Libik khik ramik tasik Phu Quoc njauk khik caga

 Di huyen pulao Phu Quoc, Kien Giang, mintri ngak nong saong patagok palei pala pambuak bruk saong uy mban bhapnini tinh Kien Giang barau peih nyaom biai so ket 10 thun ngak bruk saong ba jalan khik ramik, patagok libik khik ramik tasik Phu Quoc di tukvak tal. Lam Hiếu urang vak di rayo sap ndom VN daok di bhum taneran kraong CL brei thau ka bruk ini: 

-Hu padang tabiak meng thun 2007, libik khik ramik tasik Phu Quoc hu mbaok ia praong labaih 26 rabau 800 ha, dalam nan libik khik caga catang jaik 3 rabau hecta, libik pasiam sinh thái praong labaih 13 rabau hecta saong libik patagok labaih 10 rabau hecta. 
 -Tapa 10 thun peih bruk khik ramik, libik khik ramik tasik Phu Quoc taduan mek hu bruk daong rilo di dom libik khik ramik, dom gah alamu, abih di nyu nan lac dom gah lingiu rajaei dalam bruk jhul khang dom bruk pato pakai. Tapa nan, paglaong akaok sahaneng, hatai trách nhiem di urang bhapbini dalam bruk ba gauk khik caga alam moi truong, khik caga đa dạng sinh học saong dom janih athur quý hiếm.
-Hu yaok ratuh sang bhapnini daok dalam saong tabhia libik khik ramik tasik hu mbang tui meng dom dự án daong ngak mbang yau: dự án khik ramik saong patagok anek ghẹ hijao di ấp Bãi Bồn, dự án hu daong dom công trình njauk ngak yau brei kapal pajeng ba, pataom hareih, khoan bingun ia, mo hinh raong ếch saong mo hinh gilai thúng pablei salih dich vu du lich..
Langiu di nan, dom urang anek di urang ngak ikan di xã ini daok hu pato bruk saoh yau bac lái radaih ô tô hạng B2, bruk ngak du lich, daong padang 182 sang yuak tian ka sang urang ngak ikan kathaot. 
-Abih di nyu nan lac, libik khik ramik pala hu siam 140 m2 rạn san hô khang, padang dom phao parabha libik khik caga dalam libik khik ramik, padang 2 libik khik pajaih kaya ikan dalam ia di ấp Hòn Rỏi (xã Hòn Thơm), ấp Bãi Thơm (xã Bãi Thơm).
-Min, dalam dom thun jaik ini, libik khik ramik tasik Phu Quoc daok dang anak rilo kan kandah praong ye dom rạn san ho daok gaok palai pajoa biak rilo kayua duah mek saong bruk patok dom kapal du lich. Libik hareik tasik đông bắc pulao mật độkapan, hu rilo janih jeng daok njauk palai pajoa kayua bruk taong cap kaya ikan dalam ia. Dom janih quý hiếm mbuan si lihik abih yau : đồi mồi, kra tasik, Dugong daok njauk urang cap mek mbang, ngak pandap lưu niệm oh ka pacang cakak hu. 

-Dalam tukvak tapa, gah chuc nang di pulao duah mboh saong langyah 6 bruk pametai Dugong saong kra tasik, 1 bruk pajeng 600kg san hô, 350 mbang kapal ikan dalam saong langiu taneh ia ngak suan adat libik khik ramik tasik dalam nan hu bruk pandar dom janih jru patuh dalam taong cap saong kapal cào đôi pandar mắt lưới sit hlang ia mek ikan, oh lac ngak khut dom rạn san hô saong thảm hareik tasik bo daok ba tal bruk lahik abih dom janih athur quý hiếm saong kaya ikan hu yaom. Saai Bùi Ngọc Huấn, aakok kapul khik caga kaya ikan dalam ia Bãi Bổn, xã hàm Ninh khan lac:Drei oh parabha hu libik meng phao canh, urang bhapbini tok thau lac hu libik lõi min oh hu phao canh cambaih labih, dua tra lac daok dalam ia sajarah yau nan ye ghe kapal di Campuchia tapa padang lú, taong tame libik thảm hareik tasik, ngak kan kandah trak tal bruk khik caga thảm hareik tasik. 

-Dalam nyaom biai dom urang jakar jeng mboh lac: dalam patagok du lich njauk nao gam saong bruk khik caga libik khik ramik, khik caga hệ sinh thái, đa dạng sinh học, abih di nyu nan lac bruk ba raok tuai du lich ravang mein di tasik njuak hu adat khik iek catang kapul dịch vụ ini, oh caik pataok gilai ngak tayah rạn san hô. Taphia nan, langiu bruk ngak catang tui adat hukum tapa taong phạt ngak suan, karja njauk paglaong bruk daong jalan ngak mbang ka urang bhapbini dalam libik khik ramik. Abih di nyu nan lac paglaong bruk pambuak pagam khik ramik di karja saong urang ngak ikan, patagok libik dang di bhapbini dalam bruk duah thau dom bruk ngak suan piah caga. Saai Nguyễn Thị Diễm Thúy- Điều phối viên di Kapul khik caga alam lingik tasik dunya WWF ndom lac: Kol drei ndom lac pambuak gauk khik ramik, yau nan ye krja saong urang ngak ikan gam ngak, gam khik caga libik nan. Urang ngak ikan lac urang ngak bruk gam gam yau nan ye bruk hu mbaok di menuac urang di tasik rilo jang duk saong gah chuc nang dalam khik ramik kaya ikan. Min dom urang nan oh hu chức năng taong phạt. Yau nan ye piah daong urang tuk mboh bruk ngak suan, mban khik ramik libik khik ramik Bineer, kapul kiểm ngư saong biên phòng njauk daong dom urang nan langyah dom menuac ngak suan, tuk nan meng pachreih dom urang nan pasang iek saong khik caga libik thảm hareik tasik. 

-Thứ trưởng mintri ngak nong saong patagok palei pala Vũ Văn Tám jeng pataom mek dom panuac rik daong saong maong ini lac jalan piah mintri ngak nong saong patagok palei pala  brei panuac tame  padang hukum thủy sản. Ini lac sa văn bản quy phạm pháp luật ka tasik meda ngak tabiak cơ sở hành lang pháp lý khang kajap khik caga ka bruk peih ngak hu siam bruk khik ramik duah mek siam tài nguyen saong khik caga alam moi truong tasik, khik ka nyu patagok kajap./.