Lễ hội Thăk Kôông hu peih ngak di baha Mahasal Thatmon, xã An Hiệp, huyện Châu Thành, tỉnh Sóc Trăng, meng harei 14 tal harei 16 bilan 3 tui saka ia bulan yaok thun, piah likau ka hajan siam hangin lagaih, pala drak njauk, anek menuac hu raidiuk siam mekre, haniem phul…

Lễ hội Thăk Kôông hu meng dalikan: Meng kan, di An Trạch nyu tamuh tagok sa mbon taneh dreih yau baoh kồng. Tuk hu takai menuac juak tagok, mbon taneh tabiak sap yau sao kong. Urang halei juak hu takai tagok taneh mbon nan, ye sang hu patuah jamo, pren yava khang kadang saong bruk ngak bang hu mbuan lagaih. Oh suai lavik, sap kong dalam mbon taneh nyu sit nao bloh lihik abih. Urang dalam palei jia lac mbon taneh nan hu po yang, brei padang kalan kakuh. Yaok thun, palei An Trạch ba gauk ngak yang likau chraong daong brei salamat di kalan ini saong iew lac lễ hội Thăk Kôông. Tui sap Khmer, Thăk Kôông hu makna lac juak kong, piah hadar veik ka sap kong yava tagok meng ala haluk. 

Kaya pandap oh kurang hu dalam lễ hội Thăk Kôông nan lac dom kalaok bingu hu ngak meng baoh la-u that, iew lac Slathođôn. Baoh la-u that tak samu dua mbaok, mbaok gah angaok klauk nhang, din, bingu. Bingu hu ngak meng dom hala that saong dom bingu vạn thọ, bingu sen, atau bingu cuc. Hu rilo jalan klauk bingu karei di gauk, min tui adat di nyu nan lac dom kalaok bingu hu klau tal, yau brei mboh Tam Bảo di Phật, yaok tal hu dom janih bingu, hala paneng, yaok janih hu 5 klaik, brei thau ka Ngũ Giới. Langiu di nan, daok hu dom kaya karei yau: menyek ngin, merai bhong, bingu padai, tangei, ratak…

Dahlau di tuk ngak adat, dom ong bhik di baha Mahasal Thatmon nao khất thực, likau ka bhap bini dalam palei hu salamat. Adat tuan dok tagok, hu makna lac peih hội Thăk Kôông hu peih ngak di harei 15 bilan 3. Bhap bini paling yang dua salao pandap mbang hu ralo saong pandap chay da-a dom po yang di labik gheng dok dalam mblang baha. Ong ACar ngak yang, cuk nyang, da-a ia ce, hala dok hu katung tagok glaong dalm sap gar, sap kong yava atah.

Dalam dom melam ngak le hoi, dom acar bac hukum, lilkau siam mekre ka bhap bini. Bhap bini tame baha cuh nyang, truac din di papan thờ Phật. Urang jak gauk nao baha iek daoh tamia, du kê…

          Harei tamat, urang Khmer ngak adat palao. Toang abih dom pandap yau: sara, brah, nyuh… hu caik tagok sa baoh gilai ngak meng dhar patei. Dom Acar cuh nyang likau, ndua dhar phol po yang. Hadei di 3 mbang da-a alak, lac tamat adat, sap hagar, sap kon yava tagok, hala dok dui trun, lac tamat le hoi. Dom pandap, gilai meng dhar patei hu ba nao tal kraong ribaong paseik tui ia.

Hadei di tuk tuai damuai nao sang, bhap bini daok di An Trạch peih ngak adat proi bau piah likau ka bruk pala drak hu siam mekre. Adat cambat ini dahalu diah kayua dom amuk taha saong dom urang kumei dara Khmer ngak, harei ini, hu mbaok di taong abih manuac, urang Khmer jeng yau urang Việt, urang Hoa dalam palei. Urang mek dom asar pajaih di lime janih ratak, tangei caik tagok papan kakuh luac dom harei le hoi, hasit bau, nhang meng dom lư hương…ba palao di mblang hamu, paling yang taneh, yang padai, dom poyang khik hamu khik bein ba mai rilo padai brah, raidiuk trei sir, haniem phol.

Harei ini, Lễ hội Thăk Kôông di bol bhap Khmer daok di Sóc Trăng oh lac hu urang Khmer hu mbaok bo daok hu urang Việt, urang Hoa dalam saong langiu tỉnh mai ngak dom adat cambat, brei mboh bruk menyum ia hadar tal halau ia, jum pataom gauk, ndung bak ialmu hadah krah di urang Khmer daok di Sóc Trăng jeng yau uarng Khmer daok di Nam bộ./.