Bac tamat tal bac Kế toán, sang bac Trung cấp Kinh tế kỹ thuật Tây Ninh thun 2010, saai Lâm Văn Thành likau tame xã Suối Đá ngak công an. Dalam tuk ngak bruk , saai Thành tuk halei jeng lac urang nao dahlau dalam dom bruk kayua Đoàn, Hội peih tabiak. Kayua yau nan ye, angan je di saai Thành ngan song urang đoàn, dam dara dalam palei dak harei dak tagok. Akaok thun  2011, saai Thành hu  urang  đoàn , dam dara dalam palei pok ngak Bí thư  Chi đoàn palei Tân Định 2, xã Suối Đá. Meng tuk jeng urang dang akaok di dam dara bangsa takik, saai Thành dak sami samar jang, hadah krah jang dalam dom bruk ngak, abih di nyu nan lac dom bruk xã hội.

Saai Lâm Văn Thành khan lac:  "Dam dara bangsa Tà Mun rilo meng lac kan kathaot, nan ye thei jeng ngak bruk glaih glar meng hu ginup mbang ginup cuk. Kayua yau nan ye, bruk jak ba dam dara ngak bruk xã hội lac sa bruk oh mbuan. Khin jak ba hu dam dara, brei gheih ngak. Song bruk gheih pataom dam dara di saai  Thành lac cang tuk beir harei lahaiy nao jak ba gauk tame ngak dom danak dak dam dara. Meng jalan ngak ni bo yaok tuk hu bruk hagait, saai  Thành meda ieu pataom hu meng  20 tal  25 dam dara hu mbaok tame dom bruk yau: jah hareik, ngak jalan palei, pasiam veik sang danaok dong urang kan, kuac raok danao, jak ba dom urang ngak pahla rik pataom jien piah dong ka urang đoàn kan kandah, uranaih kan kathaot dok dalam palei. Oh lac yau nan saoh, tuk vak tapa  saai  Thành hu 7 mbang halan hatain brei drah ngak pahla kayua Hội Chữ thập đỏ huyện Dương Minh Châu peih tabiak. Saai Trần Thị Thùy Dương, Phó Bí thư Xã đoàn xã Suối Đá, huyện Dương Minh Châu, tỉnh Tây Ninh lac:

 “ Dalam bruk ngak saai lac sa urang nao dahlau dalam dom bruk ngak di đoàn dalam palei , kham merat hu mbaok tame dom bruk kayua xã đoàn jang yau đoàn pakat angaok peih tabiak. Dalam bruk ngak ye saai tuk halei jeng ngak siam bruk hu jao brei, tacei pato abih gauk kham merat ngak bruk biak siam”.

Gam lac Bí thư Chi đoàn, gam ngak Chủ nhiệm kalup kapul dam dara bhum  bangsa takik  palei Tân Định 2,  min bruk halei saai Lâm Văn Thành jeng ngak siam. Thun 2013, dalam angan lac chủ nhiệm kalup kapul, saai Thành samar pambuak bruk song Ban quản lý palei , Ban thường vụ Xã đoàn, Ủy ban Hội Liên hiệp dam dara Việt Nam xã, peih dom var  taom gaok yaok bilan, pathau khan ka dam dara bhum bangsa takik thau ka Hukum nao mai angaok jalan, hukun likhah caga, jalan piah thau saong piah pacang caga ma túy, HIV/AIDS, dom tệ nạn xã hội; hu mbaok tame bruk padang ngak palei pala bahrau. Ieu pataom dam dara bhum  bangsa, tacei jalan dong ka dam dara dalam rai duik, thun 2016, saai  Thành pambuak bruk yaih khan, ba bruk ngak ka labaih 20 dam dara bangsa takik . Saai  Lâm Văn Thành brei thau:

 “Lac chủ nhiệm kalup kapul dam dara bhum bangsa takik, hulin tuk halei jeng nao dahlau dalam bruk ieu pataom , jak ba urang đoàn, dam dara ba gauk ngak rilo bruk daong ka mikva, dong ngak ka palei Tân Định dak harei dak  siam mekre,hacih saat song patagok jang.

Meng pren khang di umo dam, meng abih hatai dalam bruk ngak, tapa 6 thun ngak bruk  Đoàn, saai  Lâm Văn Thành ngak hu rilo bruk song taduan hu rilo harak  meyaom di dom pakat./.