Hadei di mbang paik baoh di kreh thun ini, daok dalam baoh sang praong hu rilo tiện nghi, ông Bùi Văn Khắp, xã Thuận Bình, huyện Thạnh Hóa, tỉnh Long An chreih chrai khan ka raidiuk ngak nong di drei: Meng baoh kruac aik hu yaom, 4 thun tapa, raidiuk mikva urang nong dalam tỉnh hu salih bharau biak rilo. Meng bhum taneh thulagu, phèn mesam, oh raong pala hagait hu, hadei di jaik 30 thun hu jeng dom bein baoh kayau hijao mekre. Bruk ruah njauk phun kruac aik ka bhum taneh ini nyu pachreih daong ka sang ông kak kajap haong bhum taneh ini mbiah tal harei ini. Baoh kruac that njauk yaom hadei di tuk kaoh abih jien buh tame ngak, sang ông Khắp laba hu meng 500 tal labaih 1 tỷ đồng/sa ha tui thun, ginup piah patak pataom padang ngak hu baoh sang barau, blei hu taneh pala drak. Meng 2ha tuk akaok mereip, urak ini sang ông Khắp hu labaih 13 ha phun kruac aik: Sang dahlak dahlau diah lac sang kathaot, meng harei pala kruac aik hu tabiak truh kan kathaot. Anak meta thei jeng mboh drei hu taneh riya, sang danaok, radaih, blei hu taneh riya, brei ka anek nao bac ginup. Hadei di tuk ngak mbang hu bloh, jeng hu tacei ba mikva ngak. Dahlau diah adei saai tok pala  pluh dom hecta urak ini dalam xã tagok hu labaih 200 ha kruac aik paje)

-Sang ông Châu Văn Vết daok di huyện Thạnh Hóa jeng chreih chrai tuk biai ka bruk pala kruac aik, yaom kruac aik. Ngan saong yaom meng 9 tal 13 rabau đồng/sa kg, labaih 4 ha kruac aiak tapa 2 mbang paik hu ba mai ka sang ông Vết meng 300 tal labaih 800 triệu đồng. Raidiuk sang ông Vết hu ginup meda tagok. Urak ini abih 4 urang anek di ông Vết jeng tui bruk pala kruac aik, blei veik taneh saong buh jien tame ngak hệ thống khik ramik trang trại công nghệ glaong nduac meng phần mềm angaok phone tangin. Bruk njauk pok meyaom nan lac ông Vết daok hu tacei pato dom sang bhapbini karei ilamu ky thuat pala kruac aik saong padang angan ka baoh kruac aik that di puk palei drei: Meng tuk hu xã huyện daong brei salih meng taneh ngak padai tapa pala kruac aik, mikva kol dahlak mboh raidiuk hu salih bharau di anak meta. Sang di drei hu padang ngak praong siam, yaom labaih kurang sa tỷ đồng. Vỏ lãi, xuồng máy, radaih jeng hu ginup, pandap panda dalam sang jeng hu ginup oh kurang hagait yau ye tivi, karaoke oh kurang hagait drei caong daoh tuk halei jeng hu, biak uan tabuan.

Dalam huyen Thạnh Hóa hu jaik 180 sang urang nong pala labaih 300 hecta phun kruac aik. Dom thun jaik di ini, sản lượng baoh kruac that di Thạnh hóa tuk halei jeng hu labaih 2.500 tấn sa thun, jeng sa dalam 3 janih phun pala rilo di huyện. Phun kruac aik oh lac ba mai raidiuuk trei sir ka urang nong bo daok ba brei bruk ngak, ba jien tame tani tanat ka yaok pluh rabau urang ngak dalam huyện jeng ye rilo puk palei jaik taphia. Bruk pala kruac aik paatagok hu ba tui dom bruk ngak mbang kinh te, dịch vụ công nghiệp patagok tui.

-Sa dalam dom bruk bui sambai ka mikva pala kruac aik lac meng harei 1/7 anak tal, công ty Gapfood Hậu Giang meda blei abih baoh krauc aik di thành viên hợp tác xã Thuận Bình dalam 5 thun.  Saong daok hu buh phun jien saong quy trình pala drak ka 40 ha phun kruac aik tui tiêu chuẩn Lobalgap piah pablei tapa darak pasak kan tame hu di negar lingiu. Amuk Mã Thanh Điền, Phó phòng nông nghiệp huyện Thạnh Hóa, tỉnh Long An brei thau: Kayua kadung jien di huyện daok kan kandah, sa huyện kathaot daok dalam bhum Đồng Tháp Mười yau nan ye jeng biak caong khin trung ương atau tỉnh hu dom cơ sở atau dom urang đầu tư ka hợp tác xã patagok hệ thống sơ chế, khik ramik kho bãi piah khik caga hu chất lượng baoh kruac nao tabiak darak pasak taneh ia lingiu hu tani tanat khang kajap jang)

-Piah ka baoh kruac aik that patagok khang kajap, tỉnh Long An daok peih ngak đề án quy hoạch bhum pala 10 rabau hecta phun kruac aik tui jalan pandar cong nghe glaong, ginup tieu chuan pabak ka darak pasal taneh ia lingiu. Urak ini Sở ngak nong saong patagok palei pala tỉnh daok roh duah rilo pajaih kruac aik barau hacih ruak, pachreih urang nong tame HTX piah pala drak praong, peih tabiak jalan nao suai livik.

-Gah ngak nong tỉnh Long An daok pambuak bruk saong Tổ hợp sản xuất saong chế biến baoh kraoh pablei tabiak taneh ia lingiu di Công ty cổ phần Nafoods Group Miền Nam piah sơ chế, xử lý baoh kruac aik saong dom janih baoh kayau karei piah khik kajap bruk pablei tabiak jeng ye peih praong taneh pala.

-Phun kruac –janih phun ngak brei salih bahrau raidiuk bhum taphia negar kan kandah di tỉnh Long An daok hu buh jien padang ngak, sanya ka sa angan je kaya nong Viet Nam oh lac hu libik dang dalam taneh ia bo daok yam tabiak brei thau chat luong di dunya./.

Thúy Linh/VOVTPHCM