trei sil haniem phol.

     Kayua yau nan ye, meng tuk page mesup mikva hu ba pandap paling yang, ndik ceik nao duah halau aia piah ngak adat likau yang aia brei aia mai tal puk palei. Urang hu brei nao duah halau aia nan lac sa gru ieu yang hu angan je dalam bhap bani.

Dom urang hu brei nao mek aia nan lac dom urang likei khang kadang, oh ruak kik piah caong khin ba mai patuah jamo ka puk palei luac thun.

    Hadei di tuk duah hu halau aia siam, dom pandap paling yang hu parang tabiak. Gru ieu yang – urang hu angan je dalam palei cuh gilau kakuh likau. Pandap paling yang tok lac rilo pabui, hasit sara, sa kalaok alak saong dom jien ba-ar tượng trưng. Pandap mek aia lac dom ống bương mek meng glai. 

     Urang raok aia angaok bahra gam nao gam likau, caong khin yang aia mai sang. Aia mek mai hu tuh tame kavei palei. Hadei di tuk ba aia mai tuh tame kavei di palei bloh, aia hu ba tame jeik di dom baoh sang.

     Urang Dao bhong di xã Sì Lở Lầu, huyện Phong Thổ saneng lac, aia lac nguồn mạch vũ trụ, pambuak pagam dom tal dunya, khik ramik rai diuk di anek manuac./.