Mai tal palei Mỹ Khương, xã Mỹ Tịnh An, huyện Chợ Gạo thei jeng thau ong Lê Văn Thủy, umo 58 thun, lac urang ngak nong pala, ngak naih joi pakat negar. Ong urak ini, lac po labik bein praong 1,8 ha taneh pala thanh long chuyên canh. Bein praong di ong daok lac biak "kiểu mẫu" dalam bruk pandar dom ilamu kỹ thuật bahrau tame pala, ngak tui tanut di GAP, năng suất glaong, hu yaom pablei tabiak negar langiu, hu rilo menuac megru ngak tui. 

Meng tari taring saong thau pandar ilamu kỹ thuật bahrau, nan ye bein thanh long di sang ong Thủy tuk halei jeng hu rilo baoh saong praong, siam. Kuhria rah tapa yaok thun, bein thanh long ini hu ngak brei tabiak baoh 3 mbang, hu meng 50-60 tấn baoh. Taong abih baoh thanh long di ong jeng hu HTX Mỹ Tịnh An blei veik abih haong yaom glaong jang yaom darak pasar. Pak di dalam bilan pandiak thu thun ini, bein thanh long di ong hu 20 tấn baoh.

Piah pala thanh long tui tanut GAP hu jak jeng, ong Thủy ngak njauk bruk buh khak, pruh jru, oh pandar khak, jru hóa học. Ong oh pala tui jalan brei sro tagok got xi măng bo ngak brei talei thanh long rui tagok paga hu ngak meng dom gai pasei. Bruk ngak ini hu daong thanh long hu rilo baoh saong takik hu jit ruak. Taong abih labik dalam bein, jeng hu jalan nding pagam vòi pruh ia, pruh jru halak automatic, nan ye oh cang hu rilo menuac iek glang. Ong Lê Văn Thủy khan lac: “Khin ngak tui tanut Global GAP, drei brei salih jalan sahneng., jalan ngak klak, brei kuhria tal bruk salamat hacih sa-at pandap mbang, salamat ka urang blei mbang. Urak ini kol drei brei ngak tui jalan hacih, pruh jru, puh khak drei brei pandar janih hữu cơ, dom chế phẩm sinh học piah ngak pasiam taneh, ba mai siam mekre ka taneh piah drei hu pandap salamat saong siam, njauk hatai takre di urang blei mbang”.

Ong Nguyễn Văn Nam, Akaok UBND xã Mỹ Tịnh An brei thau, ong Lê Văn Thủy lac urang ngak nong naih gheih dalam palei, lac sa dalam dom urang ngak nong ba akaok nao dahlau saong ngak hu jak jeng tui tanut GAP.:

Băng: “Labik sa-ai Ba Thủy, sa-a pala tui tanut VietGAP haong HTX pala tui jalan ba tabiak nan ye năng suất, chất lượng biak glaong. Urak ini, bruk pala tui talei di ong năng suất biak glaong. Ong pruh meng bec phun, lai jru dui talei pruh oh cakaong bình xịt nan ye bingi lo, abih takik prein, bo năng suất biak glaong. Urak ini thanh long ralow patih yaom labaih 15 rabau đồng/kg lac tani tanat biak siam ”.

Meng bruk pala phun thanh long, sang ong Lê Văn Thủy hu ginup meda haong jien mek tame yaok thun hu 1,5 tỷ đồng. Thun 2020, ong hu Thủ tướng rajaei pok brei harak meyaom ka bruk ngak hu praong dalam pala, ngak, hu kapul urang ngak nong Việt Nam pakat negar, haong UBND tỉnh Tiền Giang alin brei rilo harak meyaom ka bruk ngak hu biak gheih dalam bruk di Kapul saong pakacah gauk pala, ngak.

Oh lac pala, ngak naih joi, bo ong daok abih drei haong dom bruk ngak pahla yau bruk daong ka urang nong kan kathaot, padang ngak tatua, jalan nao mai, ong jeng hu labaih 30 mbang brei darah ngak pahla. Thun 2022 ong hu  tame Đảng Cộng sản Việt Nam tuk umo jaik 60 thun. Yaom lac umo jaik 60 thun, min hatai takre ngak bruk di urang đảng ngak nong  Lê Văn Thủy jeng daok biak khang. Ong ndom lac, daok prein yava ye daok ngak bruk piah ngak kreih camin ka anek taco ngak tui./.